დექსამეტაზონი ი/ვ ი/მ ხსნარი საინექციო 4მგ/1მლ ამპულა #25

19.14 ლარი
გენერიული დასახელება: დექსამეტაზონი მწარმოებელი ქვეყანა: სლოვენია მწარმოებელი: კრკა გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

დექსამეტაზონი კრკა 4 მგმლ საინექციოსიანფუზიო ხსნარი დექსამეტაზონის ფოსფატი შემადგენლობა: აქტიური ნივთიერება: დექსამეტაზონის ფოსფატი. 1მლ (კარტრიჯი) შეიცავს 4მგ დექსამეტაზონის ფოსფატს (დექსამეტაზონის ნატრიუმის ფოსფატის მარილის სახით). დამხმარე ნივთიერებები: გლიცერინი, დინატრიუმის ედეტატი, დინატრიუმის ფოსფატის დიჰიდრატი, საინექციო წყალი. ჩვენება: ბუნებრივი კორტიკოსტეროიდების სეკრეციის უკმარისობის დროს ჩანაცვლებითი თერაპიის სახით (პაციენტებში თირკმელზედა ჯირკვლის უკმარისობით, აგრეთვე თირკმელზედა ჯირკვლის თანდაყოლილი დაავადებების დროს - ჰიპერპლაზია); სხვადასხვა დაავადებების დროს: მაგ., თავის ტვინის შეშუპება, აუტოიმუნური, რევმატოიდული, კანის და სასუნთქი გზების დაავადებები, მძიმე ინფექციების სამკურნალოდ ანტიბიოტიკებთან ერთად, ენდოკრინული დაავადებები, და ზოგიერთი ტიპის სიმსივნის სამკურნალოდ (ისევე როგორც ანთება, ტკივილი, ალერგიები, იმუნური სისტემა და ღებინების საწინააღმდეგო ეფექტები), და თვალის ანთებითი რეაქციები. პაციენტებში ანთებითი რევმატოიდული დაავადებებით (განსაკუთრებით რევმატოიდული ართრიტი), დექსამეტაზონი კრკა გამოიყენება სიმპტომური მკურნალობის სახით, ძირითადი სამკურნალო საშუალების ეფექტის გამოვლენამდე ან როდესაც ის არ არის საკმარისი. უკუჩვენება: ალერგია; მწვავე ვირუსული, ბაქტერიული ან სისტემური სოკოვანი ინფექცია, რომლის მკურნალობა შესაბამისად ვერ ხერხდება; თუ კორტიკოსტეროიდების ჭარბი გამოყენება არის კუშინგის სინდრომის მიზეზი; თუ პაციენტს ცოტა ხნის წინ ჩაუტარდა ვაქცინაცია ცოცხალი ვაქცინით; ლაქტაცია; სისხლის შედედების მნიშვნელოვანი შემცირება - არ გამოიყენება ინტრამუსკულარულად. სხვა პრეპარატებთან ურთიერთქმედება: თუ პაციენტი ღებულობს ან უახლოეს წარსულში ღებულობდა ნებისმიერ სამკურნალო საშუალებას, მათ შორის არასარეცეპტო პრეპარატებს, უნდა ეცნობოს მკურნალ ექიმს ან ფარმაცეს. განსაკუთრებით მნიშვნელოვანია ეცნობოს მკურნალ ექიმს ან ფარმაცევტს, თუ პაციენტი ღებულობს: ტკივილის და ცხელების შესამცირებელი საშუალებები, როგორიცაა ასპირინი; ტუბერკულოზის სამკურნალო საშუალებები; ბაქტერიული, ვირუსული და სოკოვანი ინფექციების სამკურნალო საშუალებები; ანტიეპილეფსიური საშუალებები; ძუძს კიბოს სამკურნალო საშუალებები; ცხვირის შეგუბების სამკურნალო საშუალება; შაქრიანი დიაბეტის სამკურნალო საშუალებები; ჰიპერტენზიის სამკურნალო საშუალებები; შარდვის გამაძლიერებელი საშუალებები; ნაწლავური პარაზიტული დაავადებების სამკურნალო საშუალებები; გულის უკმარისობის სამკურნალო საშუალებები; კუჭის წვენის მჟავიანობის შემამცირებელი საშუალებები; თრომბების წარმოქმნის შემაფერხებელი სამკურნალო საშუალებები; ჩასახვის საწინააღმდეგო ტაბლეტები. ორსულობა და ლაქტაცია: ნებისმიერი პრეპარატის გამოყენებამდე, კონსულტაციისთვის უნდა მიემართოს მკურნალ ექიმს ან ფარმაცევტს. ორსულობის დროს დექსამეტაზონის გამოყენების უსაფრთხოება არ არის დადგენილი. აღნიშნული პრეპარატის ორსულებში გამოყენების შესახებ უნდა განისაზღვროს ექიმის მიერ. თუ დექსამეტაზონი კრკა მკურნალობის დროს ქალი დაორსულდა, შემდგომი მკურნალობისთვის მან დაუყოვნებლივ უნდა მიმართოს ექიმს.