როგორ წავიკითხოთ კონტაქტური ლინზების რეცეპტი სწორად - შენი პირადი გზამკვლევი GPC-ისგან

- კონტაქტური ლინზის რეცეპტი მკვეთრად განსხვავდება სათვალის რეცეპტისგან, რადგან ლინზა უშუალოდ თვალის ზედაპირზეა მოთავსებული, ამიტომ ლინზის რეცეპტის კითხვისას ყველაზე ხშირად ქვემოთ ჩამოთვლილ სიმბოლოებს შეხვდებით:

- BC (Base Curve) - ბაზისური გამრუდება: ეს ციფრი მიუთითებს ლინზის შიდა ზედაპირის სიმრუდეს. ის ზუსტად უნდა შეესაბამებოდეს თქვენი რქოვანას ფორმას, რათა ლინზა კომფორტულად "დაჯდეს".

- DIA (Diameter) - დიამეტრი: ლინზის მთლიანი ზომა კიდიდან კიდემდე. არასწორი დიამეტრით ლინზა შეიძლება თვალზე ზედმეტად მოძრაობდეს ან პირიქით, ზეწოლას ახდენდეს.

- PWR / SPH (Power/Sphere) - ოპტიკური ძალა: ეს არის თქვენი "მინუსი" ან "პლუსი".

(-) ნიშნავს ახლომხედველობას (მიოპია).

(+) ნიშნავს შორსმხედველობას (ჰიპერმეტროპია).

- OD და OS:

OD (Oculus Dexter): მარჯვენა თვალი.

OS (Oculus Sinister): მარცხენა თვალი.

​

თუ თქვენ გაქვთ ასტიგმატიზმი და გჭირდებათ ტორიკული (Toric) ლინზები, თქვენს რეცეპტში დამატებით ორ მაჩვენებელს ნახავთ:

- CYL (Cylinder): ასტიგმატიზმის ხარისხი.

- AXIS (ღერძი): გრადუსი (0-დან 180-მდე), რომელიც მიუთითებს, თუ რა კუთხით უნდა გასწორდეს ასტიგმატიზმი.

როდესაც რეცეპტი უკვე გაშიფრული გაქვთ, ონლაინ შეკვეთა  სულ რამდენიმე წუთს წაგართმევთ:

ნაბიჯი 1: ეწვიეთ GPC-ის ვებ-გვერდს ან აპლიკაციას - გადადით კონტაქტური ლინზების  სექციაში.

ნაბიჯი 2: აირჩიეთ თქვენთვის სასურველი ბრენდი და ტიპი.

ნაბიჯი 3: პროდუქტის გვერდზე იპოვით პარამეტრების მითითების ველებს.

გახსოვდეთ: თუ ორივე თვალზე ერთი და იგივე მონაცემები გაქვთ, უბრალოდ რაოდენობას უთითებთ. თუ მონაცემები განსხვავებულია, უნდა მონიშნოთ შესაბამისი ველები მარჯვენა (OD) და მარცხენა (OS) თვალისთვის ცალ-ცალკე.

ნაბიჯი 4: დაამატეთ კალათაში, აირჩიეთ მიტანის სერვისი და დაასრულეთ გადახდა.

არ გამოიყენოთ სათვალის რეცეპტი: სათვალე თვალიდან დაახლოებით 12 მმ-ით არის დაშორებული, ლინზა კი თვალის ზედაპირზე თავსდება, ამიტომ მათი ოპტიკური მნიშვნელობა ხშირად განსხვავდება.

შეამოწმეთ ვადა: რეცეპტი, როგორც წესი, ვალიდურია 1-2 წელი . თუ თვალში დისკომფორტს გრძნობთ, აუცილებლად ეწვიეთ ოფთალმოლოგს ხელახალი შემოწმებისთვის.

ჰიგიენა: ლინზებთან ერთად არ დაგავიწყდეთ შესაბამისი ხსნარის და კონტეინერის შეკვეთაც.