შემადგენლობა: 100მლ შეიცავს: ექტოინი-2გ, ზღვის მარილი-0,9 გ, გასუფთავებული წყალი-100მლ-მდე. არ შეიცავს კონსერვანტებს.
დანიშნულება: ცხვირის აეროზოლი „აქვა მარის ექტოინი“ ბუნებრივი პრეპარატია, რომელიც ფიზიკურ ბარიერს ქმნის ცხვირის ღრუს ლორწოვან გარსზე ალერგენების მიმაგრების საწინააღმდეგოდ. აქვა მარის ექტოინი იცავს ორგანიზმს ალერგიის განვითარებისგან, ხელს უშლის ალერგიული რინიტის განვითარებას და ხელს უწყობს ალერგენებით დაზიანებული ცხვირის ღრუს ლორწოვანი გარსის აღდგენას. აქვა მარის ექტოინი არ იწვევს შეჩევას. მკურნალობის კურსის ხანგრძლივობა არ არის შეზღუდული.
გამოყენების ჩვენებები: ცხვირის ღრუს ლორწოვანი გარსის დაცვა: მცენარეული მტვრის ნაწილაკებისგან (სეზონური ყვავილობის პერიოდში); საყოფაცხოვრებო ალერგენებისგან (სახლის მტვრის ტკიპა); ცხოველთა ბეწვისგან; ტარაკანებისა და სხვა მწერების ალენგენებისგან; სოკოვანი ალერგენებისგან; საყოფაცხოვრებო ქიმიის, ასევე სხვა უცხო სხეულებისგან, რომლებიც ცხვირის ღრუში შესუნთქულ ჰაერთან ერთად ხვდება. ალერგიული რინიტის სიმპტომური მკურნალობა, ქავილის, ცემინების, სურდოს, ცრემლდენისა და ცხვირით სუნთქვის გაძნელების შესამცირებლად.
უკუჩვენებები: მომატებული მგრძნობელობა პრეპარატის შემდგენლობაში შემავალი კომპონენტების მიმართ. 2 წლამდე ასაკის ბავშვები.
გამოყენების წესი: გამოიყენება ინტრანაზალურად. ბავშვებში 2 წლის ასაკიდან და მოზრდილებში ინიშნება 1-2 შესხურება თითოეულ ნესტოში 3-4-ჯერ დღეში. საჭიროების შემთხვევაში, პრეპარატის გამოყენება დასაშვებია იმ სიხშირით, რაც საჭიროა სასურველი ეფექტის მისაღწევად. 10 წლამდე ასაკის ბავშვებში აეროზოლის გამოყენება უნდა მოხდეს მხოლოდ უფროსების მეთვალყურეობის ქვეშ.
განსაკუთრებული მითითებები: მაქსიმალური პროფილაქტიკური ეფექტის მისაღწევად ცხვირის აეროზოლი „აქვა მარის ექტოინი“ გამოყენებულ უნდა იქნას სავარაუდო ალერგენთან ან სხვა გამღიზიანებელთან კონტაქტამდე 10-15 წუთით ადრე. ცხვირის აეროზოლი „აქვა მარის ექტოინი“ სისტემატურად გამოიყენება ალერგიული რეაქციის გამომწვევი მცენარეების აქტიური ყვავილობისა და დამტვერვის მთელი პერიოდის განმავლობაში. ცხვირის აეროზოლი „აქვა მარის ექტოინის“ გამოყენება რეკომენდებულია ცხვირის ღრუს სანაციის ყოველი პროცედურის შემდეგ (გამოწმენდა, გამორეცხვა).
გამოყენების ინსტრუქცია: პირველი გამოყენების წინ საჭიროა დამცავი ხუფის მოხსნა და გამომფრქვევზე 2-3-ჯერ დაწოლა, ჰაერის გამოსადევნად. დაუშვებელია წვერის მოჭრა. თუ გამოფრქვევის ფუნქცია დარღვეულია (მაგ.: ფლაკონი იდო ჰორიზონტალურ მდგომარეობაში), საჭიროა მისი ვერტიკალურად დაჭერა და უნდა დააწვნენ გამომფრქვევს რამდენჯერმე. ჰიგიენური თვალსაზრისით ცხვირის აეროზოლის „აქვა მარისი ექტოინი“ ყოველი ფლაკონი გამოყენებულ უნდა იქნას ერთი ადამიანის მიერ. ყოველი გამოყენების შემდეგ საჭიროა გამომფრქვევის წვერის გაწმენდა და ხუფის მჭიდროდ მორგება. დასაშვებია გამოყენება ორსულობისა და ლაქტაციის პეიოდში.
შესაძლო გვერდითი მოვლენები: ნებისმიერი გვერდითი მოვლენის განვითარების შეთხვევაში უნდა მიემართოს მკურნალ ექიმს ან ფარმაცევტს. ვარგისიანობის ვადა: 3 წელი. გახსნილი აეროზოლის გამოყენება დასაშვებია გახსნიდან 6 თვის განმავლობაში. არ გამოიყენება ვარგისიანობის ვადის გასვლის შემდე.
შენახვისა და ტრანსპორტირების პირობები: ექსპლუატაცია, შენახვა და ტრანსპორტირება უნდა მოხდეს არაუმეტეს 25C ტემპერატურის პირობებში. სამედიცინო მოწყობილობა ინახება მშრალ, ბავშვებისთვის მიუწვდომელ ადგილას.
გამოშვების ფორმა: 20მლ პლასტმასის ფლაკონში. 1 ფლაკონი გამოყენების ინსტრუქციასთან ერთად მუყაოს კოლოფში.
გამოუყენებელი პრეპარატის განადგურების წესები: ცხვირის აეროზოლი „აქვა მარის ექტოინი“ არ ახდენს უარყოფით გავლენას გარემოზე, ამიტომ, მისი განადგურება განსაკუთრებულ ღონისძიებებს არ საჭიროებს .
აღწერილობა: გამჭვირვალე, უფერო, უსუნო სითხე, ხილული ჩანართების გარეშე.
