ჰუმასეპტოლი-ჰუმანითი ტაბლეტი 400მგ+80მგ #100

22 ლარი
გენერიული დასახელება: სულფამეტოქსაზოლი+ტრიმეტოპრიმი მწარმოებელი ქვეყანა: ინდოეთი მწარმოებელი: ცელოგენ ჯენერიკს გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

ჰუმასეპტოლი-ჰუმანითი შემადგენლობა: თითოეული შემოუგარსავი ტაბლეტი აქტიური ნივთიერების სახით შეიცავს: სულფამეტოქსაზოლი 400 მგ, ტრიმეტოპრიმი 80 მგ. ფარმაკოთერაპიული ჯგუფი: ანტიბაქტერიული საშუალებები სისტემური გამოყენებისათვის, სულფონამიდები და ტრიმეტროპრიმი კომბინაციებში. ჩვენებები: კო-ტრიმოქსაზოლი ეფექტურია გრამდადებითი და გრამუარყოფითი ორგანიზმების ფართო სპექტრის წინააღმდეგ. ზედა და ქვედა სასუნთქი გზების ინფექციები: მწვავე და ქრონიკული ბრონქიტი, ბრონქოექტაზიები, ტონზილიტი, სინუსიტი და ფარინგიტი, ოტიტი, პნევმონია და პნევმოცისტური პნევმონიტი. თირკმლის და საშარდე გზების ინფექციები: პიელიტი, პიელონეფრიტი, ურეთრიტი, მწვავე და ქრონიკული ცისტიტი და ცისტო-პიელიტი, პროსტატიტი. კუჭ-ნაწლავის ტრაქტის ინფექციები: ენტერიტი, მუცლის ტიფი და პარატიფოიდული ცხელება, ტიფის მატარებლობა, ბაცილარული დიზენტერია და ქოლერა. გენიტალიების ინფექციები - როგორც ქალებში ასევე მამაკაცებში, მათ შორის გონოკოკური ინფექციები. კანის ინფექციები: პიოდერმია, ფურუნკული, აბსცესი, ბებერები. სხვა ბაქტერიული ინფექციები: მწვავე ბრუცელოზი, მიცეტომა, ნოკარდიოზი, მწვავე და ქრონიკული ოსტეომიელიტი. დოზირება და მიღების წესი: მოზრდილები და ბავშვები 12 წლიდან: 960 მგ ერთი ტაბლეტი დღეში ორჯერ, დილით და საღამოს, ჭამის შემდეგ. მაქსიმალური დოზა შეადგენს 480 მგ ტაბლეტს 3-ჯერ დღეში. მინიმალური დოზა ხანგრძლივი მკურნალობისთვის შეადგენს 480 მგ ტაბლეტი ყოველ 12 საათში ერთხელ. 6-12 წლის ბავშვები: 480 მგ ერთი ტაბლეტი დღეში ორჯერ, დილით და საღამოს, ჭამის შემდეგ. მწვავე ინფექციების მკურნალობისას კო-ტრიმოქსაზოლი ინიშნება 5 დღის მანძილზე ან სიმპტომების გაქრობიდან 2 დღის განმავლობაში. თუ 7 დღის შემდეგ არ შეინიშნება კლინიკური გაუმჯობესება, საჭიროა პაციენტის ხელახლა შემოწმება. საჭიროა დოზის შემცირება პაციენტებში თირკმლის უკმარისობის დროს და დაუშვებელია პრეპარატის მიღება თუ კრეატინინის კლირენსი შედაგენს < 15 მლ წთ-ში. გვერდითი მოვლენები: მომატებული მგრძნობელობის რეაქციები, განსაკუთრებით კანის მხრივ. გულისრევა, ღებინება და ფაღარათი. გამონაყარი, ფოტო-მგრძნობელობის რეაქციები, ექსფოლიაციური დერმატიტი, ტოქსიური ეპიდერმული ნეკროლიზი და ერითემა. მრავლობითი ერითემის მწვავე, პოტენციურად ფატალური ფორმა, დაკავშირებული კანისა და ლორწოვანი გარსის ფართოდ გავრცელებულ გამონაყართან - სტივენს-ჯონსონის სინდრომი. სისტემური წითელი მგლურა. თირკმლის უკმარისობა. წელის ტკივილი, ჰემატურია, ოლიგურია და ანურია. აგრანულოციტოზი, აპლაზური ანემია, თრომბოციტების, ლეიკოციტების დონის დაქვეითება და ეოზინოფილების დონის მომატება სისხლში. ჰიპოპროთრომბინემია. მწვავე ჰემოლიზური ანემია ხშირად დაკავშირებულია გლუკოზა-6-ფოსფატდეჰიდროგენაზას დეფიციტთან. შრატის გასქელების მსგავსი სინდრომი, ჰეპატოტოქსიური რეაქციები, მიოკარდიტი, პანკრეატიტი, ფილტვის