ავეფლოცინი-ჰუმანითი ტაბლეტი 400მგ #10

38 ლარი
გენერიული დასახელება: მოქსიფლოქსაცინი მწარმოებელი ქვეყანა: ინდოეთი მწარმოებელი: მეპრო ფარმაციუტიკალსი გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

ავეფლოცინი-ჰუმანითი შემადგენლობა: ერთი ტაბლეტი აქტიური ნივთიერების სახით შეიცავს: 400 მგ მოქსიფლოქსაცინის ექვივალენტური მოქსიფლოქსაცინის ჰიდროქლორიდი. დამხმარე ნივთიერებები: ლაქტოზას მონოჰიდრატი, კროსპოვიდონი, სიმინდის სახამებელი, პოვიდონი, სილიციუმის კოლოიდური დიოქსიდი, მაგნიუმის სტეარატი. გარსის შემადგენლობა: ჰიდროქსიპროპილ მეთილცელულოზა, რკინის ყვითელი ოქსიდი, პროპილენგლიკოლი, პოლიეთილენგლიკოლი 6000, გასუფთავებული ტალკი, ტიტანის დიოქსიდი. ფარმაკოთერაპიული ჯგუფი: სისტემური გამოყენების ანტიბაქტერიული პრეპარატები. ფტორქინოლონები. ჩვენებები: პრეპარატის მიმართ მგრძნობიარე მიკროორგანიზმებით გამოწვეული შემდეგი ინფექციები: სასუნთქი გზების, მათ შორის ქრონიკული ბრონქიტის გამწვავება, არაჰოსპიტალური პნევმონია, მწვავე სინუსიტი, კანისს და რბილის ქსოვილების არამწვავე და გამწვავებული ინფექციები, მათ შორის ინფიცირებული „დიაბეტური ტერფი“, მცირე მენჯის ღრუს ორგანოების არამწვავე ანთებითი დაავადებები, გართულებული მუცლის ღრუს ინფექციები, მათ შორის პოლიმიკრობული ინფექციები და პერიტონიუმის აბსცესები. მკურნალობისას საჭიროა ოფიციალური რეკომენდაციების გათვალისწინება ანტიბაქტერიული პრეპარატების გამოყენების შესახებ. დოზირება და მიღების წესი: ტაბლეტები უნდა დაიღეჭოს მთლიანად, საკმარისი რაოდენობით სითხის მიყოლებით. შესაძლებელია მიღება კვებისგან დამოუკიდებლად. მოზრდილები: 400 მგ ერთხელ დღეში. არ უნდა მოხდეს დოზის და რეკომენდებული მკურნალობის ხანგრძლივობის გადაჭარბება. მკურნალობის ხანგრძლივობა განისაზღვრება ჩვენების სიმწვავის და კლინიკური ეფექტის მიხედვით. ზედა და ქვედა სასუნთქი გზების ინფექციების მკურნალობის დროს: ქრონიკული ბრონქიტის გამწვავება - 5 დღე. არაჰოსპიტალური პნევმონია - 10 დღე, მწვავე სინუსიტი - 7 დღე. კანის და რბილი ქსოვილების გაურთულებელი ინფექციები - 7 დღე. მცირე მენჯის ღრუს ორგანოების გაურთულებელი ანთებითი დაავადებები - 14 დღე. კანის და რბილი ქსოვილების გართულებული ინფექციები - 7-21 დღე. გართულებული მუცლის ღრუს ინფექციები - 5-14 დღე. ხანდაზმული პაციენტები, პაციენტები ღვიძლის ფუნქციის დარღვევით, თირკმლის უკმარისობით ან დიალიზის საჭიროებით, არ საჭიროებენ დოზირების რეჟიმის ცვლილებას. გვერდითი მოვლენები: სოკოვანი მეორადი ინფექციები, თავბრუსხვევა, თავის ტკივილი, ეკგ-ზე QT ინტერვალის გაზრდა ჰიპოკალიემიით დაავადებულ პაციენტებში, გულისრევა, ღებინება, მუცლის ტკივილი, ფაღარათი, სისხლში ღვიძლის ფერმენტების დონის მომატება, რეაქციები ინექციის და ინფუზიის ადგილას. ანემია, ლეიკოციტების, ნეიტროფილების, თრომბოციტების დონის დაქვეითება, თრომბოციტოზი, პროთრომბინის დროის გაზრდა და საერთაშორისო ნორმალიზებული თანაფარდობის მაჩვენებლის მომატება, ალერგიული