ყველა კატეგორია
ნარინჯისფერი სიროფი, ტკბილი გემოთი, რომელიც მოთავსებულია 60 მლ ყვითელი შუშის ფლაკონში, ალერგიასთან საბრძოლველად დაგეხმარებათ. ეს მედიკამენტი არის ესლოტინი სიროფი 5 მგ, რომელიც აფთიაქიდან ურეცეპტოდ გაიცემა.
ცემინება, ცხვირიდან გამონადენი, ცხვირისა და თვალების ქავილი, ცრემლდენა ან თვალების სიწითლე, ქავილი, შეშუპება, კანის სიწითლე - ეს იმ ადამიანებისთვის ნაცნობი სიმპტომებია, რომლებიც ალერგიას ერთხელ მაინც შეუწუხებია. ესლოტინი სიროფი კი მათთან ბრძოლის ეფექტური საშუალებაა.
დილიდან, ხშირი ცემინება და ქავილის შეგრძნება დღის სრულფასოვნად გატარებაში ხელს გვიშლის. ეს ყველაფერი კი ჩვენს განწყობაზეც საგრძნობლად აისახება. თუ ალერგიული სიმპტომები გაწუხებთ, გამოსავალი შეიძლება ესლოტინი სიროფი იყოს.
ესლოტინი სიროფი ეფექტური საშუალებაა, რომელიც ალერგიის სიმპტომების შესამსუბუქებლად გამოიყენება.
უფრო კონკრეტულად, მისი ჩვენებებია: ალერგიული რინიტი - სიროფი ცემინების, ცხვირიდან გამონადენის, ცხვირის ღრუს დაცობის და ქავილის, ცრემლდენის, თვალების ქავილის და სიწითლის, სასის ქავილის მოხსნის ან შემსუბუქების მიზნით გამოიყენება; ასევე, ეფექტურია ქრონიკული იდიოპათიური ჭინჭრის ციების დროს, რასაც კანის ქავილი ან გამონაყარი ახასიათებს.
აღსანიშნავია, რომ ესლოტინი მთელი დღის განმავლობაში გვეხმარება სიმპტომების შემსუბუქებაში, აქტივობისა და მშვიდი ძილის დაბრუნებაში.
წამლის მოქმედება მისი შემადგენელი აქტიური ნივთიერებებით არის განპირობებული.
ესლოტინი სიროფი 5 მგ შეიცავს 2,5 მგ დესლორატადინსა და დამხმარე ნივთიერებებს: ნატრიუმის მეთილპარაჰიდროქსიბენზოატს, ნატრიუმის პროპილპარაჰიდროქსიბენზოატს, პროპილენგლიკოლს, ლიმონმჟავის მონოჰიდრატს, საქაროზას, არომატიზატორს «ფორთოხალი», ყვითელ სანსეტს, გლიცერინს, გასუფთავებულ წყალს.
ესლოტინი სიროფის დოზირებისთვის გამოიყენება შეფუთვაში არსებული საზომი ჭიქა. ის კვებისგან დამოუკიდებლად, მცირე რაოდენობით წყლის მიყოლებით მიიღება.
მიღების წესი და დოზირება ასაკზეა დამოკიდებული.
კონკრეტულად:
1-დან 5 წლამდე ასაკის ბავშვებში ინიშნება 1,25 მგ (სიროფის 2,5 მლ) ერთხელ დღე-ღამეში;
6-დან 11 წლამდე ასაკის ბავშვებში - 2,5 მგ (სიროფის 5 მლ) ერთხელ დღე-ღამეში;
მოზრდილებში და 12 წელზე უფროსი ასაკის მოზარდებში - 5 მგ (10მლ სიროფი) ერთხელ დღე-ღამეში.
მკურნალობის ხანგრძლივობა დამოკიდებულია დაავადების მიმდინარეობაზე და განისაზღვრება ინდივიდუალურად. აღსანიშნავია, რომ პოლინოზის მკურნალობისას პრეპარატის მიღებას სიმპტომების გაქრობის შემდგომ წყვეტენ. სრულწლიანი ალერგიული რინიტის მკურნალობისას კი, პრეპარატი უწყვეტად გამოიყენება - ალერგენთან კონტაქტის მთელი პერიოდის განმავლობაში.
აღსანიშნავია, რომ ორსულობის და ლაქტაციის პერიოდში პრეტარატის გამოყენება არ არის რეკომენდებული.
ყველა წამალი, მათ შორის, ესლოტინი 5 მგ შესაძლო გვერდით ეფექტებს იწვევს. ასაკობრივი ჯგუფების მიხედვით რომ განვიხილოთ, 2 წლამდე ასაკის ბავშვებში ყველაზე ხშირად გამოვლენილი არასასურველი რეაქციები იყო ფაღარათი, ცხელება, უძილობა. მოზრდილებში ყველაზე ხშირად გამოვლენილი არასასურვებელი რეაქციები იყო დაღლა, პირის სიმშრალე, თავის ტკივილი.
გარდა ამისა, ასევე შესაძლო გვერდითი მოვლენებია: ჰალუცინაციები, თავბრუსხვევა, ძილიანობა, უძილობა, ფსიქომოტორული აგზნება, კრუნჩხვები, ტაქიკარდია, გულისცემის აჩქარება, QT ინტერვალის გახანგრძლივება, არითმია, ბრადიკარდია, ტკივილი მუცლის არეში, გულისრევა, ღებინება, დისპეფსია, დიარეა, ღვიძლის ფერმენტების და ბილირუბინის დონის მომატება, ჰეპატიტი, სიყვითლე, სინათლის მიმართ მომატებული მგრძნობელობა, კუნთების ტკივილი, ანაფილაქსია, ანგიონევროზული შეშუპება, ქოშინი, ქავილი, გამონაყარი, ჭინჭრის ციება; ასთენია.
მომატებული მგრძნობელობა ლორატადინის, დესლორატადინის ან პრეპარატის ნებისმიერი დამხმარე ნივთიერების მიმართ; ფრუქტოზის აუტანლობა, გლუკოზა/გალაქტოზის შეწოვის დარღვევა ან საქარაზა-იზომალტაზის უკმარისობა; 1 წლამდე ბავშვთა ასაკი.
გარდა ამისა, აღსანიშნავია, რომ ძალიან იშვიათად შესაძლოა გამოვლინდეს ძილიანობა, რომელმაც შესაძლებელია ავტოსატრანსპორტო საშუალებების და სხვა მექანიზმების მართვის უნარზე იმოქმედოს.
ესლოტინი სიროფი 5 მგ ანტიჰისტამინური პრეპარატია, რომელიც გამოირჩევა ეფექტურობით და სწრაფი მოქმედებით. მისი გამოყენების შემდეგ, ძალიან მალევე იგრძნობთ შვებას და ალერგიული სიმპტომები გაქრება. ტკბილი, სასიამოვნო არომატის მქონე სიროფი, შესაძლოა სწორედ ის წამალი აღმოჩნდეს, რომელიც გაგათავისუფლებთ სურდოს, ქავილის, ცრემლდენის, ცემინებისა და სხვა ალერგიული რეაქციებისგან და ცხოვრების ჩვეულ რიტმში დაგაბრუნებთ.
ესლოტინი 5 მგ გამოიყენება როგორც მოზრდილებში, ასევე ბავშვებში. მისი ეფექტი მთელი დღის განმავლობაში ნარჩუნდება, რაც დღის სრულფასოვნად გატარების საშუალებას იძლევა, ალერგიაზე ფიქრის გარეშე. მაშ ასე, დროა, ვისწავლოთ ცხოვრება ალერგიის გარეშე.