ეოზინოფილია და ვასკულიტი. ანაფილაქსიური რეაქციები. ფსევდომემბრანული კოლიტი. ჭინჭრის ციებას, ცხელებას, პირის ღრუს ტკივილი. უკუჩვენებები: მომატებული მგრძნობელობა სულფონამიდის ან ტრიმეტოპრომის მიმართ, პორფირია. ღვიძლის პარენქიმის დაზიანება ან თირკმლის მწვავე უკმარისობა. ვიტამინ B12 და ფოლის მჟავას დეფიციტი. ურთიერთქმედება სხვა პრეპარატებთან: შიგნით მისაღები ანტიკოაგულანტები, მეთოტრექსატი და ფენიტოინი - მათი გვერდითი ეფექტების განვითარების რისკის ზრდა. სულფონილშარდოვანას ნაერთების ანტიდიაბეტური ეფექტი შეიძლება გაძლიერდეს სულფამეტოქსაზოლთან ერთად მიღებისას. სულფამეტოქსაზოლის მოქმედებაზე შესაძლებელია ანტაგონისტური მოქმედება იქონიოს პ-ამინობენზოის მჟავამ და მისგან წარმოქმნილმა ნაერთებმა. პარალდეჰიდი - კრისტალურიის რისკის მომატება. სულფამეტოქსაზოლმა შესაძლებელია გავლენა იქონიოს ზოგიერთ დიაგნოსტიკურ ანალიზებზე მათ შორის, შარდოვანას, კრეატინინის და შარდში გლუკოზისა და ურობილინოგენის განსაზღვრაზე. ტრიმეტოპრიმი ურთიერთქმედებს დიგოქსინის, პროკაინამიდის და ტოლბუტამიდის გამოყოფაზე. თირკმლის ფუნქციის შექცევადი გაუარესება შეინიშნებოდა პაციენტებში ტრიმეტოპრიმის და ციკლოსპორინის გამოყენებისას თირკმლის ტრანსპლანტაციის შემდეგ. ტრიმეთოპრიმმა შესაძლებელია გავლენა იქონიოს ზოგიერთ დიაგნოსტიკურ ტესტზე, როგორიცაა შრატში მეთოტრექსატის შემოწმება. პირიმეთამინთან ერთდროული მიღებისას - მეგალობლასტური ანემიის განვითარების რისკი. განსაკუთრებული მითითებები: სისხლის მხრივ გვერდითი მოვლენების განვითარება შესაძლოა უფრო მწვავე იყოს ცუდი კვების დროს ან ხანდაზმულ პაციენტებში; ასევე არსებობს თრომბოციტოპენიის მომატებული რისკი ხანდაზმულ პაციენტებში შარდმდენებთან, ძირითადად თიაზიდებთან ერთად მიღებისას. კო-ტრიმოქსაზოლის ტაბლეტების ხანგრძლივი თერაპიის დროს უნდა მოხდეს სისხლის რეგულარული შემოწმება. კო-ტრიმოქსაზოლის ტაბლეტების მიღება სიფრთხილით და შემცირებული დოზებით უნდა მოხდეს პაციენტებში თირკმლის უკმარისობის დროს. უნდა მოხდეს სითხის სათანადო რაოდენობის მიღება. არ მიიღება ახალშობილებში სიცოცხლის პირველი რამოდენიმე კვირის განმავლობაში და ნაადრევად შობილებში. ორსულობა და ძუძუთი ვება: არ მიიღება ორსულობისა და ძუძუთი კვების პერიოდში. მანქანისა და სხვა მექანიზმების მართვა: საჭიროა სიფრთხილის გამოჩენა მანქანისა და სხვა მექანიზმების მართვის დროს. ჭარბი დოზირება: სიმპტომები: გულისრება, პირღებინება, ტრიმეთოპრიმის ძლიერი ჭარბი დოზირებისას - ძვლის ტვინის დათრგუნვა. სასარგებლობა კუჭის ამორეცხვა, სითხეების მიღება, სათანადო ღონისძიებების გატარება. გარეგნული სახე და შეფუთვა: 10 ტაბლეტი ბლისტერზე, 10 ბლისტერი გამოყენების ინსტრუქციასთან ერთად მოთავსებულია მუყაოს კოლოფში. შენახვის პირობები: ნახება ორიგინალ შეფუთვაში არაუმეტეს 25C ტემპერატურაზე, ბავშვებისათვის მიუწვდომელ ადგილას. ვარგისიანობის ვადა: 2 წელი. აფთიაქიდან გაცემის პირობები: რეცეპტით. მწარმოებელი: ცელოგენ ჯენერიკს პრივატ ლიმიტედ, ინდოეთი სარეგისტრაციო სერთიფიკატის მფლობელი: სს ,,ჰუმანითი ჯორჯია“, საქართველო

მსგავსი პროდუქტები