თუ პაციენტი მშობიარობამდე იყენებს დექსამეტაზონს უნდა ეცნობოს მკურნალ ექიმს. თუ პაციენტი ღებულობს აღნიშნულ პრეპარატს ლაქტაცია დაუშვებელია. დოზირება და გამოყენების წესი: მოზრდილები და ხანდაზმულები: აღნიშნული პრეპარატი შეიყვანება ინტრავენურად, კუნთში, სახსარში, სახსართან ახლოს და სხვა ქსოვილებში. რეკომენდებული საშუალო საწყისი დოზა ინტრავენური და ინტრამუსკულარული გამოყენებისთვის შეადგენს 0,5-9მგ (საჭიროების შემთხვევაში გამოიყენება უფრო მაღალი დოზებით). სახსარში რეკომენდებული დოზა არის - 0,4-4 მგ (დამოკიდებულია დაზიანებული სახსრის ზომაზე). კანის დაავადებების სამკურნალო დექსამეტაზონის დოზა სახსრების სამკურნალო დოზის იდენტურია. ქსოვილებში, სახსრების ირგვლივ დექსამეტაზონის რეკომენდებული საინექციო დოზა შეადგენს 2-6 მგ. აღნიშნული პრეპარატი ინიშნება დაავადების, მკურნალობის მოსალოდნელი ხანგრძლივობის, ტოლერანტობის და ეფექტურობის მიხედვით, შესაბამისად ზუსტ დოზას, სიხშირეს და ხანგრძლივობას განსაზღვრავს ექიმი. ბავშვები: ინტრამუსკულარული ჩანაცვლებითი თერაპია - 0,02 მგკგ სხეულის მასის ან 0,67 მგმ2 სხეულის ზედაპირის ფართობის (3 ჯერზე მეტად), ყოველი 3 დღე. სხვა შესაძლო დოზა არის - 0,008-0,01 მგკგ სხეულის მასაზე გადაანგარიშებით, ან 0,2-0,3 მგმ2 სხეულის მასის ფართობზე გადაანგარიშებით, ყოველ დღე. რეკომენდებული დოზა სხვა ჩვენებებისათვის არის 0,02-0,1 მგკგ სხეულის მასის, ან 0,8-5 მგმ2 სხეულის ზედაპირის ფართობი, ყოველ 12-24 საათში. ზუსტი დოზა და მკურნალობის ხანგრძლივობა განისაზღვრება მკურნალი ექიმის მიერ. თუ პაციენტს მიაჩნია, რომ სამკურნალო საშუალება ძალიან ძლიერია ან ძალიან სუსტია, უნდა ეცნობოს მკურნალ ექიმს ან ფარმაცევტს. შესაძლო გვერდითი მოვლენები: ყველა პრეპარატის მსგავსად დექსამეტაზონი კრკა-საც შეუძლია გვერდითი მოვლენების გამოწვევა, თუმცა ისინი ყველას არ უვითარდება. უნდა მიემართოს მკურნალ ექიმს, თუ აღინიშნება: არტერიული წნევის უეცარი მატება, ძლიერი თავის ტკივილით, ღებინებით; გულის მოქმედების ცვლილება; სისხლდენა კუჭ-ნაწლავის ტრაქტიდან; მუცლის ტკივილი; კიდურების ან ზურგის მოულოდნელი ინტენსიური ტკივილი. თუ ნებისმიერი გვერდითი ეფექტი მიიღებს სერიოზულ სახეს ან გამოვლინდა რეაქცია, რომელიც არ არის მოცემული აღნიშნულ ინსტრუქციაში, მაშინ უნდა მიემართოს მკურნალ ექიმს ან ფარმაცევტს. მანქანისა და მექანიზმების მართვა: პრეპარატი მოქმედებს მანქანისა და სხვა მექანიზმების მართვის უნარზე. დოზის გადაჭარბება: კუშინგის სინდრომი, მაგრამ ხშირ შემთხვევაში ვლინდება რამდენიმე კვირიანი მკურნალობის შემდეგ. დოზის გადაჭარბების შემთხვევაში პაციენტმა უნდა აცნობოს მკურნალ ექიმს. დოზის გამოტოვება: პაციენტმა დაუყოვნებლივ უნდა აცნობოს მკურნალ ექიმს. მიღების შეწყვეტა: პრეპარატის გამოყენების შეწყვეტის შესახებ თვითნებური გადაწყვეტილების მიღება ძალზედ საშიშია. ნაადრევად პრეპაარტის გამოყენების შეწყვეტამ შეიძლება დაამძიმოს დაავადება. სიფრთხილის ზომები: დექსამეტაზონი კრკა-ს გამოყენებამდე, უნდა მიემართოს მკურნალ ექიმს, თუ: დექსამეტაზონმა ან მსგავსმა პრეპარატმა გამოიწვია მნიშვნელოვანი სახის გვერდითი მოვლენები; პაციენტს აქვს თირკმელების ქრონიკული დაავადება; ღვიძლის ციროზი ან ღვიძლის ქრონიკული