შემადგენლობა: 1 ტაბლეტი შეიცავს: აქტიური ნივთიერება–ივაბრადინის ჰიდროქლორიდს
გამოყენების ჩვენებები: ქრონიკული სტაბილური სტენოკარდიის სიმპტომური მკურნალობა. ივაბრადინი გამოიყენება ქრონიკული სტაბილური სტენოკარდიის სიმპტომური მკურნალობისთვის, ნორმალური სინუსური რიტმის და გულის შეკუმშვათა სიხშირე მეტი ან ტოლი 70 წუთში მქონე მოზრდილებში. ივაბრადინი უნდა დაინიშნოს: ბეტა-ადრენობლოკატორების აუტანლობის ან გამოყენებისადმი უკუჩვენებების არსებობის შემთხვევაში მოზრდილებში; ბეტა-ადრენობლოკატორებთან კომბინაცისას, არასაკმარისი კონტროლის ქვეშ მყოფ პაციენტებში ბეტა-ადრენობლოკატორის ოპტიმალური დოზის ფონზე. გულის ქრონიკული უკმარისობის მკურნალობა. ივაბრადინი გამოიყენება გულის ქრონიკული უკმარისობისას (II-IV ფუნქციური კლასი NYHA კლასიფიკაციის მიხედვით) სისტოლური დისფუნქციის მქონე პაციენტებში, სინუსური რიტმით და გულის შეკუმშვათა სიხშირით მეტი ან ტოლი 75 წუთში, სტანდარტულ თერაპიასთან კომბინაციაში, რომელიც მოიცავს თერაპიას ბეტა-ადრენობლოკატორების გამოყენებით, ან ბეტა-ადრენობლოკატორების გამოყენებისადმი უკუჩვენებების, აგრეთვე მათი აუტანლობის დროს.

უკუჩვენებები: მომატებული მგრძნობელობა პრეპარატის აქტიური ნივთიერების ან რომელიმე დამხმარე ნივთიერების მიმართ; გულის შეკუმშვათა სიხშირე მშვიდ მდგომარეობაში მკურნალობის დაწყებამდე შეადგენს არანაკლებ 70 დარტყმას წუთში; კარდიოგენური შოკი; მიოკარდიუმის მწვავე ინფარქტი; მძიმე არტერიული ჰიპოტენზია (ნაკლები 90-50 მმ ვერცხლისწყლის სვეტის); ღვიძლის მძიმე უკმარისობა; სინუსური კვანძის სისუსტის სინდრომი; სინოატრიალური ბლოკადა; არასტაბილური ან გულის მწვავე უკმარისობა; პაციენტს უდგას რიტმის ხელოვნური წამყვანი (გულის შეკუმშვათა სიხშირე რეგულირდება მხოლოდ და მხოლოდ კარდიოსტიმულატორის დახმარებით); არასტაბილური სტენოკარდია; III ხარისხის AB ბლოკადა; ციტოქრომ P450 3A4-ის ძლიერ ინჰიბიტორებთან ერთდროული გამოყენება, როგორებიცაა, აზოლების ჯგუფის სოკოს საწინააღმდეგო საშუალებები (კეტოკონაზოლი, იტრაკონაზოლი), მაკროლიდების ჯგუფის ანტიბიოტიკებთან (კლარიტრომიცინი, ერითრომიცინი შიგნით მისაღები, ჯოზამიცინი, ტელიტრომიცინი), აივ-პროტეაზას ინჰიბიტორები (ნელფინავირი, რიტონავირი) და ნეფაზოდონი; ერთდროული გამოყენება ვერაპამილთან ან დილთიაზემთან, რომლებიც CYR3A4-ის ზომიერ ინჰიბიტორებს წარმოადგენენ და გააჩნიათ გულის შეკუმშვათა სიხშირის შემცირების თვისებება; ორსულობა, ლაქტაცია და რეპროდუქციული ასაკის ქალები, რომლებიც არ იყენებენ კონტრაცეპციის სათანადო მეთოდებს.

გამოყენების წესი და დოზირება: ტაბლეტები მიიღება შიგნით დღეში ორჯერ, ანუ დილა-საღამოს საკვების მიღების დროს.
ბავშვთა და მოზარდთა ასაკის პაციენტები: 18 წლამდე ასაკის ბავშვებში გულის ქრონიკული უკმარისობის მკურნალობისას ივაბრადინის უსაფრთხოება და ეფექტურობა დადგენილი არ არის.
ორსულობა და ლაქტაცია: თუ პაციენტი არის ორსულად ან ლაქტაციის პერიოდში, ან ფიქრობთ, რომ შეიძლება იყოს ორსულად ან გეგმავს ორსულობას, აღნიშნული წამლის მიღებამდე კონსულტაცია უნდა გაიაროს ექიმთან.

შენახვის პირობები: არ საჭიროებს შენახვის სპეციალურ პირობებს. ინახება ბავშვებისთვის მიუწვდომელ ადგილას. არ გამოიყენება შეფუთვაზე მითითებული ვარგისიანობის ვადის გასვლის შემდეგ.

გაცემის პირობები: ფარმაცევტული პროდუქტის ჯგუფი–II (გამოიყენება ექიმის დანიშნულებისამებრ).