SR კლარენი ტაბლეტი 500მგ #7

20 ლარი
გენერიული დასახელება: კლარითრომიცინი მწარმოებელი ქვეყანა: ინდოეთი მწარმოებელი: ეჯ ფარმა გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

კლარენი SR შემადგენლობა: თითო განელებული განთავისუფლების აპკით შემოგარსული 500 მგ ტაბლეტი აქტიური ნივთიერების სახით შეიცავს: 500 მგ კლარითრომიცინი. დამხმარე ნივთიერებები: ლაქტოზა-275 მგ, ჰიპრომელოზა-180 მგ, ტალკი-30 მგ, მაგნიუმის სტეარატი-15 მგ; გარსი: 25 მგ Wincoat WT-01533 ყვითელი: ჰიპრომელოზა -11,00 მგ, მაკროგოლი 400-1,875 მგ, ტიტანის დიოქსიდი -2,975 მგ, ტალკი-0,975 მგ, მაკროგოლი 6000-1.15 მგ, ქინოლინის ყვითელი ალუმინის პიგმენტი - 7,025 მგ. ფარმაკოთერაპიული ჯგუფი: მაკროლიდების ჯგუფის ანტიბიოტიკი. ჩვენებები: ინფექციური-ანთებითი დაავადებები, რომელიც გამოწვეულია კლარითრომიცინისადმი მგრძნობიარე მიკროორგანიზმების მიერ: ზედა ან ქვედა სასუნთქი გზების; კანისა და რბილი ქსოვილის ინფექციები. დოზირება და მიღების წესი: ჩვეულებისამებრ წამალი მიიღება 500 მგ ოდენობით დღეში ერთხელ საკვების მიღების დროს. უფრო რთული ინფექციებისას დოზა იზრდება 1,000 მგ-მდე დღეში. მკურნალობის ჩვეულებრივი ხანგრძლივობაა 5-14 დღე. საავადმყოფოს გარეთ შეძენილი პნევმონიის და სინუსიტის დროს - 6-14 დღის განმავლობაში. გვერდითი მოვლენები: თავის ტკივილი, თავბრუსხვევა, შფოთვა, უძილობა, “კოშმარული” სიზმრები, გულყრები, ძილიანობა, დეპრესია, დეზორიენტაცია, ჰალუცინაციები, დეპერსონალიზაცია, კონფუზია, ფსიქოტური დარღვევები, კანკალი. დისპეპსია, გულისრევა, ღებინება, ტკივილი მუცლის არეში, გასტრიტი, კუჭის ტკივილი, უმადობა, კუჭის შეკრულობა, ფაღარათი, შებერილობა, ბოყინი, ენის და პირის ღრუს ლორწოვანის ანთება, სოკოვანი ინფექცია ან სიმშრალე, კბილების ფერის შეცვლა, მწვავე პანკრეატიტი, ღვიძლის ფუნქციის დარღვევა, მისი ფერმენტების მომატებული აქტიურობის ჩათვლით, ჰეპატოცელულარული და ქოლესტატიური ჰეპატიტი, ქოლესტატიური სიყვითლე; ფსევდომემბრანული კოლიტი, ღვიძლის უკმარისობა. პარკუჭოვანი ტაქიკარდია, “პირუეტის” ტიპის ჩათვლით, ციმციმი და პარკუჭოვანი ფიბრილაცია, QT ინტერვალის გახანგრძლივება ეკგ-ზე. ხმაური, სტვენა ყურებში, გემოვნების შეგრძნების ცვლილება; სმენის დაქვეითება, რაც გადის წამლის შეწყვეტის შემდეგ, ძლიერი პულსაცია, ყნოსვის შეგრძნების დაკარგვა, თავბრუსხვევა. სისხლში ლეიკოციტების, თრომბოციტების, გრანულოციტების დონის დაქვეითება შესაბამისი გართულებებით, როგორიცაა უჩვეულო სისხლდენა, სისხლჩაქცევა, მომატებული საერთაშორისო ნორმალიზირებული კოეფიციენტი, პროთრომბინის დროის გახანგრძლივება, სისხლჩაქცევა. ინტერსტიციალური