ყველა კატეგორია
არასტეროიდული ანთების საწინააღმდეგო და ტკივილგამაყუჩებელი საშუალება – მწვავე ტკივილის შესამსუბუქებლად.
დექსკეტოპროფენის ტრომეტამოლი.
არასტეროიდული ანთების საწინააღმდეგო საშუალებები; პროპიონის მჟავას წარმოებული პრეპარატები გამოხატული ანალგეზიური ეფექტით.
გამოიყენება მსუბუქიდან საშუალო სიმძიმის მწვავე ტკივილის სიმპტომური მკურნალობისთვის ხანმოკლე კურსით, მაგალითად, კუნთების ან სახსრების მწვავე ტკივილის, მენსტრუაციის დროს ტკივილის (ალგომენორეის), კბილის ტკივილის დროს.
ყოველთვის მიიღება ექიმის მითითებით. რეკომენდირებულია თითო ტაბლეტის მიღება ყოველ 8 საათში, არაუმეტეს 3 ტაბლეტისა დღეში. ხანდაზმულებში ან პაციენტებში თირკმლის ან ღვიძლის დაავადებებით, დოზირება შეადგენს არაუმეტეს 2 ტაბლეტისა დღეში. ხანდაზმულებში კარგი ამტანობის შემთხვევაში შეიძლება დოზის გაზრდა 3 ტაბლეტამდე დღეში.
ალერგია დექსკეტოპროფენის ტრომეტამოლის ან პრეპარატის სხვა კომპონენტების მიმართ; ალერგია აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიმართ; ასპირინის ან სხვა არასტეროიდული ანთების საწინააღმდეგო საშუალებების მიღების შემდეგ გამოვლენილი ასთმის შეტევები, მწვავე ალერგიული რინიტი, ცხვირის პოლიპები, ჭინჭრის ციება, ანგიონევროზული შეშუპება ან ხიხინი გულმკერდის არეში; სინათლის მიმართ მომატებული მგრძნობელობა წარსულში კეტოპროფენის ან ფიბრატების მიღები ფონზე. წყლულოვანი დაავადება, სისხლდენა კუჭიდან ან ნაწლავებიდან ან საჭმლის მონელების ქრონიკული დარღვევა; ტკივილის გამო მიღებისას კუჭ-ნაწლავის ტრაქტიდან განვითარებული სისხლდენა ან პერფორაცია; ანთებითი ხასიათის ნაწლავების ქრონიკული დაავადება, როგორიცაა კრონის დაავადება ან არასპეციფიკური წყლულოვანი კოლიტი; გულის გამოხატული უკმარისობა, თირკმლების ფუნქციის საშუალო ან მძიმე ხარისხის დარღვევა ან ღვიძლის ფუნქციის მძიმე ხარისხის დარღვევა; მომატებული სისხლდენების რისკი ან სისხლის შედედების დარღვევა; ძლიერი გაუწყლოება ღებინების, ფაღარათის ან არასაკმარისი სითხის მიღების გამო; ორსულობის მესამე ტრიმესტრი ან ძუძუთი კვება; 18 წლამდე ასაკი.
ორსულობის მესამე ტრიმესტრში და ძუძუთი კვების დროს პრეპარატის მიღება უკუნაჩვენებია. არ არის რეკომენდირებული პრეპარატის მიღება ორსულობის I და II ტრიმესტრში.
ინახება არაუმეტეს 30°C ტემპერატურაზე, ბავშვებისთვის მიუწვდომელ ადგილას.
რეცეპტის გარეშე.
