ამიკანი ი/მ ი/ვ ხსნარი საინექციო, საინფუზიო 500მგ/2მლ ფლაკონი #1

10.5 ლარი
გენერიული დასახელება: ამიკაცინი მწარმოებელი ქვეყანა: საბერძნეთი მწარმოებელი: ანფარმა გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

ამიკანი შემადგენლობა: ხსნარის თითოეული მილილიტრი აქტიური ნივთიერების სახით შეიცავს 250 მილიგრამ ამიკაცინს. დამხმარე ნივთიერებებია: ნატრიუმის ციტრატი, ნატრიუმის მეტაბისულფიტი და წყალი ინექციისთვის. ფარმაკოთერაპიული ჯგუფი: ამინოგლიკოზიდების ჯგუფის ანტიბიოტიკი. ჩვენებები: ამიკაცინის მიმართ მგრძნობიარე ბაქტერიებით გამოწვეული სერიოზული ინფექციები. დოზირება და მიღების წესი: მედიკამენტი ჩვეულებრივ კეთდება კუნთში. შესაძლებელია მისი გამოყენება ვენაში ინექციის ან ინფუზიის სახით. შესაძლებელია ასევე ამიკაცინის გამოყენება მუცლის ღრუში ქირურგიული ჩარევის დროს, აბსცედირებული ღრუს, ფილტვის და ტვინის კავიტაციების ამოსარეცხად. დოზა შესაძლებელია დამოკიდებული იყოს ასაკზე, თანმხლებ ინფექციაზე, თირკმელების ფუნქციაზე, სმენის სიმახვილეზე, სხვა მედიკამენტების მიღებაზე და განსაზღვრავს მკურნალი ექიმი. ჩვეულებისამებრ, იგი ინიშნება 2-3-ჯერ დღეში, 10 დღე. მოზრდილები და ბავშვები 12 წელს ზემოთ: 15 მგ კგ-ზე სხეულის წონისა, დღეში ერთხელ ან ორ ტოლ დოზად გაყოფილი 7.5 მგ კგ-ზე ყოველ 12 საათში ერთხელ. მთლიანი დოზა არ უნდა აღემატებოდეს 1.5გ-ს. 12 წლამდე ბავშვებში: 15-20 მგ კგ-ზე სხეულის წონისა, დღეში ერთხელ ან ორ ტოლ დოზად გაყოფილი 7.5 მგ კგ-ზე ყოველ 12 საათში ერთხელ. ახალშობილებში: საწყისი დოზაა 10 მგ კგ-ზე სხეულის წონისა, მომდევნო 7.5 მგ კგ-ზე ყოველ 12 საათში ერთხელ. დღენაკლულ ახალშობილებში: 7.5 მგ კგ-ზე ყოველ 12 საათში ერთხელ. გვერდითი მოვლენები: ნებისმიერი ქვემოთ ჩამოთვლილის შემთხვევაში, დაუყოვნებლივ უნდა მიემართოს ექიმს: ძლიერი ალერგიული რეაქციები - უეცარი გამონაყარი ქავილით, ხელების, ტერფების, კოჭების, სახის, ტუჩების, პირის ან ყელის შეშუპება და გულის წასვლის შეგრძნება. ხმაური ყურებში ან სმენის დაქვეითება. გამოყოფილი შარდის რაოდენობის შემცირება. შეძლებისდაგვარად სწრაფად უნდა მიემართოს ექიმს, თუ აღინიშნა რომელიმე ჩამოთვლილთაგანი: თავბრუსხვევა, მხედველობის პრობლემები, უჩვეულო ჩხვლეტის შეგრძნება, კანზე გამონაყარი, ცხელება, თავის ტკივილი, გულისრევა და ღებინება. ამიკაცინმა შესაძლოა გამოიწვიოს თირკმლის ფუნქციის ცვლილებები. ექიმის მიერ მოხდება სისხლის ანალიზების შეფასება და სმენის ტესტების შემოწმება. უკუჩვენებები: მომატებული მგრძნობელობა ამიკაცინის ან პრეპარატის შემადგენელი ნებისმიერი ინგრედიენტის მიმართ, მიასთენია გრავისი - სხეულის ცალკეული კუნთების ძლიერი სისუსტე. ურთიერთქმედება სხვა პრეპარატებთან: განსაკუთრებული სიფრთხილეა საჭირო ზოგიერთი მედიკამენტის მიღების შემთხვევაში, რომელსაც შესაძლოა ჰქონდეს მოქმედება ამიკაცინთან, როგორიცაა: შარდმდენები - ფუროსემიდი