საერთაშორისო დასახელება - Meldonium შემადგენლობა ერთი ამპულა შეიცავს: აქტიურ ნივთიერებას: მელდონიუმის დიჰიდრატი – 500,0 მგ; დამხმარე ნივთიერებას: საინექციო წყალი – 5 მლ-მდე. ფარმაკოთერაპიული ჯგეფი სხვა საშუალებები გულის დაავადებების სამკურნალოდ.
გამოყენების ჩვენებები მელდოვინი გამოიყენება კომბინირებული თერაპიის შემადგენლობაში შემდეგ შემთხვევებში: - გულსისხლძარღვთა დაავადებები: დატვირთვის სტაბილური სტენოკარდია, გულის ქრონიკული უკმარისობა (NYHA I-III ფუნქციონალური კლასის), კარდიომიოპათია, გულსისხლძარღვთა სისტემის ფუნქციონალური დარღვევები; - ტვინის სისხლის მიმოქცევის მწვავე და ქრონიკული დარღვევები; - დაქვეითებული შრომისუნარიანობა, ფიზიკური და ფსიქოემოციური გადაღლები; - აღდგენითი პერიოდი ტვინის სისხლის მიმოქცევის დარღვევების, თავის ტრავმებისა და ენცეფალიტის შემდეგ.
გამოყენების წესი და დოზირება მელდოვინი, ხსნარი ინტრავენური და ინტრამუსკულარული შეყვანისთვის. მოზრდილებს ენიშნებათ 0,5-1,0 გ დღე-ღამეში ინტრავენურად, მთლიანი დოზის ერთბაშად შეყვანით ან დაყოფილი 2 მიღებად. დღე-ღამის მაქსიმალური დოზა შეადგენს 1,0 გ, ან ი/მ 500 მგ 1-2-ჯერ დღე-ღამეში, მელდონიუმის შიგნით მიღებაზე შესაძლო შემდგომი გადასვლით. აღგზნებითი ეფექტის განვითარების შესაძლებლობასთან დაკავშირებით, მელდოვინის მიღება რეკომენდებულია დღის პირველ ნახევარში. ხანდაზმული პაციენტებისთვის გამოყენების სპეციალური რეკომენდაციები არ არსებობს. ღვიძლისა და/ან თირკმელების ფუნქციების დარღვევის მქონე ხანდაზმულ პაციენტებს ესაჭიროებათ უფრო დაბალი დოზები. ღვიძლისა და/ან თირკმელების ფუნქციების დარღვევის მქონე პაციენტებს ესაჭიროებათ უფრო დაბალი დოზები. ბავშვებისათვის გამოყენება უკუნაჩვენებია, ვინაიდან არ არსებობს მონაცემები ეფექტურობისა და უსაფრთხოების შესახებ. მკურნალობის ხანგრძლივობას განსაზღვრავს ექიმი.
უკუჩვენებები მომატებული მგრძნობელობა მელდონიუმის მიმართ. თავის ქალასშიდა წნევის მომატება (ვენური გადინების დარღვევებისას, ქალასშიდა სიმსივნეებისას). გამოყენების უსაფრთხოების შესახებ მონაცემთა არარსებობასთან დაკავშირებით: - ღვიძლისა და თირკმლის უკმარისობა; - ორსულობა და ლაქტაცია; - ბავშვთა ასაკი (18 წლამდე).
