ავაქსიმი 160 U სუსპენზია საინექციო 0.5მლ/1დოზა მზა შპრიცი #1

75 ლარი
გენერიული დასახელება: ვაქცინა ჰეპატიტის მწარმოებელი ქვეყანა: საფრანგეთი მწარმოებელი: სანოფი პასტერი გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

ავაქსიმი 160 ერთ. A ჰეპატიტის ვაქცინა (ინაქტივირებული, ადსორბირებული) საინიექციო სუსპენზია წინასწარ ავსებულ შპრიცში შემადგენლობა: აქტიური ნივთიერება არის A ჰეპატიტის ვირუსის GBM შტამი* (ინაქტივირებული**) (160 ერთეული***, ერთი 0.5 მლ-იანი დოზისათვის). * კულტივირებული MRC-5 ადამიანის დიპლოიდურ უჯრედებზე. ** ადსორბირებული ალუმინის ჰიდროქსიდზე (0.3 მგ ალუმინის შესაბამისი რაოდენობა). *** ანტიგენის ერთეული შიდა საწარმოო რეფერნციების გამოყენებით. სხვა კომპონენტებია: ფენოქსიეთანოლი, ფორმალდეჰიდი და Hanks 199 გარემო (რომელიც ძირითადად შეიცავს ამინომჟავეებს, მინერალურ მარილებს, ვიტამინებს, მარილმჟავას, ან pH-ის საკონტროლოდ ნატრიუმის ჰიდროქსიდსა და საინიექციო წყალს). ჩვენებები: ეს სამედიცინო პრეპარატი არის ვაქცინა საინიექციო სუსპენზიის სახით (0.5მლ წინასწარ ავსებულ შპრიცში ნემსით ან ნემსის გარეშე, კოლოფში ერთი ნემსი). ვაქცინა ნაჩვენებია A ჰეპატიტის ვირუსით გამოწვეული ინფექციის პროფილაქტიკისათვის მოზარდებში 16 წლის ასაკიდან და უფროსებში. ის არ იცავს ჰეპატიტის ვირუსის სხვა ტიპებით გამოწვეული ინფექციებისაგან. ვაქცინა გამოიყენება ოფიციალური რეკომენდაციების მიხედვით. უკუჩვენებები: ცხელება, მწვავე დაავადება, პროგრესული ქრონიკული დაავადება (სასურველია ვაქცინაციის გადადება). ვაქცინის რომელიმე კომპონენტის მიმართ ალერგია ან ადრე გაკეთებული ინიექციის დროს განვითარებული ალერგიის შემთხვევა. განსაკუთრებული მითითებები: არ შეიყვანება სისხლძარღვში; საჭირო არის დარწმუნება, რომ ნემსმა არ დააზინა სისხლძარღვი. ამ ვაქცინის შეყვანა დუნდულოში არ შეიძლება (ცხიმოვანი ქსოვილის არსებობის გამო), ვინაიდან ამ მეთოდით შეყვანამ შეიძლება უფრო სუსტი იმუნური რეაქცია გამოიწვიოს; იმუნოსუპრესორულმა მკურნალობამ ან იმუნოდეფიციტის მდგომარეობამ შეიძლება გამოიწვიოს ვაქცინის იმუნური პასუხის დაქვეითება; დაავადების ინკუბაციური პერიოდის დროს ვაქცინის გამოყენებისას, მას შეიძლება არ ჰქონდეს ზეგავლენა A ჰეპატიტის განვითარებაზე; პაციენტებში ღვიძლის დაავადებით; პაციენტებში, ნეომიცინის მიმართ ალერგიის არსებობისას (ვაქცინის თითოეული დოზა შეიცავს მცირე რაოდენობის ნოემიცინს). ორსულობა და ლაქტაცია: უსაფრთხოების მიზნით, სასურველია არ გამოვიყენოთ ვაქცინა ორსულობის დროს, ძლიერი კონტამინაციის რისკის შემთხვევების გარდა. ლაქტაციის დროს ვაქცინის გამოყენება შეიძლება. დამხმარე ნივთიერებები ცნობილი ეფექტებით: ფორმალდეჰიდი. სხვა სამკურნალო საშუალებებთან ურთიერთქმედება: ვაქცინის ერთდროულად გამოყენება შეიძლება იმუნოგლობულინებთან, თუ გამოყენებული იქნება სხვადასხვა საინიექციო ადგილები. ვინაიდან ვაქცინა ინაქტივირებულია, კავშირი სხვა ინაქტივირებულ ვაქცინებთან სხვადასხვა საინიექციო ადგილებში ჩვეულებრივ ურთიერთქმედებას არ იწვევს. ამ ვაქცინის გამოყენება