რეაქციები, ჭინჭრის ციება, ქავილი, გამონაყარი, ეოზინოფილია, ლიპიდების დონის მომატება სისხლში, შფოთვა, ფსიქომოტორული აქტივობის მომატება, აჟიტაცია, მგრძნობელობის მოშლა, გემოს დარღევვა, მათ შორის გემოს შეგრძნების დაკარგვა, ცნობიერების დარღვევა, დეზორიენტაცია, ძილიანობის დარღვევა, თავბრუსხვევა, კანკალი, მხედველობის დარღვევა, გულისცემის აჩქარება, ქოშინი, მადის დაქვეითება, ყაბზობა, შებერილობა, ღვიძლის ფუნქციის დარღვევა, სახსრებისა და კუნთების ტკივილი, გაუწყლოვნება, საერთო უგუნებობა, არასპეციფიური ხასიათის ტკივილი, ოფლიანობა, თრომბოფლებიტები ინფუზიის ადგილას. თრომბოპლასტინების კონცენტრაციის ცვლილება, ანაფილაქტიკური ან ანაფილაქტოიდური რეაქციები, ალერგიული ან ანგიონევროზული შეშუპება, გლუკოზისა და შარდოვანას დონის მომატება სისხლში, ემოციური ცვალებადობა, დეპრესი, პათოლოგიური სიზმრები, წონასწორობის მოშლა, კრუნჩხვითი შეტევები, ყურადღების დაქვეითება, მეტყველების დარღვევა, მეხსიერების დაკარგვა. ხმაური ყურებში, სმენის დარღევვა, მათ შორის სიყრუე, გულის წასვლა, არტერიული წნევის მომატება ან დაქვეითება, გულის რითმის მოშლა, ყლაპვის გაძნელება, პირის ღრუს ლორწოვანის ანთება, ფსევდომამბრანული კოლიტი, სიყვითლე, ჰეპატიტი, მყესების ანთება, კუნთების ტონუსის მომატება, სისუსტე კუნთებში, თირკმელების ფუნქციის დარღევვა, შეშუპება, ელვისებური ჰეპატიტი, ღვიძლის პოტენციურად სიცოცხლისთვის საშიშ უკმარისობამდე მიყვანით, კანის ბულოზური რეაქციები, მაგ. სტივენს-ჯონსონის სინდრომი ან ტოქსიური ეპიდერმული ნეკროლიზი, მყესების გაწყვეტა, ართრიტები, სიარულის დარღვევა კუნთების, მყესების ან სახსრების დაზიანების შედეგად, მიასთენიის სიმპტომების გამწვავება. უკუჩვენებები: მომატებული მგრძნობელობა მოქსიფლოქსაცინის ან სხვა ქინოლონების მიმართ, პრეპარატის ნებისმიერი კომპონენტის მიმართ. 18 წლამდე ასაკი, ორსულობა და ლაქტაციის პერიოდი. ურთიერთქმედება სხვა პრეპარატებთან: ავეფლოცინის ანტაციდებთან, პოლივიტამინებთან და მინერალებთან ერთად მიღებამ შესაძლებელია დააქვეითოს სისხლში მოქსიფლოქსაცინის კონცენტრაცია. ანტაციდები, ანტივირუსული პრეპარატები და სხვა სახის პრეპარატები, რომლებიც შეიცავენ მაგნიუმს ან ალუმინს, სულფაქტანტი და სხვა პრეპარატები, რომლებიც შეიცავენ რკინას ან თუთიას, უნდა დაინიშნოს ავეფლოცინის მიღებამდე არანაკლებ 4 საათით ადრე ან მისი მიღებიდან 2 საათის შემდეგ. პაციენტები, რომლებიც იღებენ ანტიკოაგულანტებს ანტიბიოტიკებთან ერთად მათ შორის ავეფლოცინთან, შეიძლება აღენიშნოთ ანტიკოაგულაციური მოქმედების მომატება. აქტივირებული ნახშირის და ავეფლოცინის ერთად მიღებისას დოზირებით 400 მგ პრეპარატის შეწოვა მცირდება. პრეპარატის შეწოვა არ იცვლება საკვების მიღებასთან ერთად. ავეფლოცინის მიღება შეიძლება საკვებისგან დამოუკიდებლად. განსაკუთრებული მითითებები: ზოგიერთ შემთხვევაში პრეპარატის პირველი მიღებისთანავე შესაძლებელია განვითარდეს მომატებული მგრძნობელობა და ალერგიული რეაქციები, რის