საერთაშორისო დასახელება - benzocaine, cetylpyridinium chloride
კლინიკურ-ფარმაკოლოგიური ჯგუფი: ანტისეპტიკური საშუალებები → ანტისეპტიკური საშუალებები ადგილობრივი გამოყენებისათვის
შემადგენლობა:
1 ტაბლეტი შეიცავს: 5მგ ბენზოკაინი (Benzocainum) და 1მგ ცეტილპირიდინის ქლორიდი (Cetylpiridini chloridum)
ამხმარე ნივთიერებდები: ბაღის პიტნის ეთერზეთი, ლევომენთოლი, თხევადი მალტიტი, მანიტი, გლიცერინი, აბუსალათინის ზეთი, მაგნიუმის სტეარატი, უწყლო კოლოიდური სილიკაგელი, პოვიდონი, კაპოლი 600, ტიტანის დიოქსიდი (E171), საღებავი (E131)
აღწერილობა: მრგვალი, ორმხრივამოზნექილი, გლუვზედაპირიანი, ცისფერი გარსით დაფარული ტაბლეტები.

ფარმაკოთერაპიული ჯგუფი
კომბინირებული ანტისეპტიკური საშუალება.

ფარმაკოლოგიური მოქმედება
პრეპარატ სეპტოლეტეს გააჩნია ადგილობრივი ტკივილგამაყუჩებელი და ანტიმიკრობული მოქმედება. შეიცავს ანტისეპტიკურ საშუალება ცეტილპირიდინის ქლორიდს, რომელსაც გააჩნია ანტიმიკრობული, სოკოს საწინააღმდეგო და ვირულიციდური მოქმედება. ბენზოკაინი წარმოადგენს ადგილობრივ საანესთეზიო საშუალებას, ის ამცირებს ყელის ტკივილს და ტკივილს ყლაპვისას, რომელიც ხშირად თან ახლავს პირის ღრუს და ყელის ინფექციურ-ანთებით პროცესებს.
პრეპარატი სეპტლეტე შეიცავს პოლიოლებს (მალტიტი, მანიტი), არ შეიცავს შაქარს, რაც საშუალებას იძლევა რომ პრეპარატი გამოიყენონ შაქრიანი დიაბეტით დაავდებულმა ავადმყოფებმა. უშაქრო გარემო აძლიერებს ანტისეპტიკის აქტიურობას.

მიღების ჩევენება
პირის ღრუს და ყელის ინფექციურ-ანთებით პროცესები:
• ფარინგიტი, ლარინგიტი, ანგინის საწყისი სტადია
• ღრძილების და პირის ღრუს ლორწოვანი გარსის ანთება ანთება (გინგივიტი, სტომატიტი)

უკუჩვენება
მომატებული მგრძნობელობა პრეპარატის რომელიმე კომპონენტის მიმართ.
ბავშვთა ასაკი 6 წლამდე.

გამოყენების წესები და დოზები
მოზრდილები და 12 წელზე უფროსი ასაკის ბავშვები: რეკომენდებულია 1-2 ტაბლეტის მოწუწნვა ყოველ 2-3 საათში ერთხელ, მაგრამ არაუმეტეს 8 ტაბლეტი დღე-ღამეში.
6-დან 12 წლამდე ასაკის ბავშვები: რეკომენდებულია 1 ტაბლეტის მოწუწნვა ყოველ 4 საათში ერთხელ, მაგრამ არაუმეტეს 4 ტაბლეტი დღე-ღამეში.
სეპტოლეტე პლუსი არ გამოიყენება უშუალოდ საკვების მიღების წინ და ასევე რძესთან ერთად.

გვერდითი ეფექტები
სეპტოლეტე® პლუსის რეკომენდებული დოზებით მიღებისას, გერდითი ეფექტები შეიმჩნევა ძალიან იშვიათად. შესაძლებელია ალერგიული რეაქციები, დარღვევევბი საჭმლის მომნელებელი სისტემის მხრივ (გულისრევა, ღებინება, დიარეა), რომელთა გამოვლენის შემთხვევაში, საჭიროა პრეპარატის მიღების შეწყვეტა.
პრეპარატი შეიცავს პოლიოლებს (მალტიტი, მანიტი), რომლებსაც დიდ დოზებში შეუძლიათ დიარეის გამოწვევა, განსაკუთრებით ბავშვებში.

დოზის გადაჭარბება
ერთ ტაბლეტში შემავალი აქტიური ნივთიერებების რაოდენობის გათვალისწინებით, ჭარბი დოზირების შესაძლებლობა მინიმალურია. რეკომენდებულზე ჭარბი დოზების მიღებამ შეიძლება გამოიწვიოს დარღვევევბი საჭმლის მომნელებელი სისტემის მხრივ, გულისრევა, ღებინება, დიარეა. ასეთ შემთხვევაში, საჭიროა პრეპარატის მიღების შეწყვეტა და ექიმის კონსულტაცია.

ურთიერთმოქმედება:
სეპტოლეტე®პლუსის და სხვა სამკურნალო საშუალებების ურთიერთქმედება აღწერილი არ არის. სეპტოლეტე პლუსის ერდროულმა მიღებამ საკვებთან და რძესთან შეიძლება შეამციროს პრეპარატის ადგილობრივი ანტისეპტიკური და საანესთზიო ეფექტები.

განსაკუთებული მითითებები
შაქიანი დიაბეტით დაავადებულებმა უნდა იცოდენ, რომ თითოეული ტაბლეტი შეიცავს დაახლოებით 1გ მალტიტს, მისი მეტაბოლიზმისათვის საჭიროა ინსულინი, მაგრამ ნელი ჰიდროლიზის და საჭმლის მომნელებელ ტრაქტში ნელი შეწოვის გამო, მალტიტი უმნიშვნელო ზეგავლენას ახენს პლაზმაში გლუკოზის კონცენტრაციაზე.

ორსულობა და ლაქტაცია
ორსული და ლაქტაციის პერიოდში მყოფმა ქალებმა სეპტოლეტე პლუსი შეიძლება მიიღონ მხოლოდ ექიმის რეკომენდაციით

გავლენა სატრანსპორტო საშუალებების და მექანიზმების მართვაზე
მონაცემები, პრეპარატი სეპტოლეტე პლუსის გავლენაზე ფსიქოფიზიკურ შესაძლებლობებზე არ არსებობს.

გამოშვების ფორმა
10 მოსაწუწნი ტაბლეტი ბლისტერში, შეფუთვაში 3 ბლისტერი.

შენახვის პირობები
სინათლისაგან და ნესტისგან დაცულ ადგილას, არაუმეტეს 25რC ტემპერატურაზე.
აუცილებელია პრეპარატის შენახვა ბავშვებისთვის მიუწვდომელ ადგილას.