რა უნდა ვიცოდეთ ატოპიური დერმატიტის შესახებ?

​ატოპიური დერმატიტის სიმპტომები შეიძლება სხეულის ნებისმიერ ადგილას გამოვლინდეს, ისინი შეიძლება იყოს შემდეგი:

• მშრალი, დამსკდარი კანი,
• ქავილი,
• ერთგვარი გამონაყარი და ოდნავი შესიება, რომელსაც მოწითალო / მოვარდისფრო ფერი აქვს.

• ხშირ შემთხვევაში, ატოპიური დერმატიტი დაკავშირებულია ადამიანის ისეთ გენებთან, რომელიც განაპირობებს კანის დაცვის უნარს. შესაბამისად თანდაყოლილად აქვს კანს სუსტი ბარიერული ფუნქცია. ამის გამო კანი ვერ ინარჩუნებს ტენიანობას და უჭირს დაცვა ბაქტერიებისგან, ალერგიისა და სხვა გარემო გამღიზიანებლისგან.
  
  
  
• ბაქტერია სტაფილოკოკი, რომელიც იკავებს სასარგებლო ბაქტერიების ადგილს და აზიანებს კანის ბარიერულ ფუნქციას.
  
  
  
• ადამიანის ორგანიზმის სუსტი იმუნური სისტემა, რომელიც  იწვევს კანის ბარიერის დასუსტებას და ანთებით პროცესებსა და სხვა სიმპტომებს.

ატოპიური დერმატიტის გართულებები შეიძლება იყოს შემდეგი:

• ასთმა და "თივის ცხელება" - ეს შეიძლება გამოვლინდეს ატოპიური დერმატიტის განვითარებამდე ან შემდგომ.
  
  
  
• კვებითი ალერგიები - ეს ძირითადად მოიცავს ჭინჭრის ციების მსგავს ალერგიას გარკვეული სახეობის საკვების მიღბის შემდეგ.
  
  
  
• ქრონიკული ქავილი, აქერცლილი კანი - კანის მდგომარეობა, სახელად ნეიროდერმატიტი, იწყება გაღიზიანებული კანის მცირე არეებით. ადამიანი ხშირად იქავებს, იფხანს, რითაც გრძნობს შვებას, თუმცა ეს დროებითი კომფორტია, რადგან მოქავება ააქტიურებს კანის ნერვულ უჯრედებს და უფრო მეტად ეფხანება, შემდეგ კი ეს დაზიანებული ადგილები იცვლის ფერს და უხეშდება კიდეც.
  
  
  
• კანის ინფექციები, რომელიც ვითარდება ხშირი მოფხანის შედეგად შეღწეული ბაქტერიების გამო.
  
  
  
• ხელების დერმატიტი - ძირითადად უხეში ქიმიური დასაბანი და სადეზინფექციო საშუალებების მუდმივი გამოყენების გამო შეიძლება განვითარდეს.
  
  
  
• ალერგიული კონტაქტური დერმატიტი ასევე ხშირი მდგომარეობაა ატოპიური დერმატიტის დროს, რომელიც ვითარდება ალერგიულ ნივთიერებებთან შეხების დროს.
  
  
  
• ძილის პრობლემები, რომელსაც ქავილი იწვევს.
  
  
  
• მენტალური ჯანმრთელობის პრობლემები - ატოპიური დერმატიტის მქონე ადამიანებში ხშირია დეპრესიისა და შფოთვისკენ მიდრეკილება. ვარაუდობენ, რომ ამ ყველაფერს იწვევს გამუდმებული ქავილი და ძილის პრობლემები.

კანის მოვლის საბაზისო რუტინის დაცვა ეგზემის გამწვავებისგან იცავს კანს და ანიჭებს კომფორტის შეგრძნებას. რუტინა მოიცავს შემდეგ საფეხურებს:

• ტანის ყოველდღიური დაბანა ან შხაპის მიღება - დაიბანეთ თბილი და არა ცხელი წყლით და არაუმეტეს 10-15 წუთის განმავლობაში.
  
  
• რბილი დასაბანი საშუალებების გამოყენება - აარჩიეთ შხაპის ზეთი, გელი ან საპონი, რომელიც არ შეიცავს პარაბენებს, საღებავებს, ალკოჰოლსა და პარფიუმს. მოერიდეთ ხანგრძლივ აბაზანის მიღებას და სააბაზანო ქაფების გამოყენებას. რადგან ეს ყველაფერი კანის ბუნებრივ ცხიმსაც აშორებს და ზედმეტად აშრობს კანს. მოერიდეთ ასევე სკრაბით და უხეში ღრუბლით გახეხვას ბანაობის დროს, რათა არ გააღიზიანოთ კანი. საუკეთესო არჩევანი იქნებოდა ეუცერინის ატოპი-კონტროლის ტანის დასაბანი ზეთი ან ავენის ქსერაკალმის დასაბანი ზეთი, რომლებიც გათვლილია კონკრეტულად ამ მდგომარეობის მქონე კანისათვის და მაქსიმალურად იცავს გაღიზიანებისაგან კანს.
  
  
• რბილი გამშრალება - დაბანის შემდგომ გაიმშრალეთ კანი ძალიან რბილი პირსახოცით რათა არ გაიღიზიანოთ კანი. დამატენიანებელი წაისვით ნოტიო კანზე ანუ დაბანიდან 3 წუთის განმავლობაში.
  
  
• კანის დატენიანება მინიმუმ დღეში ორჯერ - აარჩიეთ კონკრეტულად ატოპიური დერმატიტისათვის განკუთვნილი დამატენიანებელი საცხი. მომხმარებლების საყვარელი პროდუქტებია ავენის ქსერაკალმის ბალზამი, ასევე ტოპიკრემის AD ბალზამი და ეუცერინის ატოპი-კონტროლის ხაზის ლოსიონი. ეს საცხები გაჯერებულია საჭირო მკვებავი ნივთიერებებით და არ შეიცავს კანის გამღიზიანებელ ნივთიერებებს, ასევე არ გააჩნია სურნელი.
  

​მოერიდეთ შემდეგ გამღიზიანებლებს: უხეში შალის ქსოვილისგან დამზადებული ტანისამოსის ტარება. სიცხე და ოფლიანობა. სტრესი. მტვერი, თამბაქოს მოწევა. ცივი და მშრალი ჰავა. სუნამოები, პარფიუმის შემცველი პროდუქტები.

ატოპიურ დერმატიტს სჭირდება ყურადღება და კანის სწორი პროდუქტებით რუტინულად მოვლა. დიაგნოზის დასასმელად და ინდივიდუალური რჩევების მისაღებად, ასევე გამწვავების შემთხვევაში მიმართეთ ექიმს.

​​​ჯპს-ის  ვებ-გვერდიდან და  აპლიკაციიდან შეგიძლია შეიძინო ზემოთ ჩამოთვლილი პროდუქტები. შეკვეთას მაქსიმუმ 60 წუთში მიიღებ სასურველ მისამართზე ან მიაკითხავ გამზადებულ შენაძენს ფილიალში უფასოდ.​​