შესახებაც მაშინვე უნდა ეცნობოს ექიმს. ავეფლოცინის გამოყენება სიფრთხილით უნდა მოხდეს პაციენტებში ცენტრალური ნერვული სისტემის დაავადებისას, კრუნჩხვების შეტევების განვითარების მომატებული რისკის გამო. პრეპარატის დანიშვნა QT ინტერვალის გაზრდის რისკის გამო არ უნდა მოხდეს შემდეგი სახის პაციენტებში: გაზრდილი QT ინტერვალი, არანამკურნალები ჰიპოკალიემია, პაციენტებში, რომლებიც იღებენ ქინიდინს, პროკაინამიდს, ამიოდარონს ან სოტალოლს. სიფრთხილით უნდა დაინიშნოს შემდეგი მდგომარეობების დროს: ციზაპრიდთან, ერითრომიცინთან, ანტიფსიქოზურ პრეპარატებთან, ტრიციკლურ ანტიდეპრესანტებთან კომბინაციაში, არითმიისადმი წინასწარგანწყობის დროს. პაციენტებში ღვიძლის ციროზით, ქალებში ან ხანდაზმულებში, რომლებიც შესაძლებელია მეტად მგრძნობიარე იყვნენ QT ინტერვალის გაზრდის ეფექტის მქონე პრეპარატების მიმართ. ღვიძლის უკმარისობის ნიშნების გამოვლენისთანავე, ასევე კანის ან ლორწოვანი გარსის მხრიდან რეაქციების შემთხვევაში მკურნალობის გაგრძელებამდე პაციენტებმა უნდა მიმართონ ექიმს. ავეფლოცინის მიღება სიფრთხილით უნდა მოხდეს მიასთენიით დაავადებულ პაციენტებში, რადგან პრეპარატმა შესაძლებელია გაამწვავოს ამ დაავადების სიმპტომები. ფტორქინოლონებით თერაპიის ფონზე, განსაკუთრებით ხანდაზმულებში, ასევე პაციენტებში რომლებიც იღებენ გლუკოკორტიკოსტეროიდებს, შესაძლებელია ტენდინიტის განვითარება და მყესების გაწყვეტა. დაზიანების ადგილას ტკივილის ან ანთების პირველივე სიმპტომებისას საჭიროა პრეპარატის მიღების შეწყვეტა და დაზიანებული კიდურის განტვირთვა. პაციენტები რომლებიც იღებენ პრეპარატს, უნდა მოერიდონ მზის პირდაპირ სხივებს და ულტრაიისფერი გამოსხივებას. პაციენტებში, რომლებიც იცავენ დიეტას ნატრიუმის შემცირებული შემცველობით უნდა გაითვალისწინონ ნატრიუმის დამატებით მიღება საინფუზიო ხსნარის მეშვობით. ორსულობა და ძუძუთი კვება: არ მიიღება ორსულობისა და ძუძუთი კვების პერიოდში. მანქანისა და სხვა მექანიზმების მართვა: საჭიროა სიფრთხილის გამოჩენა მანქანისა და სხვა მექანიზმების მართვის დროს. ჭარბი დოზირება: ჭარბი დოზირებისას უნდა მოხდეს კლინიკური სურათის გათვალისწინება და სიმპტომური შემანარჩუნებელი თერაპიის ჩატარება ეკგ-ს მონიტორინგთან ერთად. აქტივირებული ნახშირის მიღება ტაბლეტების მიღების შემდეგ ხელს უშლის მოქსიფლოქსაცინის სისტემური მოქმედების ზედმეტად გაზრდას. გარეგნული სახე და შეფუთვა: ყვითელი ფერის, შემოგასული, კაფსულის ფორმის ტაბლეტები, ცალ მხარეს გამყოფი ხაზით და ბრტყელი მეორე მხარეს. 10 ტაბლეტი ალუმინის ფოლგიან ბლისტერზე. 1 ბლისტერი გამოყენების ინსტრუქციასთან ერთად მოთავსებულია მუყაოს კოლოფში. შენახვის პირობები: ინახება არაუმეტეს 25C ტემპერატურაზე, ბავშვებისთვის მიუწვდომელ ადგილას. ვარგისიანობის ვადა: 2 წელი. აფთიაქიდან გაცემის პირობები: რეცეპტით. მწარმოებელი: მეპრო ფარმაცეუტიკალს პვტ. ლტდ., ინდოეთი სარეგისტრაციო სერთიფიკატის მფლობელი: ს.ს. „ჰუმანითი ჯორჯია“, საქართველო

მსგავსი პროდუქტები