აზიტრო დენკი ტაბლეტი 500მგ #3

აზიტრო დენკი ტაბლეტი 500მგ

შემადგენლობა:

​1 შემოგარსული ტაბლეტი შეიცავს 500მგ აზიტრომიცინს (აზიტრომიცინ მონოჰიდრატის სახით).
ტაბლეტის ბირთვი: კალციუმის ჰიდროფოსფატი, მიკროკრისტალური ცელულოზა, ჰიპრომელოზა, ნატრიუმის დოდეცილსულფატი, ნატრიუმის კარბოქსიმეთლ სტარჩ,
(ტიპი A) (Ph. Eur), ნატრიუმის სტეარილფუმარატი (Ph. Eur)
შემომგარსველი ნივთიერება: ჰიპრომელოზა, მაკროგოლ 6000, ტალკი, ტიტანის დიოქსიდი (E 171).

ჩვენება:

აზიტრომიცინ დენკი გამოიყენება აზტირომიცინისადმი მგრძნობიარე პათოგენების მიერ გამოწვეული შემდეგი სახის ინფექციების დროს:

• ზედა სასუნთქი გზების ინფექციები, მათ შორის სინუსების (სინუსიტი), ხახისა (ფარინგიტი) და სასის ნუშურების ანთება (ტონზილიტი).
  
• ქვედა სასუნთქი გზების ინფექციები, მათ შორის ბრონქიტი და პნევმონია.
  
• შუა ყურის ანთება (მწვავე ოტიტი).
  
• კანისა და რბილი ქსოვილების ინფექციები.
  
• Chlamydia trachomatis ან Neisseria gonorrhoeae-ის მიერ გამოწვეული გაურთულებელი გენიტალური ინფექციები (არა მულტი-რეზისტენტული შტამები).
  

აზიტრომიცინ დენკის დანიშვნა და მიღება ხდება ანტიბაქტერიული საშუალებების გამოყენებასთან დაკავშირებული ყველა სათანადო რეკომენდაციის გათვალისწინებით.

მიღების წესი:

ეს მედიკამენტი ყოველთვის მიიღება ექიმის დანიშნულების ზუსტი დაცვით. ეჭვებისა და კითხვების არსებობის შემთხვევაში უნდა მიემართოს ექიმს ან ფარმაცევტს.
თუ არ არსებობს განსხვავებული მითითება, ზოგადი დოზა შემდეგია:

მოზრდილებისა მოზარდთათვის, სხეულის წონით 45კგ:
ზემო და ქვედა სასუნთქი გზების ინფექციების, შუა ყურის ანთების (ოტიტი), კანისა და რბილი ქსოვილის ინფექციის შემთხვევაში სამკურანლო ჯამური დოზა შეადგენს 1,5გ აზიტრომიცინს, რომელიც შეიძლება განაწილდეს მკურნალობის 3 ან 5დღიან რეჟიმზე.

3დღიანი რეჟიმი:
მიიღეთ 1აბი (500მგ აზიტრომიცინი) 1ჯერ დღეში, 3დღის განმავლობაში.

5დღიანი რეჟიმი:
ალტერნატიულად შეიძლება ჩატარდეს მკურნალობის 5 დღიანი კურსი, რა დროსაც პირველ დღეს ინიშნება 1აბი (500მგ აზიტრომიცინი) 1 მიღებაზე და შემდგომი 4 დღის განმავლობაში 1/2 აბი (250მგ აზიტრომიცინი) დღეში 1ჯერ.

დოზირება გაურთულებელი გენიტალური ინფექციების დროს:

• Chlamydia trachomatis - რეკომენდებულ ტოტალურ დოზას წარმოადგენს ერთჯერადად მიღებული1000მგ აზიტრომიცინი.
• Neisseria gonorrhoeae - რეკომენდებულ დოზას წარმოადგენს 1000მგ ან 2000მგ აზიტრომიცინი, 250მგ ან 500მგ ცეფტრიაქსონთან ერთად კომბინაციაში, ადგილობრივ კლინიკურ გაიდლაინებზე დაყრდნობით. თუ ხართ ალერგიული პენიცილინებსა და/ან ცეფალოსპორინებზე, მკურნალმა ექიმმა უნდა განსაზღვროს მკურნალობის ტაქტიკა ლოკალურ გაიდლაინებზე დაყრდნობით.~

ორსულობა და ლაქტაცია:

თუ პაციენტი არის ორსულად ან ლაქტაციის პერიოდში, ეჭვობს ორსულობის შესახებ ან გეგმავს ახლო მომავალში ორსულობას, მედიკამენტის მიღებამდე კონსულტაციისათვის უნდა მიემართოს მკურნალ ექიმს ან ფარმაცევტს.

ორსულობა:
კვლავ არ არსებობს საკმარისი გამოცდილება ორსულებში აზიტრომიცინის (აზიტრომიცინ დენკის აქტიური ნივთიერება) გამოყენების უსაფრთხოების შესახებ. სიფრთხილის მიზნით, აღნიშნული მედიკამენტით ორსულთა მკურნალობა უნდა მოხდეს მხოლოდ გამონაკლის შემთხვევებში. კონკრეტული შემთხვევის უნიკალურობის შესახებ გადაწყვეტილებას იღებს მხოლოდ მკურნალი ექიმი.

ლაქტაცია:
აზიტრომიცინი გადადის დედის რძეში. არ არსებობს სარწმუნო ცნობები ახალშობილთათვის აზიტრომიცინის უსაფრთხოების შესახებ, სწორედ ამიტომ მოცემული მედიკამენტით მკურნალობის პერიოდში დაუშვებელია ახალშობილის დედის რძით კვება. სხვა გამოვლინებებთან ერთად, აზიტრომიცინის გავლენით მოსალოდნელია ახალშობილთა სენსიტიზაცია, ნაწლავური ფლორის დარღვევა და სოკოვანი კოლონიზაცია. რეკომენდებულია რძის გამოწველვა და გადაღვრა მკურნალობის პერიოდსა და მკურნალობის დამთავრებიდან 2 დღის განმავლობაში. ამის შემდეგ შესაძლებელია ძუძუთი კვების განახლება.
ავტომობილისა და სხვა დანადგარების მართვა

წარსულში დაგროვილ გამოცდილებაზე დაყრდნობით, აზიტრომიცინი გავლენას არ ახდენს კონცენტრირებისა და სწრაფი რეაგირების უნარზე. თუმცა გარკვეული სახის გვერდითი მოვლენების განვითარებამ შესაძლოა გავლენა მოახდინოს ავტომობილისა და სხვა დანადგარების მართვის უნარზე.

​შენახვის პირობები:

მედიკამენტი ინახება ბავშვებისთვის ხელმიუწვდომელ ადგილზე.
მედიკამენტი არ მიიღება შეფუთვაზე მითითებული ვარგისიანობის ვადის ამოწურვის შემდეგ. ვადა ამოწურულად ითვლება მითითებული თვის ბოლო დღეს.
მოცემული მედიკამენტი არ საჭიროებს შენახვის განსაკუთრებულ პირობებს.