შეიძლება ერთდროულად, თუმცა სხვადასხვა ადგილებში, რეკომბინანტულ B ჰეპატიტის ვაქცინასთან ან პოლისაქარიდულ ტიფოიდურ ვაქცინასთან, ეს ვაქცინა შეიძლება გამოყენებულ იქნეს ყვითელი ცხელების ცოცხალ ვაქცინასთან, სხვადასხვა საინექციო ადგილების გამოყენებით. ამ ვაქცინის გამოყენება შეიძლება ბუსტერის დოზის სახით, სხვა ინაქტივირებული A ჰეპატიტის ვაქცინით პირველადი ვაქცინაციის შემდეგ. დოზირება: რეკომენდებული დოზა 16 წლის ასაკიდან არის 0.5 მლ. საწყისი დაცვა მიღწეულია ერთი ინიექციის შემდეგ. ხანგრძლივი დაცვის მისაღწევად, მეორე დოზა (ბუსტერი) გამოიყენება 6-12 თვის განმავლობაში პირველი ვაქცინაციიდან და 36 თვემდე. ეს ვაქცინა შეიძლება გამოყენებული იყოს A ჰეპატიტის ვაქცინის ბუსტერული დოზის სახით პირებში, რომლებმაც მიიღეს პირველი ინექცია კომბინირებული ტიფოიდურ ცხელებასთან (Vi გასუფთავებული პოლისაქარიდი) და A ჰეპატიტის (ინაქტივირებული) ვაქცინასთან 6 თვესა და 36 თვეს შორის. გამოყენების მეთოდი: რეკომენდებულია ვაქცინის შეყვანა ინტრამუსკულარული (IM) გზით ადგილობრივი რეაქციების მინიმუმადე დაყვანის მიზნით. რეკომენდებული საინიექციო ადგილი არის დელტოიდური კუნთი (ზედა მხრის კუნთი). დაუშვებელია სისხლძარღვში შეყვანა; საჭიროა დარწმუნება, რომ ნემსმა არ დააზინა სისხლძარღვი. ამ ვაქცინის შეყვანა დუნდულოში არ შეიძლება (ცხიმოვანი ქსოვილის არსებობის გამო), ვინაიდან ამ მეთოდით შეყვანამ შეიძლება უფრო სუსტი იმუნური რეაქცია გამოიწვიოს. გამონაკლის შემთხვევებში, თრომბოციტოპენიით დაავადებულ პაციენტებში (სისხლის სპეციფიკური კომპონენტის, სისხლის შედედებაში მნიშვნელოვანი როლის მქონე თრომბოციტების რაოდენობის შემცირება) ან პაციენტებში სისხლჩაქცევებით, ვაქცინის შეყვანა შეიძლება კანქვეშ. ამ ვაქცინის შერევა სხვა ვაქცინებთან ერთ შპრიცში არ შეიძლება. ინიექციამდე საჭიროა კარგად შენჯღრევა, ჰომოგენური სუსპენზიის მიღებამდე. შპრიცებისათვის ნემსის გარეშე, ნემსი კარგად უნდა მიუმაგრდეს შპრიცს ერთი მეოთხედით მოტრიალებით. გამოუყენებული მასალის ან ნარჩენი პროდუქტების ლიკვიდაცია ხდება ადგილობრივი მოთხოვნილებების შესაბამისად. გვერდითი მოვლენები: სხვა ყველა მედიკამენტის მსგავსად, ავაქსიმი 160-ს შეუძლია გამოიწვიოს გვერდითი მოვლენები: ადგილობრივი ტკივილი დაკავშირებული სიწითლესთან. ძალიან იშვიათ შემთხვევებში ინიექციის ადგილზე აღინიშნება კვანძები. ზომიერი ცხელება, სისუსტე, თავის ტკივილი, კუნთების ან სახსრების ტკივილი, და კუჭ-ნაწლავის მხრივ გვერდითი მოვლენები ყველაზე ხშირი გვერდითი მოვლენებია. ღვიძლის ფერმენტების მსუბუქი შექცევადი მომატება (ტრანსამინაზები) აღინიშნება იშვიათ შემთხვევებში; აღინიშნება კანის რეაქციები როგორიც არის ქავილი, გამონაყარი ან ჭინჭრის ციება. სიმპტომების არსებობის ან გაუარესების შემთხვევაში უნდა ეცნობოს მკურნალ ექიმს. შენახვის პირობები: ინახება ბავშვებისათვის მიუწვდომელ ადგილას, მაცივარში (+2C- + 8C). დაუშვებელია გაყინვა. არ გამოიყენება შეფუთვაზე მითითებული ვარგისიანობის ვადის გასვლის შემდეგ. მწარმოებელი: სანოფი პასტერი სა, საფრანგეთი.

მსგავსი პროდუქტები