ბენტრიზოლი-ჰუმანითი ი/მ სუსპენზია საინექციო (2მგ+5მგ)1მლ ამპულა #5

21 ლარი
გენერიული დასახელება: ბეტამეტაზონი ნატრიუმის ფოსფატი+ბეტამეტაზონის დიპროპიონატი მწარმოებელი ქვეყანა: ინდოეთი მწარმოებელი: ბდრ ფარმაცეუტიკალსი გაცემის რეჟიმი: რეცეპტული შეიძინე უფრო ნაკლებ ფასად ფასდაკლების დღეებში და ზღარბი ბარათით

ბენტრიზოლი-ჰუმანითი შემადგენლობა: თითოეული მლ აქტიური ნივთიერების სახით შეიცავს: 2 მგ ბეტამეტაზონის ექვივალენტური ბეტამეტაზონის ნატრიუმის ფოსფატი, 5 მგ ბეტამეტაზონის ექვივალენტური ბეტამეტაზონის დიპროპიონატი. დამხმარე ნივთიერებები: ბენზილის სპირტი 9 მგ, მეთილ პარაბენი 1,8 მგ, პროპილპარაბენი 0,2 მგ, დამხმარე ნივთირებები ქ.ს. ფარმაკოთერაპიული ჯგუფი: სისტემური გამოყენების კორტიკოსტეროიდები, გლუკოკორტიკოიდები. ჩვენებები: რევმატოიდული ართრიტი, ოსტეოართრიტი, ბურსიტი, მაანკილოზებელი სპონდილიტი, ეპიკონდილიტი, რადიკულიტი, კოკციგოდინია, რადიკულიტი, ლუმბაგო, ჰიგრომა, ეგზოსტოზები, ფასციიტი. ქრონიკული ბრონქული ასთმა, თივის ცხელება, ანგიონევროზული შეშუპება, ალერგიული ბრონქიტი, სეზონური ან მრავალწლიანი ალერგიული რინიტი, რეაქციები პრეპარატის მიმართ, შრატისმიერი დაავადება, მწერის ნაკბენი. ატოპიური დერმატიტი, ნეიროდერმიტი, ალოპეცია, დისკიოიდური წითელი მგლურა, ფსორიაზი, ჰერპესის მაგვარი დერმატიტი, ჭინჭრის ციება, ჰიპერტროფიული ლიქენები, კონტაქტური დერმატიტი, მზის მძიმე დერმატიტი , კისტოზური აკნე. გავრცელებულ წითელი მგლურა, სკლეროდერმია, დერმატომიოზიტი, კვანძოვანი პოლიართრიტი. ლეიკემიის და ლიმფომის პალიატიური მართვა მოზრდილებში; მწვავე ლეიკემია ბავშვებში. დოზირება და მიღების წესი: ბეტამეტაზონი რეკომენდებულია კუნთშიდა, სახსარშიდა, სახსრის ირგვლივ, სინოვიალურ სივრცეში, ქსოვილში და დაზიანებულ კერაში ინექციისთვის. პრეპარატი არ არის განკუთვნილი ინტრავენური და კანქვეშა ინექციისთვის. ბეტამეტაზონის ინექცია მიიღება მკაცრად ასეპტიური პირობების დაცვით. დოზის შერჩევა უნდა მოხდეს ინდივიდუალურად დაავადების სპეციფიკის, სიმწვავისა და პაციენტის მდგომარეობის მიხედვით ექიმის მიერ. მკურნალობის დაწყება უპირატესად ხდება 1-2 მლ-ით. დოზის გამეორება შესაძლებელია საჭიროების მიხედვით. მწვავე მდგომარეობების დროს, გადაუდებელი მკურნალობის საჭიროებისას, პრეპარატის საწყის დოზას შეადგენს 2 მლ. იმ შემთხვევაში, თუ არ ხდება კლინიკურად დამაკმაყოფლებელი ეფექტის მიღწევა, უნდა შეწყდეს ბეტამეტაზონის სუსპენზიის გამოყენება და დაინიშნოს სხვა სათანადო მკურნალობა. თუ აუცილებელია პრეპარატის