ამიკაცინი-ჰუმანითი ი/მ ი/ვ ხსნარი საინექციო 250მგ/1მლ 2მლ ფლაკონი #1

4.4 ლარი
გენერიული დასახელება: ამიკაცინი მწარმოებელი ქვეყანა: ინდოეთი მწარმოებელი: ვენუს რემედიესი გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

ამიკაცინი-ჰუმანითი შემადგენლობა: ხსნარის ყოველი მლ აქტიური ნივთიერების სახით შეიცავს: 250 მგ ამიკაცინის ექვივალენტური ამიკაცინის სულფატი. დამხმარე ნივთიერებები: ნატრიუმის მეტაბისულფიტი, ტრინატრიუმ ციტრატი, გოგირდმჟავა, საინექციო წყალი. ფარმაკოთერაპიული ჯგუფი: სისტემური გამოყენების ანტიბაქტერიული საშუალებები, სხვა ამინოგლიკოზიდები. ჩვენებები: პრეპარატის მიმართ მგრძნობიარე მიკროორგანიზმებით გამოწვეული ინფექციები, მათ შორის ფსევდომონა, ზოგიერთი გრამ-დადებითი - Staphylococcus aureus, მეტიცილინ რეზისტენტული შტამების, ფართო სპექტრის გრამ-უარყოფითი ბაქტერიების მიმართ. ინიშნება სერიოზული ინფექციების ხანმოკლე მკურნალობისთვის. უნდა მოხდეს ანტიბაქტერიული საშუალებების სათანადო გამოყენების შესახებ ოფიციალური მითითებების გათვალისწინება. დოზირება და მიღების წესი: ამიკაცინის სულფატის ინექციის შეყვანა უნდა მოხდეს კუნთში ან ვენაში. არ უნდა მოხდეს მისი სხვა პრეპარატებთან შერევა. მკურნალობის დროს პერიოდულად უნდა მოხდეს თირკმლის ფუნქციის შეფასება. საჭიროების დროს უნდა შემოწმდეს ამიკაცინის კონცენტრაცია სისხლში. რეკომენდებული დოზების მიღებისას მგრძნობიარე ორგანიზმებით გამოწვეული გაურთულებელი ინფექციების დროს შედეგი უნდა შეინიშნებოდეს 24-48 სთ-ში. თუ კლინიკური პასუხი არ შეინიშნება 3-5 დღის განმავლობაში - ინიშნება ალტერნატიული თერაპია. მოზრდილები და ბავშვები 12 წლიდან: თირკმლის ნორმალური ფუნქციის დროს 15 მგ. კგ-ზე დღეში, რომლის მიღებაც შესაძლებელია ერთჯერადი დღიური დოზის ან 2 თანაბრად გაყოფილი დოზების სახით. საერთო დღიურმა დოზამ არ უნდა გადააჭარბოს 1.5 გ. ბავშვები 4 კვირიდან 12 წლამდე: თირკმლის ნორმალური ფუნქციით არის 15-20 მგ. კგ-ზე დღეში. ახალშობილები: 10 მგ კგ საწყის დარტყმით დოზას მოყვება 7.5 მგ კგ-ზე 12 საათში. ნაადრევადშობილები: 7.5 მგ კგ ყოველ 12 საათში. მკურნალობის ჩვეულებრვი ხანგრძლივობაა 7-10 დღე. საერთო დღიური დოზა მიღების ნებისმიერი გზით არ უნდა აჭარბებდეს 15-20 მგ. კგ დღეში. ხსნარი მიიღება 30-60 წუთის განმავლობაში. ჩვილებში გამოიყენება 1-2 საათიანი ინფუზია. ხანდაზმულები: ხანდაზმულებში უნდა მოხდეს თირკმლის ფუნქციის შემოწმება და დოზის სათანადო კორექცია. პაციენტებში თირკმლის ფუნქციის დარღვევით, რაც აისახება კრეატინინის კლირენსით <50 მლ.