საერთაშორისო დასახელება - losartan, hydrochlorothiazide
კლინიკურ-ფარმაკოლოგიური ჯგუფი: გულ-სისხლძარღვთა სისტემა → ანტიჰიპერტენზიული საშუალებები → კომბინირებული მოქმედების საშუალებები → ანგიოტენზინ II რეცეპტორების ანტაგონისტის და დიურეზული საშუალებების შემცველი პრეპარატები

შემადგენლობა
1 შემოგარსული ტაბლეტი შეიცავს:
ბირთვი
აქტიური ნივთიერებები:
კალიუმის ლოზარტანი – 100,00 მგ
ჰიდროქლორთიაზიდი - 12.5 მგ
დამხმარე საშუალებები:
პრეჟელატინიზებული სახამებელი, მიკროკრისტალური ცელულოზა, ლაქტოზას მონოჰიდრატი, მაგნიუმის სტეარატი
გარსი: ჰიპრომელოზა, მაკროგოლი 4000, ტიტანის დიოქსიდი E171, ტალკი
აღწერა
ოვალური, ორმხრივ ამობურცული, თეთრი ფერის შემოგარსული ტაბლეტები.

ფარმაკოთერაპიული ჯგუფი:
ჰიპოტენზიური კომბინირებული საშუალება
(ანგიოტენზინ II რეცეპტორების ბლოკატორი+დიურეტიკი)
გამოყენების ჩვენებები
• არტერიული ჰიპერტენზია (პაციენტებისათვის, რომლებისთვისაც ნაჩვენებია კომბინირებული თერაპია).

გამოყენების წესი და დოზები
მიიღება შიგნით, საკვების მიღების მიუხედავად.
ამ პრეპარატის შეთავსება შეიძლება სხვა ანტიჰიპერტენზიულ საშუალებებთან ერთად. პრეპარატი მიიღება წყლის მიყოლებით.
პრეპარატის მიღება შეიძლება საკვებთან ერთად ან უზმოზე.
არტერიული ჰიპერტენზია
პრეპარატის საწყისი და შემანარჩუნებელი დოზა არის 1 ტაბლეტი (100/12.5მგ) 1-ჯერ დღე-ღამეში. როგორც წესი, პრეპარატი ინიშნება პრეპარატის ლორისტა H (50/12.5მგ) ადექვატური თერაპიული ეფექტის არარსებობისას. მაქსიმალური ანტიჰიპერტენზიული ეფექტი მიიღწევა თერაპიის სამ-ოთხ კვირაში. მაქსიმალური სადღეღამისო დოზა – პრეპარატის ლორისტა H100 1 ტაბლეტი.
ხანდაზმულ პაციენტებში, თირკმლის ზომიერი უკმარისობის მქონე პაციენტებში (კრეატინინი კლირენსი 30-50 მლ/წთ), მათ შორის დიალიზზე მყოფ პაციენტებში საჭირო არ არის საწყისი დოზის კორექცია.

უკუჩვენებები
მომატებული მგრძნობელობა ლოზარტანის, სულფონამიდების წარმოებულებისა და პრეპარატის სხვა კომპონენტების მიმართ (მაგალითად, ჰიდროქლოროთიადის), ანურია, თირკმლის მწვავე უკმარისობა (კრეატინინის კლირენსი 30მლ/წთ-ზე ნაკლები), ჰიპერკალციემია, ჰიპერურიკემია და/ან პოდაგრა, ჰიპონატრიემია, ღვიძლის ფუნქციის გამოხატული დარღვევები, ორსულობა, ლაქტაციის პერიოდი.

გამოყენება ორსულობისა და ლაქტაციის პერიოდში
მონაცემები ლოზარტანის ორსულობის პერიოდში გამოყენების შესახებ არ არსებობს. ნაყოფის თირკმლისმიერი პერფუზია, რომელიც დამოკიდებულია რენინ-ანგიოტენზინ-ალდოსტერონის სისტემის განვითარებაზე, იწყებს ფუნქციონირებას ორსულობის მესამე ტრიმესტრში. რისკი ნაყოფისათვის მატულობს ლოზარტანის მეორე და მესამე ტრიმესტრებში გამოყენებისას. ორსულობის დადგენისას ამ პრეპარატით მკურნალობა დაუყოვნებლივ უნდა შეწყდეს. პრეპარატის ლაქტაციის პერიოდში დანიშვნის აუცილებლობისას ძუძუთი კვება უნდა შეწყდეს.