და ეტაკრინის მჟავა; სხვა ანტიბიოტიკები, რომელთაც შეუძლიათ იმოქმედონ თირკმელებზე ან სმენაზე, როგორიცაა სტრეპტომიცინი, დიჰიდროსტრეპტომიცინი, გენტამიცინი, ტობრამიცინი, კანამიცინი, ნეომიცინი, პოლიმიქსინ B, კოლისტინი, ცეფალორიდინი ან ვიომიცინი. საანესთეზიო საშუალებები ან მიორელაქსანტები, როგორიცაა ეთერი, ჰალოტანი, ტუბოკურარინი, სუქცინილქოლინი და დეკამეთონიუმი. ინდომეტაცინი. განსაკუთრებული მითითებები: საჭიროა განსაკუთრებული სიფრთხილის ზომების დაცვა თუ სახეზეა თირკმლის პრობლემები, სმენის დარღვევები ან ხმაური ყურებში, წარსულში რომელიმე ამინოგლიკოზიდების ჯგუფის ანტიბიოტიკის მიღებასთან დაკავშირებული ალერგიის ნიშნები. სიფრთხილით ინიშნება დღენაკლულებსა და ახალშობილებში. ეს მედიკამენტი შეიცავს ნატრიუმის მეტაბისულფიტს, რომელიც იშვიათად იწვევს მომატებული მგრძნობელობის რეაქციებს და ბრონქოსპაზმს. სამედიცინო პროდუქტი შეიცავს 1 მმოლ-ზე ნაკლებ ნატრიუმს დოზაში ანუ არის “ნატრიუმისგან თავისუფალი”. მკურნალობის პერიოდში შესაძლოა მოხდეს სისხლის ტესტების, შარდის ანალიზების და სმენის ტესტების შეფასება გვერდითი მოვლენების გამოვლენის მიზნით. აღნიშნული ტესტების შედეგების მიხედვით ექიმის მიერ შესაძლოა მოხდეს დოზის ცვლილება. მედიკამენტი ინიშნება ჰოსპიტალურად, ექიმის მეთვალყურეობის ქვეშ. ნაკლებ სავარაუდოა რომ მოხდეს ძალიან დიდი ან მცირე დოზით მედიკამენტის მიღება, თუმცა, ნებისმიერი შენიშვნის შემთხვევაში უნდა მიემართოს ექიმს ან ექთანს. ორსულობა და ლაქტაცია: ექიმს უნდა ეცნობოს ორსულობის ან ძუძუთი კვების შესახებ. მის მიერ მოხდება მედიკამენტის დანიშვნა თუ მოსალოდნელი სარგებელი გადაწონის ბავშვისთვის პოტენციურ რისკს. მანქანისა და სხვა მექანიზმების მართვა: არ უნდა მოხდეს მედიკამენტის მიღების დროს ავტომობილის ან სხვა მექანიზმების მართვა თუ აღინიშნა რომელიმე გვერდითი მოვლენა რამაც შესაძლოა შეამციროს მართვის უნარები. გარეგნული სახე და შეფუთვა: ამიკანი არის სუფთა, უფეროდან მკრთალ ყვითლამდე შეფერილობის ხსნარი ინექციისთვის, რომელიც გამოდის შუშის ფლაკონების სახით. შეფუთვა შეიცავს #1 500 მგ.2 მლ ფლაკონს. შენახვის პირობები: ამიკანი ინახება ბავშვებისთვის მიუწვდომელ ადგილას, არაუმეტეს 25C ტემპერატურაზე. გახსნილი ფლაკონების გამოუყენებელი პორცია არ ინახება შემდგომი გამოყენებისთვის. გამზადებული საინექციო ან საინფუზიო ფორმები უნდა იქნეს გამოყენებული დაუყოვნებლივ. ვარგისიანობის ვადა: ვადა: ეს პრეპარატი არ გამოიყენება შენახვის ვადის გასვლის შემდეგ, რომელიც მოცემულია ფლაკონსა და ყუთზე, ვადად ითვლება მითითებული თვის ბოლო დღე. აფთიაქიდან გაცემის პირობები: რეცეპტით. წარმოების ლიცენზიის მფლობელი: ანფარმ ჰელლას ს.ა. პერიკლეუს 53-57, 15344 გერაკას, ათენი, საბერძნეთი. წარმოებაზე პასუხისმგებელი: ანფარმ ჰელლას ს.ა. 61ქ. კმ ნატ. როუდ ათენი-ლამია, შიმატარი ვიოტიას, 32009 საბერძნეთი

მსგავსი პროდუქტები