ფარმაკოთერაპიული ჯგუფი: არასტეროიდული ანთების საწინააღმდეგო საშუალებები.
ჩვენებები: მსუბუქი ან საშუალო სიმძიმის ტკივილის მოსახსნელად, მათ შორის შაკიკის, ცხელების, ართრიტის, იუვენილური რევმატოიდული ართრიტის, ართროზის, მაანკილოზებელი სპონდილიტის, არა-რევმატოიდული ანთებისა და პირველადი დისმენორეის სამკურნალოდ.
დოზირება და მიღების წესი: მოწოდებულია შიგნით მისაღებად. კუჭის გაღიზიანების შემთხვევაში რეკომენდირებულია პრეპარატის მიღება კვების ან რძის მიღების დროს ან საკვების მიღების შემდგომ დაუყოვნებლივ. იბუპროფენის მიღების ხანგრძლივობას და დოზირებას განსაზღვრავს ექიმი. მნიშვნელოვანია მინიმალური დოზა ტკივილის მოსახსნელად. მოზრდილები: თითო ტაბლეტი ყოველ 6-8 საათში. ზოგჯერ საჭიროა უფრო მაღალი დოზები, მაგრამ დღიური რეკომენდებული დოზა არ უნდა აღემატებოდეს 2400 მგ მოზრდილებისთვის ან 1600 მგ 12-დან 18 წლამდე ასაკის მოზარდებისთვის. ეს პრეპარატი არ არის რეკომენდებული 12 წლამდე ასაკში ან 40 კგ-ზე ნაკლები წონის პოპულაციაში გამოსაყენებლად. თუ პაციენტის ასაკი აღემატება 60 წელს, ექიმის მიერ მოხდება უფრო მცირე დოზის დანიშვნა. პაციენტები თირკმლის ან ღვიძლის დაავადებებით: ექიმის მიერ შეირჩევა უმცირესი დოზა. თუ პაციენტი გრძნობს, რომ ამ პრეპარატის ეფექტი ძალიან ძლიერი ან ძალიან სუსტია, უნდა მოხდეს ექიმთან დაკავშირება.
უკუჩვენებები: მომატებული მგრძნობელობა იბუპროფენის ან ნებისმიერი არასტეროიდული ანთების საწინააღმდეგო საშუალების, ასპირინის ან პრეპარატის შემადგენელი ნებისმიერი ინგრედიენტის მიმართ. ღვიძლის ან თირკმლის მძიმე დაავადება, პეპტიური წყლული, კუჭიდან ან 12-გოჯა ნაწლავიდან სისხლდენა, ან წარსულში კუჭ-ნაწლავის ტრაქტის პერფორაცია. სისხლიანი პირღებინება, ფაღარათი სისხლის მინარევით განავალში ან შავი განავლოვანი მასებით. სისხლის შედედების დარღვევები ან სისხლმდენი დაავადება ანამნეზში, ანტიკოაგულანტებთან ერთად მიღება. მძიმე გულის უკმარისობა. ორსულობის ბოლო სამი თვე.
შენახვის პირობები: ინახება ბავშვებისთვის მიუწვდომელ ადგილას. არ საჭიროებს შენახვისთვის განსაკუთრებული პირობების დაცვას.