ნეფრიტი, თირკმლის უკმარისობა, შარდის ფერის შეცვლა. ნეიტროპენია, კრეატინინის დონის მომატება, გლუკოზის დაქვეითება. გამონაყარი კანზე, ქავილი, ჭინჭრის ციება, კანის სიწითლე, სტივენს-ჯონსონის სინდრომი, ტოქსიკური ეპიდერმული ნეკროლიზი, ანაფილაქსი, კვინკეს შეშუპება. მიოპათია, კუნთების და სახსრების ტკივილი, ოფლდენა, აკნე, პურპურა, წითელი ქარი, მეორადი ინფექციები. უკუჩვენებები: მომატებული მგრძნობელობა კლარითრომიცინის და სხვა ინგრედიენტების მიმართ, ისევე, როგორც მაკროლიდის ანტიბიოტიკების მიმართ; პორფირია; ერთდროული მკურნალობა ასტემიზოლით, ცისაპრიდით, პიმოზიდით, ტერფენადინით, ერგოტამინით და სხვა ჭვავის რქის ალკალოიდებით. მიდაზოლამის, ალპრაზოლამის, ტრიაზოლამის ერთდროულად მიღება; ერთდროულად მკურნალობა სიმვასტატინით, ლოვასტატინით; კოლხიცინის ერთდროულად მიღება თირკმლის უკმარისობის მქონე პაციენტების მიერ. თირკმლის ქრონიკული უკმარისობა; ლაქტოზას აუტანლობა, ლაქტაზის დეფიციტი, გლუკოზა-გალაქტოზას მალაბსორბცია. პაციენტები, რომლებსაც აქვთ გახანგრძლივებული QT ინტერვალი, პარკუჭოვანი ფიბრილაცია ან პარკუჭოვანი, “პირუეტის” ტიპის ტაქიკარდია; ლაქტაცია; 18 წლამდე ასაკი. სიფრთხილით ინიშნება შემდეგი მდგომარეობების დროს: ღვიძლის უკმარისობა, ბულბო-სპინალური პარალიზი, კოლხიცინის ერთდროულად გამოყენება. ურთიერთქმედება სხვა პრეპარატებთან: სიფრთხილით მიიღება კარბამაზეპინთან, ცილოსტაზოლთან, ციკლოსპორინთან, დიზოპირამიდთან, მეთილპრედნიზოლთან, ომეპრაზოლთან, არაპირდაპირ ანტიკოაგულანტებთან, ქინიდინთან, რიფაბუტინთან, სილდენაფილთან, ტაკროლიმუსთან, ვინბლასტინთან, ფენიტოინთან, თეოფილინთან და ვალპროატთან ერთად. ცისაპრიდთან, პიმოზიდძთან, ტერფენადინთან და ასტემიზოლთან - ამ უკანასკნელთა კონცენტრაციის ზრდა სისხლში, QT ინტერვალის გაზრდა, არითმიების, “პირუეტის” ტიპის პარკუჭოვანი ტაქიკარდიის, წინაგულოვანი და პარკუჭოვანი განვითარება. ერგოტამინთან და დიჰიდროერგოტამინთან - ძლიერი მოწამვლა ერგოტამინის პრეპარატების გამო. ეფავირენცი, ნევირაპინი, რიფამპიცინი, რიფაბუტინი და რიფაპენტინი - ამცირებენ კლარითრომიცინის კონცენტრაციას პლაზმაში და აუარესებენ მის თერაპიულ ეფექტს. რიტონავირი არ უნდა იყოს მიღებული კლარითრომიცინთან ერთად, თუ კლარითრომიცინის დოზა 1 გ.