ნოვო რელაქსი
30 კაფსულა

ნატურალური სედატიური საშუალება. ბიოლოგიურად აქტიური დანამატი.
მკვრივი, მწვანე - ყვითელი ფერის ჟელატინის კაფსულები.
შემადგენლობა: ვალერიანი - 100 მგ, პასიფლორა - 100 მგ, გვირილა - 100 მგ, კრაზანა 60 მგ.
სხვა ინგრედიენტები: თეთრი ბრინჯის ფქვილი, მაგნიუმის სტეარატი, ჟელატინი (კაფსულა).

მახასიათებლები: ნოვორელაქსი მცენარეული წარმოშობის ფიტოპრეპარატია. გამოხატული სედაციური მოქმედებით, მიეკუთვნება ეფექტურ ანტისტრესულ საშუალებას, რომელიც გვეხმარება შიშისა და
ნევრასთენიული მდგომარეობის დასაძლევად.
ნოვორელაქსის შემადგენელი კომპონენტები - ვალერიანის ფესვები ხასიათდება სედაციური მოქმედებით, ამცირებს დაძაბულობისა და გაღიზიანებადობის ნიშნებს, რომლებიც ნიშანდობლივია ფსიქიური გადაძაბვის დროს, აღადგენს ძილის ნორმალურ რიტმს, ხასიათდება სპაზმოლიზური მოქმედებით.
პასიფლორა შეიცავს ალკალოიდებს და ფლავონოიდებს-ვიტექსინს, ხასიათდება მსუბუქი სედაციური მოქმედებით, ხელს უწყობს ძილის აღდგენას, ამცირებს ნერვულ აგზნებადობას, ავლენს სპაზმოლიზურ,
სედაციურ მოქმედებას, აუმჯობესებს გულის მუშაობას.
გვირილის ექსტრაქტი ავლენს სპაზმოლიზურ, სედაციურ, ტკივილგამაყუჩებელ მოქმედებას,
რომელიც განპირობებულია მასში შემავალი აპიგენინითა და აპინინით. ფლავონოიდები კი ხელს
უწყობენ თავის ტვინის სისხლძარღვთა სპაზმის მოხსნას.
კრაზანა მიეკუთვნება ბუნებრივ ანტიდეპრესიულ საშუალებას, მას აგრეთვე გააჩნია ტკივილგამაყუჩებელი,
სედაციური მოქმედება და გამოიყენება კომპლექსური მკურნალობისას, - ნევროზების, დეპრესიებისა და ნიკოტინდამოკიდებულების დროს.

ჩვენება:
გუნება - განწყობილების ხშირი ცვლა;
გადაღლა, აპათია, დაქვეითებული მოტივაცია;
შიშის, განგაშის მდგომარეობა;
ძილის დარღვევა;
შფოთვა, მომატებული ნერვული აგზნებადობა;
გაღიზიანებადობა;
თამბაქოსთვის თავის დანებების დროს, - მდგომარეობის შემსუბუქება.

რეკომენდებულია მოზრდილებში და ბავშვებში 12 წლიდან.

პრეპარატის მიღების შეწყვეტა ხდება შემადგენელ კომპონენტთა მიმართ ჰიპერმგრძნობელობის
გამოვლენისას.

მიღების წესი და დოზირება:
მიიღება შიგნით, საკმაო რაოდენობით წყლის მიყოლებით, მოზრდილებში და ბავშვებში 12 წლიდან -
1 კაფსულა 2-ჯერ დღეში.

გვერდითი მოვლენები: ალერგიული რეაქციები, სისუსტე. ადვილად აიტანება.
ძირითადი მითითებანი: შესაძლებელია პრეპარატის ხანგძლივი მიღება. მისი მოხსნისას არ ვითარდება
აბსტინენციის სინდრომი. არ იწვევს შეჩვევას. მკურნალობისას თავი შეიკავეთ ალკოჰოლის მიღებისა და
(1-2 კვირით) ულტრაიისფერი გამოსხივებისგან.

დოზის გადაჭარბება: თავბრუსხვევა, ტკივილი მუცლის არეში, მოჭერითი ხასიათის ტკივილი გულმკერდში, გუგების გაფართოება, გულისრევა და თავბრუსხვევა, მკურნალობა: კუჭის ამორეცხვა და სიმპტომური
მკურნალობა.
ორსულობა და ლაქტაცია: მხოლოდ ექიმის დანიშნულებითა და მეთვალყურეობით.
გამოყენება პედიატრიაში: 12 წლამდე ასაკის ბავშვებში პრეპარატის უსაფრთხოებისა და ეფექტურობის
კვლევის შესახებ მონაცემები არ არსებობს.
მკურნალობის პერიოდში არ არის რეკომენდებული - ავტომანქანისა და სხვა მექანიზმების მართვა.
გამოშვების ფორმა:
15 კაფსულა ბლისტერზე, 2 ბლისტერი (სულ 30 კაფსულა) მოთავსებულია მუყაოს კოლოფში გამოყენების ინსტრუქციასთან ერთად.
შენახვის წესი:
ინახება 15-30 გრადუს ცელსიუსზე. ბავშვებისთვის მიუწვდომელ ადგილას.
ვარგისიანობა:
3 წელი გამოშვების დღიდან. არ გამოიყენება ვადის გასვლის შემდგომ.
მწარმოებელი:
ალფა ვიტამინს ლაბორატორის ინკ. 1472 ჩრდილო - დასავლური,
78 პრ., დორალ, ფლ. 33126, აშშ, ფარმაცევტული კომპანია ფარმ მედიკა-ს დაკვეთით, ჟენევის მოედ. უოტერფრონტ დრაივ, 3469, როად ტაუნ, ტორტოლა, ბვო.