სხვა ადგილობრივი საანესთეზიოს საშუალებასთან ერთად გამოყენება, ბეტამეტაზონის სუსპენზიის შერევა შესაძლებელია შპრიცში 1% ან 2% პროკაინის ჰიდროქლორიდთან ან ლიდოკაინთან. დაუშვებელია ადგილობრივი საანესთეზიო საშუალების გამოყენება, რომლებიც შეიცავენ მეთილპარაბენს, პროპილპარაბენს, ფენოლს. სახსარშიდა ინექციისთვის რეკომენდებული დოზებია: დიდი ზომის სახსრებში 1-2 მლ; საშუალო ზომის სახსრებში 0.5-1 მლ; მცირე ზომის სახსრებში 0.25 - 0.5 მლ. ხანგრძლივი მკურნალობის შემდეგ, პრეპარატის მიღების შეწყვეტის აუცილებლობისას, დოზა უნდა შემცირდეს თანდათანობით. გვერდითი მოვლენები: ნატრიუმის დონის მომატება, კალიუმის, კალციუმის დონის შემცირება, ჰიპოკალემიური ალკალოზი, სითხის შეკავება ქსოვილებში, გაცხიმოვნება, სხეულის წონის მომატება. გულის შეგუბებითი უკმარისობის მქონე პაციენტებში მომატებული არტერიული წნევა. კუნთების სისუსტე, კუნთების მასის დაკარგვა, მიასთენიური სიმპტომების მომატება, ოსტეოპოროზი, ხერხემლის კომპრესიული მოტეხილობა, ასეპტიური ნეკროზი ბარძაყის და მხრის არეში, გრძელი ძვლების, მყესის, სახსრების პათოლოგიური მოტეხილობა. კუჭ-ნაწლავის ტრაქტის ეროზიულ-წყლულოვანი დაზიანებები გართულებებით, პანკრეატიტი, შებერილობა, სლოკინი. ჭრილობის შეხორცების დარღვევა, კანის განლევა და შეთხელება, სისხლჩაქცევები, ეკქიმოზი, ოფლიანობა, დერმატიტი, სტეროიდული აკნე, სტრიები, სოკოვანი ინფექციებისა და პიოდერმიის განვითარება, კანის ტესტირების დროს მგრძნობელობის შემცირება. კრუნჩხვები, ქალაშიდა წნევის მომატება, მხედველობის ნერვის დისკის შეშუპება, თავბრუსხვევა, თავის ტკივილი, ეიფორია, განწყობის ცვლილებები, დეპრესია, პიროვნების დარღვევები, გაღიზიანება, უძილობა. მენსტრუალური დარღვევები, თირკმელზედა ჯირკვლის უკმარისობა, კუშინგის სინდრომი, ნახშირწყლების ტოლერანტობის შემცირება, სტეროიდოგენული დიაბეტის ან ლატენტური შაქრიანი დიაბეტის გამოვლინება, ინსულინისიდამი მოთხოვნის გაზრდა, ნაყოფის ზრდის დარღვევა, ბავშვებში შენელებული ზრდა და პუბერტატული განვითარება. უკანა სუბკაფსულარული კატარაქტა, მომატებული თვალშიდა წნევა, გლაუკომა, ექსოფტალმოზი; იშვიათ შემთხვევებში - სიბრმავე. ანაფილაქსიური რეაქციები, კოლაფსი, ანგიონევროზული შეშუპება, არტერიული წნევის დაქვეითება. კანის პიგმენტაციის მომატება ან დაქვეითება, კანქვეშა ქსოვილის ან კანის განვლევა, ასეპტიკური აბსცესი. სახის გაწითლება ინექციის შემდეგ, ნეიროგენული ართროპათია. უკუჩვენებები: სოკოვანი ინფექციები, ბეტამეტაზონის დიპროპიონატის, ბეტამეტაზონის ნატრიუმის