დღეში მეტია. ლოვასტატინი, სიმვასტატინი - რაბდომიოლიზის რისკის ზრდა. სილდენაფილთან, ტადალაფილთან ან ვარდენაფილთან - შეიძლება გაიზარდოს დამთრგუნველი ეფექტი. თეოფილინთან და კარბამაზეპინთან - შეიძლება გაიზარდოს ამ უკანასკნელის კონცენტრაცია სისტემურ ცირკულაციაში. არ უნდა მხოდეს შიგნით მისაღები მიდაზოლამის და კლარითრომიცინის, და სხვა ბენზოდიაზეპინების ერთდროულად მიღება. ტრიაზოლამთან - შესაძლებელია ზემოქმედება ცენტრალურ ნერვულ სისტემაზე. კოლხიცინთან - შეიძლება გააძლიეროს კოლხიცინის მოქმედება. კლარითრომიცინის და დიგოქსინის ერთდროულად მიღებისას უნდა მოხდეს შრატში დიგოქსინის კონცენტრაციის მონიტორინგი. დოზები, რომლებიც აჭარბებენ 1 გ.დღეში, არ შეიძლება გამოყენებული იყოს პროტეაზას ინჰიბიტორებთან ერთად. ეტრაინინთან - ამცირებს კლარითრომიცინის კონცენტრაციას პლაზმაში; თუმცა, მისი აქტიური მეტაბოლიტის კონცენტრაცია იზრდება 46%-ით. კლარითრომიცინის და იტრაკონაზოლის ერთდროულად მიღებამ შეიძლება გაზარდოს ორივეს კონცენტრაცია პლაზმაში. ვერაპამილთან ერთდროულად მიღებამ შეიძლება შეამციროს სისხლის წნევა, გამოიწვიოს ბრადიარითმია და ლაქტატ-აციდოზი. ჰიპოგლიკემიურ აგენტებთან - შეიძლება გამოვლინდეს ჰიპოგლიკემია. აუცილებელია გლუკოზის კონცენტრაციის მონიტორინგი სისხლში. განსაკუთრებული მითითებები: ღვიძლის ქრონიკული დაავადების დროს, რეგულარულად უნდა მოხდეს სისხლის შრატში ენზიმების მოქმედების მონიტორინგი. მეორადი ინფექციის განვითარებისას საჭიროა ადეკვატური მკურნალობა. თუ მკურნალობის დროს ან მკურნალობის შემდეგ პაციენტს აღენიშნა რთული და ხანგრძლივი ფაღარათი, უნდა გამოირიცხოს ფსევდომემბრანული კოლიტის დიაგნოზი, რაც საჭიროებს წამლის მიღების დაუყოვნებლივ შეწყვეტას და სათანადო მკურნალობას. მანქანისა და სხვა მექანიზმების მართვა: საჭიროა სიფრთხილის გამოჩენა მანქანისა და სხვა მექანიზმების მართვის დროს, რადგან წამალს შეუძლია გამოიწვიოს თავბრუსხვევა და სხვა გვერდითი ეფექტები. ორსულობა და ლაქტაცია: უკუნაჩვენებია ლაქტაციის დროს. ორსულობის პერიოდში პრეპარატის მიღებამდე უნდა მიემართოს ექიმს. ჭარბი დოზირება: სიმპტომები: ტკივილი მუცლის არეში, გულისრევა, ღებინება, ფაღარათი, თავის ტკივილი, კონფუზია. მკურნალობა: კუჭის ამორეცხვა, სიმპტომური თერაპია, რომლის მიზანია სასიცოცხლო ფუნქციების შენარჩუნება. გარეგნული სახე და შეფუთვა: ყვითელი ფერის კაფსულის ფორმის აპკით შემოგარსული ტაბლეტი. გამყოფ მხარეზე მდებარეობს ორი შრე, ბირთვი არის თეთრი ან მოთეთრო ფერის. 500 მგ განელებული განთავისუფლების აპკით შემოგარსული #7 ტაბლეტი ალუ.პვც ბლისტერზე. 1 ბლისტერი ინსტრუქციასთან ერთად განთავსებულია მუყაოს ყუთში. შენახვის პირობები: ინახება მშრალ, სინათლისგან დაცულ და ბავშვებისთვის მიუწვდომელ ადგილას ადგილას, არაუმეტეს 25C ტემპერატურაზე. ვარგისიანობის ვადა: 3 წელი. აფთიაქიდან გაცემის პირობები: გაიცემა რეცეპტით. მწარმოებელი: „ედგე ფარმა პრივატ ლიმიტედ“, ინდოეთი.

მსგავსი პროდუქტები