ყველა კატეგორია
საინტერესოა, რას უნდა მივაქციოთ ყურადღება სათვალის შერჩევის პროცესში?
ფერებს, ჩარჩოს დიზაინსა და ფორმებს?
რა თქმა უნდა, თითოეული დეტალი მნიშვნელოვანია, თუმცა პირველ რიგში ზუსტად უნდა ვიცოდეთ ჩვენი სახის ფორმა, რათა სათვალე იდეალურად მოვარგოთ მას.
სტატიაში გთავაზობთ მარტივ გზამკვლევს, რომელიც დაგეხმარებათ სწორად განსაზღვროთ თქვენი სახის ტიპი და იპოვოთ სათვალის ის მოდელი, რომელიც ყველაზე მეტად შეგეფერებათ.
იმ შემთხვევაში, თუ თქვენი სახის ფორმა ოვალურია სათვალის შერჩევა აუცილებლად გაგიმარტივდება, რადგან იშვიათია ფორმა, რომელიც ოვალური სახეს არ უხდება, იქნება ეს დიდი ზომის ჩარჩო, ავიატორის ფორმა, მეტალის ჩარჩო თუ სხვა.
მრგვალ სახეს განსაკუთრებულად უხდება მართკუთხედის ან კვადრატის ფორმის სათვალეები, ამიტომ მრგვალი სახის ფორმის შემთხვევაში, არჩევანი ისეთ სათვალეზე შეაჩერეთ, რომელიც თვენი სახის კონტურს მეტ ბალანსს მიანიჭებს.
საპირისპირო შემთხვევა გვაქვს ოთხკუთხედი სახის ფორმის შემთხვევაში. ასეთ დროს სახეს მკვეთრი ხაზები და კონტურები აქვს, ამიტომ სათვალის შერჩევისას უპირატესობა მრგვალ ან ოვალურ სათვალეს მიანიჭეთ, ამასთანავე არჩევანი თხელ ჩარჩოზე შეაჩერეთ და მასიურ ჩარჩოებს მოერიდეთ.
გულის ფორმის სახე ხასიათდება განიერი შუბლით და ვიწრო ქვედა ნაწილით. თუ თქვენი სახე გულის ფორმისაა, სათვალის შერჩევისას გაითვალისწინეთ, რომ ნათელი ფერებიდა ფართო ქვედა ნაწილის მქონე სათვალე განსაკუთრებულად მოგიხდებათ. ასევე შეგიძლიათ არჩევანი გააკეთოთ სათვალეზე, რომელსაც არ აქვს ჩარჩო.
თუ თქვენი სახის ფორმა სამკუთხა ტიპს მიეკუთვნება, განსაკუთრებით მოგიხდებათ ე.წ. “Cateye” სათვალე. ეს სტილი ზედა ნაწილში ვიზუალურ სიმძიმეს მატებს და აბალანსებს სახის ქვედა, უფრო ფართო ნაწილს, რაც სრულყოფილ ჰარმონიას ქმნის.
