რა არის სიმბავიტიD3 და რისთვის გამოიყენება ის? სიმბავიტი D3 შეიცავს ნივთიერება ქოლეკალციფეროლს (ვიტამინი D3). სიმბავიტი D3წარმოდგენილია შუშის 20 მლ ბოთლით და მოთავსებულია მუყაოს ყუთში; სიმბავიტი D3გამოიყენება D3 ვიტამინის დეფიციტის ან უკმარისობის დროს, საჭმლის მომნელებელ ტრაქტში მალაბსორბციით გამოწვეული D ვიტამინის დეფიციტის სამკურნალოდ და პრევენციისთვის, რაქიტის სამკურნალოდ (ძვლის დაავადება, რომელიც გამოწვეულია D ვიტამინის დეფიციტით), ოსტეომალაციის დროს (დაავადება, რომელიც დაკავშირებულია ძვლის შემადგენლობაში მინერალების შემცირებასთან), ძვლის დაშლის (ოსტეოპოროზის) დამატებითი მკურნალობისთვის, ოსტეოპოროზული მოტეხილობის რისკის თავიდან ასაცილებლად და ჰიპერპარათიროიდიზმის (დაავადება, დაკავშირებული პარათიროიდულ ჯირკვალში პარათიროიდული ჰორმონის მოჭარბებულ პროდუქციასთან; აღნიშნული ჰორმონი მონაწილეობს ორგანიზმში კალციუმის ცვლის რეგულაციაში) სამკურნალოდ. ინსტრუქცია დოზირებისა და გამოყენების მეთოდის შესახებ
ყოველთვის მიიღეთ სიმბავიტი D3 ექიმის რეკომენდაციის შესაბამისად. თუ რაიმეში ეჭვი გეპარებათ მიმართეთ ექიმს ან ფარმაცევტს. 1 მლ სიმბავიტი D3 შეიცავს 25 წვეთს.
მიღების წესი: სიმბავიტი D3 მიიღება ორალურად, ერთხელ დღეში. ბავშვებში და პაციენტებში, რომელთათვისაც ინექცია რეკომენდებული არაა, უმჯობესია ორალური მიღება. ბავშვებს შეუძლიათ მედიკამენტის მიღება საკვებთან ერთად.
შესაძლო გვერდითი მოვლენები სხვა პრეპარატების მსგავსად სიმბავიტ D3-ს შეუძლია გამოიწვიოს გვერდითი მოვლენები პაციენტებში, რომელთაც მისი შემადგენელი კომპონენტების მიმართ ჰიპერმგრძნობელობა გააჩნიათ. ფართომასშტაბიანი კლინიკური კვლევების სიმცირის გამო უარყოფითი მოვლენების სიხშირე ცნობილი არაა. ნორმალური დოზით და ნორმალური დროის განმავლობაში მიღების დროს სიმბავიტი D3-ის გვერდითი მოვლენების გამოვლენის სიხშირე დაბალია. სიმბავიტი D3 -ის მაღალი დოზით მიღების და მკურნალობის კონტროლგარეშე ვადით გაგრძელების შემთხვევაში შესაძლებელია განვითარდეს შემდეგი არასასურველი მოვლენები.
