როგორ მივიღოთ რუჯი უსაფრთხოდ?

• მზეზე გასვლას მოერიდეთ 13-დან 17 საათამდე პერიოდში, რადგან ამ დროს ყველაზე აქტიურია მზე და შესაძლოა, მარტივად მიიღოთ დამწვრობა. შეგიძლიათ გახვიდეთ პლაჟზე დილის 08 სთ-დან 13 საათამდე და 17 საათის შემდეგ.
  
   

• აუცილებლად გამოიყენეთ მზისგან დამცავი: თუ ახლა იწყებთ გარუჯვას და/ან ჯერ კიდევ ღია ფერის არის თქვენი კანი, უპირატესობა მიანიჭეთ დაცვის მაღალ ფაქტორს: 30 spf ან 50 spf. ეს ფილტრი დაგიცავთ მზის მიერ დამწვრობისაგან ისე, რომ რუჯსაც მიიღებთ თანდათანობით. რამდენიმე დღის შემდეგ უკვე შეგიძლიათ გამოიყენოთ უფრო დაბალი დაცვის ფაქტორით - 20 spf, 15 spf  ან 6 spf.  თუმცა, თუ თქვენი ბუნებრივი ფერი არის ძალიან ღია და მიდრეკილი ხართ სწრაფად დამწვრობისაკენ, გირჩევთ მუდმივად 30 ან 50 spf-ის გამოყენებას.
  
   
• გაიმეორეთ მზისგან დამცავის გამოყენება 2 საათში ერთხელ. 
  ნებისმიერი მზისგან დამცავი თავის ეფექტს ინარჩუნებს არაუმეტეს 120 წუთისა. შესაბამისად, უნდა აკონტროლოთ დრო და დამცავი გამოიყენოთ რამდენჯერმე. 
  ასევე გირჩევთ, დამცავი ხელმეორედ წაისვათ წყლიდან ამოსვლის შემდეგაც. გარდა იმ შემთხვევისა, როცა თქვენი მზისგან დამცავი საშუალება არის წყალგამძლე.
  
   
• 15 წუთში ერთხელ შეიცვალეთ მხარე და გადაბრუნდით. ეს დაგეხმარებათ რუჯის თანაბრად მიღებასა და დამწვრობისგან თავის არიდებაში.
  
   
• ნუ გამოიყენებთ მზისგან დამცავს ეკონომიურად: ეცადეთ მზისგან დამცავი საცხი წაისვათ იმ რაოდენობით, რომ სრულად დაფაროს კანი სხეულის და სახის ყველა არეზე, მათ შორის ტერფებზსა და ყურებზე. 
  
   
• მზის აბაზანების მიღების პროცესში თან იქონიეთ თერმული წყალი ან სახის დამატენიანებელი მისტი, (ან ორივე ერთად) და დროდადრო შეისხურეთ სახესა და დეკოლტეზე, რათა დროულად მოამარაგოთ კანი სითხით, გაგრილდეთ და დაიცვათ გამოშრობისაგან.
  
   
• გახსოვდეთ: ტუჩებს და თვალებსაც სჭირდება დაცვა.
     თვალის არე 10-ჯერ თხელია სახის კანთან შედარებით, შესაბამისად მასზე მარტივად ზემოქმედებს ყველანაირი გარემო ფაქტორი, განსაკუთრებით მზის სხივები, აბერებს, აშრობს და აჩენს ლაქებს. ტუჩები კი სწრაფად შრება და იჭიმება.  ამიტომ მზის აბაზანების მიღების დროს აუცილებლად გამოიყენეთ სპეციალური მზისგან დამცავი ამ მგრძნობიარე არეებისათვის. ასეთია ლაროშის მგრძნობიარე არეების დამცავი სტიკი (La roche-posay stick sunscreen). გაიკეთეთ მზის სათვალეც.
  
   
• მოუფრთხილდით თმას და თავის კანს!
    იქონიეთ მზის ქუდი ან თავსაბურავი გარუჯვის დროს, რათა დაიცვათ სკალპი დამწვრობისა და გაღიზიანებისაგან. თმის დასაცავად კი გამოიყენეთ თმის მზისგან დამცავი ზეთები.

      გარუჯვის შემდეგ კანი შესაძლოა, იყოს გახურებული, შეწითლებული და მგრძნობიარე. ყველაზე მეტად ამ დროს სჭირდება გაგრილება და დამშვიდება. აუცილებლად წაისვი მთელ სხეულსა და სახეზე სპეციალური მზის შემდგომი საშუალება, რომელიც დაგიმშვიდებს, გაგიგრილებს, დაგიტენიანებს კანს და, რაც მთავარია, რუჯი უფრო ხანგრძლივად დარჩება შენს კანზე. მზის შემდგომი დამატენიანებლები არსებობს სხვადასხვა ფორმით, ტექსტურით და მოცულობით.

 

     თუ თხევად ტექსტურას და სპრეის ფორმას ანიჭებ უპირატესობას, ურიაჟის სპრეი (uriage after sun) მოგეწონება, რომელიც თერმული წყლის ბაზაზეა დამზადებული და სწრაფად დაგიმშვიდებს კანს.


     თხელი, რძის მსგავსი კონსისტენცია და გამყოლი სურნელით თუ გირჩევნია, არჩევანი შეაჩერე ნუქსის(Nuxe after sun) ან ლიერაკის (lierac after sun) მზის შემდგომებზე, რომლებიც ტუბის ფორმაშია, 200 მლ-ს არ აღემატება და მსუბუქი და მოსახერხებელია მგზავრობის დროსაც.
ხოლო თუ დიდი მოცულობით ეძებ, ნუქსის 400 მლ მზის შემდგომი სახე/ტანი (nuxe after sun) საუკეთესო გადაწყვეტილება იქნება.


    გახურებული კანის სწრაფად დამშვიდებასა და გაგრილებაში ალოე ვერას შემცველობაც ეხმარება მზის შემდგომ პროდუქტებს. თუკი ალოეს დანამატით და თანაც უფრო ბიუჯეტურ პროდუქტზე გეფიქრება, კალიფსოს (Calypso after sun), კაროტენის (Caroten after sun).

     თანაბარი და ჯანსაღი რუჯის მიღებისათვის აუცილებელია წესების დაცვა და ისეთი პროდუქტების გამოყენება, როგორებიც არის მზისგან დამცავი და მზის შემდგომი საშუალებები, ასევე კანის მომზადება სკრაბითა და დამატენიანებელი საცხებით. მხოლოდ ასე შეგიძლია, ხანგრძლივად გქონდეს ერთგვაროვანი რუჯი და გლუვი კანი.

      ჯპს-ის ვებ-გვერდიდან და აპლიკაციიდან შეგიძლია შეიძინო უსაფრთხო გარუჯვისათვის საჭირო ყველა პროდუქტი, შეკვეთას კი მაქსიმუმ 60 წუთში მიიღებ სასურველ მისამართზე.