ტრანესტატი ტაბლეტი 500მგ #20

საერთაშორისო დასახელება: Acidum Tranexamicum

ფარმაკოლოგიური ჯგუფი: ანტიჰემორაგიული და ჰემოსტაზური საშუალებები

ფარმაკოთერაპიული ჯგუფი: ანტიფიბრინოლიზური საშუალება

შემადგენლობა

ყოველი ტაბლეტი ან 5 მლ-იანი ამპულა შეიცავს:

• ტრანექსამის მჟავა – 500 მგ

კლინიკური ფარმაკოლოგია

ტრანესტატი (ტრანექსამის მჟავა) არის ანტიფიბრინოლიზური პრეპარატი, რომელიც თრგუნავს პლაზმინოგენის პლაზმინად აქტივაციას.

ტრანესტატი ასტაბილიზებს ფიბრინულ სტრუქტურებს, ვინაიდან ფიბრინის დეფექტური ფორმაციის ან ფიბრინის ძალიან სწრაფი დაშლის შედეგად ვითარდება ძლიერი ან რეციდივული სისხლდენა და ეს ხდება პლაზმინით ჰემოსტაზური ფიბრინის საბოლოო დაშლის პრევენციით.

გარდა ამისა, ტრანესტატი ზრდის კოლაგენის სინთეზს და გრანულაციის ქსოვილებს, სავარაუდოდ ფიბრინული მატრიცის შენარჩუნების გზით.

ჩვენებები

სისხლდენის პრევენცია ქირურგიული ოპერაციის ან ტრავმის შემდეგ:

• კბილის ამოღება ჰემოფილიის მქონე პაციენტებში;
• საშვილოსნოს ყელის კონიზაცია;
• ტონზილექტომია და ადენოიდექტომია;
• პროსტატის ქირურგიული ოპერაცია;
• თვალის ტრავმა;
• სტომატოლოგიური ოპერაცია იმ პაციენტებში, რომლებიც იღებენ ანტიკოაგულანტებს.

ასევე გამოიყენება:

• სუბარაქნოიდული სისხლდენის რეციდივის თავიდან აცილებისთვის;
• პირველადი ან საშვილოსნოს შიდა ჩასახვის საწინააღმდეგო საშუალებით ინდუცირებული მენორაგიის სამკურნალოდ;
• რქოვანას სპონტანური ან პოსტოპერაციული შეშუპების პრევენციისთვის;
• მემკვიდრული და არამემკვიდრული ანგიოშეშუპების სამკურნალოდ;
• სისხლდენის პრევენციისთვის მწვავე პრომიელოციტური ლეიკემიის დროს;
• გულის შუნტირების შემდეგ სისხლდენის პრევენციისთვის.

გვერდითი ეფექტები

ტრანექსამის მჟავა ხასიათდება კარგი ამტანობით. შესაძლებელია:

• გულისრევა;
• პირღებინება;
• დიარეა;
• ჰიპოტენზია, განსაკუთრებით ვენაში სწრაფი შეყვანის შემდეგ.

დოზირება

ტრანესტატი მიიღება პერორალურად, ასევე ნელი ინტრავენური ინექციის ან უწყვეტი ინტრავენური ინფუზიის სახით.

რამდენიმე დღის შემდეგ ინექცია ჩვეულებრივ იცვლება პერორალური მიღებით.

მოზრდილები:

• პერორალურად: 1–1.5 გ (ან 15–25 მგ/კგ) დღეში 2–4-ჯერ;
• ნელი ინტრავენური ინექცია: 0.5–1 გ (ან 10–15 მგ/კგ) დღეში 3-ჯერ;
• უწყვეტი ინტრავენური ინფუზია: 25–50 მგ/კგ დღეში.

ბავშვები:

• პერორალურად: 15–25 მგ/კგ;
• ინტრავენურად: 10 მგ/კგ, ჩვეულებრივ დღეში ორჯერ.

გამოშვების ფორმა

• ტაბლეტები: 500 მგ, ბლისტერზე 10 ტაბლეტი. შეფუთვაში 2 ბლისტერი.
• ამპულები: 500 მგ. შეფუთვაში 6 ამპულა.

შენახვის პირობები

პრეპარატი ინახება ბავშვებისთვის მიუწვდომელ ადგილას.