ფოსფატის, სხვა კორტიკოსტეროიდების ან პროდუქტის რომელიმე კომპონენტის მიმართ მომატებული მგრძნობელობა. ბეტამეტაზონის სუსპენზია არ კეთდება კუნთში, თუ პაციენტს აღენიშნება იდიოპათიური თრომბოციტოპენიური პურპურა. ურთიერთქმედება სხვა პრეპარატებთან: ფენობარბიტალურ საშუალებებთან, რიფამპიცინთან, ფენიტოინთან ან ეფედრინთან ერთად მიღებისას შესაძლებელია ბეტამეტაზონის მეტაბოლიზმის გაზრდა. ბეტამეტაზონის გამოყენებამ არაპირდაპირ ანტიკოპაგულანტებთან - ანტიკოაგულაციური ეფექტის მომატება ან შემცირება. დიურეზულ საშუალებებთან ერთად - კალიუმის დონის შემამცირებელი ეფექტის მომატება. ბეტამეტაზონმა შესაძლებელია გაზარდოს ამფოტერიცინ B მიზეზით გამოწვეული კალიუმის დანაკარგი. ესტროგენთან - კორტიკოსტეროიდული ეფექტის გაძლიერება. საგულე გლიკოზიდებთან - არითმიის განვითარების რისკის მატება. არასტეროიდეული ანთების სააწინააღმდეგო საშუალებები ან ალკოჰოლი - კუჭ-ნაწლავის წყლულოვანი დაავადების მიმდინარეობის გამწვავება. სომატროპინთან - მის მიმართ პასუხის დათრგუნვა. განსაკუთრებული მითითებები: დაუშვებელია ბეტამეტაზონის ინექცია სპინალურ არხში ან თვალის კონიუნქტივის ქვეშ. პრეპარატის დიდი დოზების ბეტამეტაზონის გამოყენება სიფრთხილით უნდა მოხდეს გულის შეგუბებითი უკმარისობის მქონე პაციენტებში, ასევე პაციენტებში ჰიპერტენზიით, შაქრიანი დიაბეტით, ქრონიკული თირკმლის უკმარისობით, ურემიით და ხანდაზმულებში. ბავშვებში ბეტამეტაზონის გამოყენება უნდა მოხდეს მკაცრად სამედიცინო მეთვალყურეობის ქვეშ, გვერდითი ეფექტების განვითარების გამო. ორსულობა და ლაქტაცია: არ გამოიყენება ორსულობის პერიოდში ექიმის დანიშნულების გარეშე. ძუძუთი კვების პერიოდში პრეპარატის მიღების აუცილებლობის შემთხვევაში უნდა შეწყდეს ლაქტაცია. ჭარბი დოზირება: ჭარბი დოზირების შემთხვევაში საჭიროა პაციენტის სათანადო მონიტორინგი. აუცილებელია სითხის ოპტიმალური რაოდენობით მიწოდება და წყალ-ელექტროლიტების კონტროლი სისხლსა და შარდში, განსაკუთრებით ნატრიუმის და კალიუმის შემცველობის კონტროლი. გარეგნული სახე და შეფუთვა: 1 მლ ამპულები. #5 ამპულა გამოყენების ისნტრუქციასთან ერთად მოთავსებულია მონომუყაოს კოლოფში. შენახვის პირობები: ინახება არაუმეტეს 25C ტემპერატურაზე, სინათლისაგან დაცულ და ბავშვებისათვის მიუწვდომელ ადგილზე. ვარგისიანობის ვადა: 24 თვე. აფთიაქიდან გაცემის პირობები: რეცეპტით. მწარმოებელი: ბდრ ფარმაცეუტიკალს ინტერნეშნალ პვტ. ლტდ., ინდოეთი. სარეგისტრაციო სერთიფიკატის მფლობელი: სს „ჰუმანითი ჯორჯია“, საქართველო.

მსგავსი პროდუქტები