წთ, რეკომენდებული საერთო დღიური დოზის მიღება ერთჯერადად არ არის სასურველი. დოზების კორექცია პაციენტებში თირკმლის ფუქნციის დარღვევით უნდა მოხდეს, ნორმალური დოზის მიღებით, გახანგრძლივებული ინტერვალებით ან შემცირებული დოზებით ფიქსირებული ინტერვალებით. გვერდითი მოვლენები: მეორადი ინფექციები ან რეზისტენტული ბატერიებით ან სოკოთი, ანემია, ეოზინოფილია, ანაფილაქსიური რეაქცია, შოკი, მომატებული მგრძნობელობის რეაქციები. მაგნიუმის დონის დაქვეითება სისხლში, დამბლა, კანკალი, მგრძნობელობის მოშლა, თავის ტკივილი, წონასწორობის დარღვევა, ხმაური ყურებში, ჰიპოაკუზია, სიყრუე, ნეიროსენსორული სმენაჩლუნგობა, სუნთქვის გაჩერება, ბრონქოსპაზმი, გულისრევა, ღებინება, გამონაყარი, ქავილი, ჭინჭრის ციება, კუნთებისა და სახსრების ტკივილი, თირკმლის მწვავე უკმარისობა, ნეფროპათიური ტოქსიურობა, უჯრედები, ცილა შარდში, შარდვის შემცირება, სისხლში კრეატინინის მომატება, აზოტემია, შარდში სისხლის წითელი და თეთრი უჯრედები, პირექსია. თვალშიდა ინექციის შემთხვევაში - სიბრმავე და რქოვანას ინფარქტი, რის გამოც არ გამოიყენება თვალში საინექციოდ. მერვე ნერვზე ტოქსიურმა ეფექტმა შესაძლოა გამოიწვიოს სმენის დაკარგვა, წონასწორობის მოშლა ან ორივე ერთად. ამიკაცინი პირველ რიგში აზიანებს სმენით ფუნქციას. უკუჩვენებები: მომატებული მგრძნობელობა ამიკაცინის ან რომელიმე მისი კომპონენტის მიმართ. ამინოგლიკოზიდების მიმართ მომატებული მგრძნობელობა ან სერიოზული ტოქსიური რეაქციების ანამნეზი. ამინოგლიკოზიდებმა შესაძლებელია დაარღვიონ ნერვ-კუნთოვანი გადაცემა და დაუშვებელია მიღება მიასთენიის დროს. ურთიერთქმედება სხვა პრეპარატებთან: ბაციტრაცინი, ცისპლატინი, ამფოტერიცინი B, ციკლოსპორინი, ტაკროლიმუსი, ცეფალორიდინი, პარომომიცინი, ვიომიცინი, პოლიმიქსინი B, კოლისტინი, ვანკომიცინი ან სხვა ამინოგლიკოზიდების ერთდროული მიღება დაუშვებელია. მომატებული ნეფროტოქსიურობა - ცეფალოსპორინებთან ერთად მიღების შემდეგ - შესაძლოა გაზარდოს კრეატინინის შრატისმიერი დონე. საინექციო ამიკაცინის სულფატის გამოყენება ეთაკრინის მჟავასთან ან ფუროსემიდთან ერთად დაუშვებელია. ბეტა-ლაქტამური ანტიბიოტიკები იწვევენ მნიშვნელოვან ურთიერთქმედებას, შესაძლებელია შრატისმიერი აქტივობის შემცირება. იზრდება ჰიპოკალემიის განვითარების რისკი ბისფოსფატებთან მიღებისას. იზრდება ნეფროტოქსიურობის რისკი და სავარაუდოდ ოტოტოტქსიურობის პლატინის შენაერთებთან ერთად მიღებისას. ინდომეტაცინმა შესაძლოა გაზარდოს ამიკაცინის პლაზმური კონცენტრაციები ახალშობილებში. განსაკუთრებული მითითებები: ამიკაცინის თერაპიის დროს საჭიროა პაციენტების სათანადო ჰიდრატაცია. თუ მკურნალობა გაგრძელდება 7 ან მეტი დღით, პაციენტებში თირკმლის უკმარისობით, ან 10 დღე სხვა პაციენტებში, საჭიროა მკურნალობამდელი აუდიოგრამის ჩატარება და მისი განმეორება მკურნალობის განმავლობაში. თირკმლისმიერი ტოქსიურობის რისკი მაღალია პაციენტებში თირკმლის დარღვეული ფუნქციით და მაღალი დოზების მიღებისას, ასევე გახანგრძლივებული მკურნალობის დროს. დოზის შემცირება საჭიროა თირკმლის დისფუნქციის დროს, როგორიცაა შარდში ნალექის არსებობა, თეთრი ან წითელი უჯრედების არსებობა, ალბუმინურიის, შემცირებული კრეატინინის კლირენსის, შარდის შემცირებული კუთრი წონის, მომატებული შარდოვანას, შრატისმიერი კრეატინინის