ანთება; ჰიპოთირეოზი; პაციენტი მკურნალობს ჰიპერტენზიას; უახლოეს წარსულში გადატანილი აქვს მიოკარდიუმის ინფარქტი; მკურნალობს შაქრიან დიაბეტს; მკურნალობს კუჭ-ნაწლავის დაავადებას; ტუბერკულოზს; ეპილეფსიას; თრომბოემბოლიას; მიასთენიას; გლაუკომას; ფსიქიკურ დაავადებებს; თუ პაციენტს ახლახან აქვს გადატანილი მიოკარდიუმის ინფარქტი; თუ დექსამეტაზონი კრკას მიღების შემდეგ გაიზარდა ცხვირიდან გამონადენი, კონიუქტივის სიწითლე, თავის ტკივილი, თავბრუსხვევა, აპათია ან გაღიზიანება, კუნთების და სახსრების ტკივილი, ღებინება, წონაში დაკლება, სისუსტე ან გულყრები; თუ პაციენტი გახდება ავად ან აღენიშნება ინფექციის ნიშნები; თუ პაციენტს აღენიშნება ფსიქიკური დარღვევები; თუ პაციენტს აქვს დეპრესია, ან სუიციდის აზრები; თუ პრეპარატის გამოყენების პერიოდში შეინიშნება სახსრების მტკივნეულობა, შეშუპება და სიწითლე. ცოცხალი ვირუსის ვაქცინით ვაქცინაციამდე პაციენტმა უნდა აცნობოს მკურნალ ექიმს დექსამეტაზონი კრკას გამოყენების შესახებ. ინაქტივირებული ვირუსული ვაქცინით ვაქცინაციამდე, ექიმს უნდა ეცობოს თუ პაციენტი აგრძელებს მკურნალობას ან თუ პრეპარატის გამოყენებიდან გასულია სულ მცირე 14 დღე. ფსიქიკური დარღვევები შეიძლება გამოწვეული იყოს სისტემური სტეროიდების მიღების ან მიღების შეწყვეტის შემდეგ. სახსრების ანთების დროს პრეპარატის გამოყენებისას საჭიროა დატვირთვების შემცირება. დექსამეტაზონის გამოყენებამ შეიძლება დაამძიმოს დიაბეტი. გაძლიერებული წყურვილის შემთხვევაში უნდა მიემართოს მკურნალ ექიმს. თუ პაციენტს ანამნეზში არ აღენიშნება ჩუტყვავილა ან წითელა, პაციენტმა თავი აარიდოს აღნიშნულ დაავადებებთან კონტაქტი დექსამეტაზონი კრკა-ს გამოყენების პერიოდში. აღნიშნულ დაავადებებთან შემთხვევით კონტაქტის შემთხვევაში დაუყოვნებლივ უნდა მიემართოს ექიმს. თუ პაციენტი მკურნალობს იმუნოსუპრესანტებით, კორტიკოსტეროიდებით და გადატანილი არ აქვს ჩუტყვავილა, ასეთ შემთხვევაში რეკომენდებულია პასიური იმუნიზაციის ჩატარება. თუ პაციენტი ღებულობს ან უახლოეს წარსულში ღებულობდა დექსამეტაზონ კრკა-ს, მძიმე ტრავმის, დააავდების ან დაგეგმილი ოპერაციის შემთხვევაში, პაციენტმა უნდა აცნობოს მკურნალ ექიმს, რადგან დექსამეტაზონმა შეიძლება შეაფერხოს ჭრილობის და მოტეხილობების შეხორცება. კანის ალერგიული ტესტის ჩატარებამდე პაციენტმა უნდა აცნობოს მკურნალ ექიმს დექსამეტაზონი კრკა-ს გამოყენების შესახებ. თუ დექსამეტაზონი კრკა გამოიყენება ბავშვში, საჭიროა მისი ზრდა-განვითარების მონიტორინგი. მძიმე გართულებების თავიდან აცილების მიზნით დექსამეტაზონის ხანდაზმულებში გამოყენების დროს საჭიროა პაციენტების მონიტორინგი. მნიშვნელოვანი ინფორმაცია დექსამეტაზონი კრკა-ს შემადგენლობაში შემავალი ზოგიერთი ნივთიერების შესახებ: დექსამეტაზონი კრკა-ს 1 მლ შეიცავს 0,026 მმოლ (ან 0,6 მგ) ნატრიუმს. რაც დაახლოებით 1 მმოლ (23 მგ) ნატრიუმზე ნაკლებია, ანუ ის თითქმის უმნიშვნელოა. შენახვის წესი: ინახება ბავშვებისთვის მიუწვდომელ ადგილას. არ ინახება 25C მაღალ ტემპერატურაზე. შეფუთვა: ერთი ამპულა შეიცავს 1 მლ საინექციო ხსნარს. თითოეული კოლოფში მოთავსებულია 25 ამპულა. წარმოების ლიცენზიის მფლობელი და მწარმოებელი: KRKA, d.d., Novo mesto, Smarjeska cesta 6, 8501 Novo mesto, Slovenia კრკა, დ.დ., ნოვო მესტო, სმარჯესკა ცესტა 6, 8501 ნოვო მესტო, სლოვენია

მსგავსი პროდუქტები