აზიტრომიცინი-ჰუმანითი ტაბლეტი 250მგ #6

7.2 ლარი
გენერიული დასახელება: აზითრომიცინი მწარმოებელი ქვეყანა: ინდოეთი მწარმოებელი: ლაბ. უნიმაქსი გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

აზითრომიცინი-ჰუმანითი Azithromycin-HUMANITY აზითრომიცინი შემადგენლობა: ერთი ტაბლეტი შეიცავს: აქტიური ნივთიერება–აზითრომიცინის დიჰიდრატი (აზითრომიცინის ექვივალენტი) 250მგ, ან 500მგ, დამხმარე ნივთიერებები: მიკროკრისტალური ცელულოზა, სიმინდის სახამებელი, პოვიდონი, გასუფთავებული ტალკი, სილიციუმის დიოქსიდი კოლოიდური, მაგნიუმის სტეარატი, ნატრიუმის სახამებელ გლიკოლატი. გარსის შემადგენლობა: ჰიპრომელოზა, გასუფთავებული ტალკი, მაკროგოლი 6000, ტიტანიუმის დიოქსიდი, საღებავი ინდიგო. ჩვენება: ფარინგიტი, ტონზილიტი, სინუსიტი, შუა ოტიტი; მწვავე და ქრონიკული ბრონქიტი, ინტერსტიციული და ალვეოლური პნევმონია; ქრონიკული მიგრიგებადი ერითემა–ლაიმას დაავადების საწყისი სტადია, წითელი ქარი, იმპეტიგო, მეორადი პიოდერმატოზები; Helicobacter pylori ასოცირებული კუჭის და 12-გოჯა ნაწლავის დაავადებები; გონორეული და არაგონორეული ურეთრიტი და-ან ცერვიციტი. მიღების წესი და დოზები: 250მგ აზითრომიცინის ტაბლეტები მიიღება ერთჯერ დღეში ჭამამდე 1 საათით ადრე, ან ჭამიდან 2 საათის შემდეგ. სასუნთქი გზების ზედა და ქვედა ნაწილების, კანის და რბილი ქსოვილების ინფექციებისას, ინიშნება 500მგ-დღე-ღამეში 3 დღის განმავლობაში (კურსზე დოზა 1,5მგ). გაურთულებელი ურეთრიტის და-ან ცერვიციტისას ინიშნება ერთჯერადად 1გ (250მგ 4 ტაბლეტი). ლაიმას დაავადებისას (ბორელიოზი) საწყისი სტადიის (erythema migrans) სამკურნალოდ ინიშნება 1გ (250მგ 4 ტაბლეტი) პირველ დღეს და 500მგ ყოველდღიურად 2-5 დღეს (დოზა კურსზე–3გ). Helicobacter pylori ასოცირებული კუჭის და თორმეტგოჯა ნაწლავის დაავადებებისას, აზითრომიცინი ინიშნება 1გ (250მგ 4 ტაბლეტი) დღე-ღამეში 3 დღის განმავლობაში კომბინაციური თერაპიის შემადგენლობაში. პრეპარატის ერთი დოზის მიღების გამოტოვების შემთხვევაში საჭიროა გამოტოვებული დოზის რაც შეიძლება მალე მიღება, ხოლო მომდევნოს–24 საათიანი ინტერვალით. ხანდაზმულ პირებში და თირკმლის დარღვეული ფუნქციის მქონე პაციენტებში დოზის შეცვლის აუცილებლობა არ არის. გვერდითი მოვლენები: გულისრევა, ღებინება, დიარეა, მუცლის ტკივილი. გვერდითი მოვლენებიდან ნებისმიერის გამოვლენის შემთხვევაში, მათ შორის ისეთის, როემლიც არ არის მოცემული ამ ინსტრუქციაში უნდა მიემართოს მკურნალ ექიმს ან ფარმაცევტს. უკუჩვენებები: ცნობილი მომატებული მგრძნობელობა მაკროლიდური ანტიბიოტიკების მიმართ; ღვიძლის და თირკმლების ფუნქციის მძიმე დარღვევები; 18 წლამდე ბავშვთა ასაკი (საღებავის არსებობის გამო); ორსულობის პირველი ტრიმესტრი და ლაქტაცია. მედიკამენტური ურთიერთქმედება: ანტაციდები მნიშვნელოვანწილად აქვეითებენ აზითრომიცინის შეწოვას, ამიტომ პრეპარატი მიიღება ამ პრეპარატების მიღებამდე ერთი საათით ადრე, ან მათი მიღებიდან ორი საათის შემდეგ. მაკროლიდური ანტიბიოტიკები ურთიერთქმედებენ ციკლოსპორინთან, ასტემიზოლთან, ტრიაზოლამთან, მიდაზოლამთან, ან ალფენტანილთან. ამ პრეპარატების ერთად გამოყენებისას, რეკომენდებულია გულმოდგინე დაკვირვება. აზითრომიცინი არ ახდენს გავლენას ?