ან შარდვის შემცირების დროს. აზოტემიის მომატების შემთხვევაში ან შარდის გამოყოფის პროგრესულად შემცირებისას, უნდა შეწყდეს მკურნალობა. თირკმლის ფუქნციის მონიტორინგი ხანდაზმულებში ამინოგკლიოზიდებით მკურნალობის დროს განსაკუთრებით მნიშვნელოვანია. საჭიროა სერიული აუდიოგრამის ჩატარება განსაკუთრებით მაღალი რისკის ხანდაზმულ პაციენტებში. ოტოტოქსიურობის ან ნეფროტოქსიურობის ნიშნების შემთხვევაში უნდა შეწყდეს პრეპარატის მიღება ან მოხდეს დოზების კორექცია. ნერვ-კუნთოვანი ბლოკადა და სუნთქვის დათრგუნვა გათვალისწინებული უნდა იქნეს ამინოგლიკოზიდების მიღებისას ნებისმიერი გზით, განსაკუთრებით პაციენტებში საანესთეზიო, ნერვ-კუნთოვანი გადაცემის მაბლოკირებელი საშუალებების მიღებისას, როგორიცაა ტუბოკურანინი, სუქცინილქოლინი, დეკამეთონიუმი, ატრაკურიუმი, როკურონიუმი, ვეკურონიუმი ან პაციენტებში ციტრატ-ანტიკოაგულირებული სისხლის მასიური ტრანსფუზიების მიღებისას. დაუშვებელია ამიკაცინის გამოყენება პაციენტებში მიასთენიის დროს. ამიკაცინის დიდი დოზების მიღება ქირურგიული ოპერაციის დროს იწვევს გარდამავალი მიასთენიის სინდრომს. ამიკაცინის სულფატის ინექცია ფლაკონებში შეიცავს ნატრიუმის ბისულფიტს, სულფიტს, რომელსაც შეუძლია გამოიწვიოს ალერგიის მსგავსი რეაქციები. ამინოგლიკოზიდების გამოყენება სიფრთხილით უნდა მოხდეს ნაადრევადშობილ და ახალშობილებში. ორსულობა და ლაქტაცია: ორსულობის პერიოდში პრეპარატი გამოიყენება მკაცრად მხოლოდ ექიმის დანიშნულების შემთხვევაში. ლაქტაციის პერიოდში პრეპარატის მიღების აუცილებლობის შემთხვევაში უნდა შეწყდეს ძუძუთი კვება. მანქანისა და სხვა მექანიზმების მართვა: არ ჩატარებულა კვლევები ავტომობილის და სხვა მექანიზმების მართვის უნარზე ზემოქმედების შესახებ. რამოდენიმე გვერდითი რეაქციის განვითარების გამო შესაძლებელია ზემოქმედება ავტომობილის და სხვა მექანიზმების მართვის უნარზე. ჭარბი დოზირება: ჭარბი დოზირებისას არსებობს თირკმლისმიერი- ყურისმიერი- და ნეიროტოქსიურობის რისკი. ნერვ-კუნთოვანი გამტარებლობის ბლოკადა სუნთქვის დათრგუნვით საჭიროებს სათანადო მკურნალობას. ჭარბი დოზირების შემთხვევაში ან ტოქსიური რექციისას, პერიტონეალური დიალიზი ან ჰემოდიალიზი ხელს შეუწყობს ამიკაცინის სისხლიდან გამოდევნას. ახალშობილებში, ასევე შესაძლებელია გაცვლითი ტრანსფუზია. გარეგნული სახე და შეფუთვა: 2 მლ ხსნარი შუშის ფლაკონში. 1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში. შენახვის პირობები: გახსნამდე ინახება ორიგინალ შეფუთვაში არაუმეტეს 25C ტემპერატურაზე სინათლისაგან დაცულ და ბავშვებისათვის მიუწვდომელ ადგილას. განზავების შემდეგ ქიმიური და ფიზიკური სტაბილურობა ნარჩუნდება 24 სთ არაუმეტეს 25C ტემპერატურაზე შენახვისას. ვარგისიანობის ვადა: 2 წელი. აფთიაქიდან გაცემის პირობები: რეცეპტით. მწარმოებელი: ვენუს რემედიზ ლიმიტედ, ინდოეთი სარეგისტრაციო სერთიფიკატის მფლობელი: სს „ჰუმანითი ჯორჯია“, საქართველო

მსგავსი პროდუქტები