About Product
ერითრომიცინი-250
შემადგენლობა:
თითოეული აპკიანი გარსით დაფარული ტაბლეტი შეიცავს:
ერითრომიცინის სტეარატი BP ექვივალენტური 250 მგ ერითრომიცინის.
დამხმარე ნივთიერებები: სიმინდის სახამებელი, მიკროკრისტალური ცელულოზა, ნატრიუმის სახამებელი გლიკოლატი, პოლივინილ პიროლიდონი, მაგნიუმის სტეარატი, გასუფთავებული ტალკი, კოლოიდური სილიციუმის დიოქსიდი, შემომგარსავი ნივთიერებები: Sheff Coat PVA (პოლივინილის სპირტი, ლეციტინი, გასუფთავებული ტალკი, ტიტანის დიოქსიდი).
თერაპიული ჩვენებები
ერითრომიცინისადმი მგრძნობიარე ორგანიზმებით გამოწვეული ინფექციების პროფილაქტიკისა და მკურნალობისთვის.
ანტიბიოტიკი, ეფექტურია მრავალი კლინიკური ინფექციების სამკურნალოდ, როგორიცაა:
1) ზედა სასუნთქი გზების ინფექციები: ლარინგიტი, ფარინგიტი, სინუსიტი, მეორადი ინფექციები გაციებისა და გრიპის დროს, ტონზილიტი, პერიტონზილარული აბსცესი.
2) ქვედა სასუნთქი გზების ინფექციები: მწვავე და ქრონიკული ბრონქიტი, ტრაქეიტი, პნევმონია (წილოვანი პნევმონია, ბრონქოპნევმონია, პირველადი ატიპიური პნევმონია), ბრონქოექტაზია, ლეგიონერის დაავადება.
3) თვალის ინფექციები: ბლეფარიტი
4) ყურის ინფექციები: შუა და გარეთა ყურის ანთება, მასტოიდიტი.
5) პირის ღრუს ინფექციები: გინგივიტი, ანგინა.
6) კანისა და რბილი ქსოვილების ინფექციები: ფურუნკულები და კარბუნკულები, აბსცესები, პუსტულური აკნე, პარონიქია, იმპეტიგო, ცელულიტი, წითელი ქარი.
7) კუჭ-ნაწლავის ინფექციები: სტაფილოკოკური ენტეროკოლიტი, ქოლეცისტიტი.
8) სხვა ინფექციები: გონორეა, სიფილისი, ურეთრიტი, ოსტეომიელიტი, ვენერიული ლიმფოგრანულომა, დიფტერია, პროსტატიტი, ქუნთრუშა.
9) პროფილაქტიკა: პრე- და პოსტოპერაციული, დამწვრობა, ტრავმა, რევმატული ცხელება.
შენიშვნა: ერითრომიცინს ასევე აქვს მნიშვნელობა ენდოკარდიტისა და სეპტიცემიის დროს, მაგრამ ამ პირობებში მიზანშეწონილია ერითრომიცინ ლაქტობიონატის საწყისი შეყვანა ინტრავენური გზით.
დოზირება და მიღების წესი.
მოზრდილები და 8 წელზე უფროსი ასაკის ბავშვები:
250 – 500 მგ ყოველ 6 საათში ან 0,5 – 1 გ ყოველ 12 საათში, 4 გ-მდე დღეში მძიმე ინფექციების დროს.
მოზრდილებში ან ბავშვებში სასურველია დღეში ორჯერ მიღება, მთლიანი დღიური დოზის ნახევარი შეიძლება მიეცეს ყოველ 12 საათში ერთხელ, ჭამამდე ერთი საათით ადრე.
შენიშვნა: უმცროსი ასაკის ბავშვებისთვის, მცირეწლოვანებისთვის და ჩვილებისთვის
ჩვეულებრივ რეკომენდებულია ერითრომიცინის სუსპენზია. რეკომენდებული დოზა 2-8 წლის ბავშვებისთვის, მსუბუქი და ზომიერი ინფექციების დროს, არის 1 გ დღეში გაყოფილი დოზებით. რეკომენდებული დოზა მცირეწლოვანებისთვის და ჩვილებისთვის, მსუბუქი და საშუალო სიმძიმის ინფექციებისთვის, არის 500 მგ დღეში გაყოფილი დოზებით. მძიმე ინფექციების შემთხვევაში დოზა შეიძლება გაორმაგდეს.
ხანდაზმულები:
განსაკუთრებული დოზის რეკომენდაციები არ არის.
გამოყენების მეთოდი:
პერორალური მიღებისთვის.
ტაბლეტები უნდა გადაიყლაპოს მთლიანად ადეკვატური რაოდენობის სითხის მიყოლებით (მინიმუმ 100 მლ წყალი) და უნდა იქნას მიღებული ვერტიკალურ მდგომარეობაში. ტაბლეტები არ უნდა დაქუცმაცდეს ან დაიღეჭოს.
შენახვა:
შეინახეთ 30 C-ზე დაბალ ტემპერატურაზე.
დაიცავით სინათლისა და ტენიანობისგან.
შეინახეთ ყველა მედიკამენტი ბავშვებისთვის მიუწვდომელ ადგილას
Show More