-450 ციტოქრომზე და ამიტომ არ ურთიერთქმედებს თეოფილინთან, ტერფენადინთან, კარბამაზეპინთან, მეთილპრედნიზოლონთან, დიდანოსინთან და ციმეტიდინთან. აზითრომიცინის და არაპირდაპირი მოქმედების ანტიკოაგულანტების ერთდროულად გამოყენებისას, შესაძლებელია სისხლდენა. ამიტომ ამ დროს აუცილებელია პროთრომბინის დროის კონტროლი. აზითრომიცინის და დიგოქსინის კომბინაციისას, შესაძლებელია სისხლში დიგოქსინის კონცენტრაციის მომატება, ამიტომ აუცილებელია სისხლში დიგოქსინის დონის კონტროლი და მისი დოზის კორექცია. აზითრომიცინის და ერგოტამინის პრეპარატების ერთდროული დანიშვნა არ არის რეკომენდებული, რადგან შესაძლებელია ერგოტიზმის განვითარება. ზიდოვუდინი: აზითრომიცინი ზრდის სისხლში ზიდოვუდინის აქტიური ფოსფორილებული მეტაბოლიტის კონცენტრაციას. თუმცა ამჟამად მოცემული ფარმაკოკინეტიკური ურთიერთქმედების კლინიკური მნიშვნელობა უცნობია. რიფაბუტინი: აზითრომიცინის და რიფაბუტინის ერთდროული გამოყენება არ ცვლის მათ პლაზმურ კონცენტრაციებს. თუმცა ამ დროს აღინიშნებოდა ნეიტროპენია, მიზეზი–შედეგობრივი კავშირი გვერდითი რეაქციის განვითარებასა და მოცემული კომბინაციის გამოყენებას შორის დადგენილი არ არის. განსაკუთრებული მითითებები: მაკროლიდების ჯგუფის ანტიბიოტიკების მიღებისას, არის ცნობები შემდეგი გვერდითი მოვლენების შესახებ: პარკუჭოვანი არითმია, პარკუჭოვანი ტაქიკარდიის და თრთოლვა-ციმციმის (პარკუჭების) ჩათვლით, პაციენტებში QT ინტერვალის გახანგრძლივებით. ძალიან იშვიათად აზითრომიცინით მკურნალობის ფონზე შესაძლებელია თრთოლვა-ციმციმი (პარკუჭების) და შემდგომი მიოკარდიუმის ინფარქტი, პირებში, რომლებსაც ანამნეზში აქვთ არითმია. გულის რეპოლარიზაციის და QT ინტერვალის გახანგრძლივება, რომლებიც ზრდიდნენ გულის არითმიის და პარკუჭების თრთოლვა-ციმციმის რისკს, აღინიშნა სხვა მაკროლიდური ანტიბიოტიკებით მკურნალობისას. აზითრომიცინის მსგავსი ეფექტი არ შეიძლება მთლიანად გამოირიცხოს პაციენტებში გულის რეპოლარიზაციის გახანგრძლივებით. ორსულობა: პრეპარატის გამოყენება ორსულობის მეორე და მესამე ტრიმესტრში შესაძლებელია როდესაც მოსალოდნელი სარგებელი აღემატება პოტენციურ რისკს ნაყოფისათვის. სამკურნალო საშუალების გავლენის თავისებურებები სატრანსპორტო საშუალებების ან პოტენციურად საშიში მექანიზმების მართვის უნარზე-პრეპარატით მკურნალობისას აუცილებელია თავის შეკავება ავტოტრანსპორტის მართვისა და პოტენციურად საშიში ქმედებების შესრულებისაგან. დოზის გადაჭარბება: მონაცემები აზითრომიცინის დოზის გადაჭარბების შესახებ, არ არის. მაკროლიდური ანტიბიოტიკების დოზის გადაჭარბება ვლინდება სმენის შექცევადი დაკარგვით, მძიმე გულისრევით, ღებინებით და დიარეით. მკურნალობა: აუცილებელია ღებინების გამოწვევა, და დაუყოვნებლივ სიმპტომური თერაპიის ჩატარება. გამოშვების ფორმა: 6 ტაბლეტი 250მგ დოზირებისათვის და 3 ტაბლეტი 500მგ დოზირებისათვის კონტურულ უჯრედულ ალუმინის ფოლგის და პოლივინილქლორიდის აპკისებრ შეფუთვაში. ერთი კონტურული შეფუთვა გამოყენების ინსტრუქციასთან ერთად მოთავსებულია მუყაოს კოლოფში. შენახვის პირობები: ინახება არაუმეტეს 25C ტემპერატურაზე და ბავშვებისთვის მიუწვდომელ ადგილას. ვარგისიანობის ვადა: 2 წელი. წამლის ფორმა: აპკისებრი გარსით დაფარული ტაბლეტები 250მგ და 500მგ. აფთიაქიდან გაცემის პირობები: ფარმაცევტული პროდუქტის ჯგუფი II, გაიცემა ფორმა N3 რეცეპტით. მწარმოებელი: უნიმაქს ლაბორატორიეს, ინდოეთი.

მსგავსი პროდუქტები