შემადგენლობა თითოეული შემოგარსული ტაბლეტი შეიცავს 100 მგ აცეკლოფენაკს.
თერაპიული ჩვენებები აცეკლოფენაკი 100 მგ აპკიანი გარსით შემოგარსული ტაბლეტი ნაჩვენებია ოსტეოართრიტის, რევმატოიდული ართრიტის და მაანკილოზებელი სპონდილიტის დროს ტკივილისა და ანთების შესამსუბუქებლად მოზრდილებში.
დოზირება და მიღების წესები დოზირება: არასასურველი ეფექტების მინიმუმამდე შემცირება შესაძლებელია მინიმალური ეფექტური დოზის გამოყენებით სიმპტომების კონტროლისთვის აუცილებელი მინიმალური ხანგრძლივობისთვის (იხ. პუნქტი 4.4). ზრდასრულები რეკომენდებული დოზაა 200 მგ დღეში, მიიღება ორი ცალკეული 100 მგ დოზით, ერთი ტაბლეტი დილით და ერთი საღამოს. ბავშვები ბავშვებში აცეკლოფენაკის 100 მგ ტაბლეტების გამოყენების შესახებ კლინიკური მონაცემები არ არის ხელმისაწვდომი, ამიტომ პრეპარატის გამოყენება ბავშვებში არ არის რეკომენდებული. ხანდაზმულები ხანდაზმულებს, რომლებსაც აქვთ თირკმელების, გულ-სისხლძარღვთა ან ღვიძლის ფუნქციის დარღვევის ალბათობა და რომლებიც იღებენ თანმხლებ მედიკამენტებს, სერიოზული გვერდითი რეაქციების რისკის ქვეშ არიან. თუ არასტეროიდული ანთების საწინააღმდეგო საშუალებების გამოყენება საჭიროდ ითვლება, უნდა იქნას გამოყენებული ყველაზე დაბალი ეფექტური დოზა და უმოკლესი დროის განმაბლობაში. არასტეროიდული ანთების საწინააღმდეგო საშუალებებით თერაპიის დროს საჭიროა პაციენტის რეგულარული მონიტორინგი კუჭ-ნაწლავის ტრაქტში სისხლდენაზე. აცეკლოფენაკის 100 მგ ტაბლეტების ფარმაკოკინეტიკა არ იცვლება ხანდაზმულ პაციენტებში, ამიტომ დოზის ან მიღების სიხშირის შეცვლა საჭიროდ არ ითვლება. თირკმლის უკმარისობის მქონე პაციენტები არ არსებობს მტკიცებულება აცეკლოფენაკის 100 მგ ტაბლეტების დოზის შეცვლის აუცილებლობის შესახებ პაციენტებში თირკმლის მსუბუქი უკმარისობით, თუმცა, ისევე როგორც სხვა არასტეროიდული ანთების საწინააღმდეგო საშუალებების შემთხვევაში, სიფრთხილეა საჭირო (იხ. ნაწილი 4.4). პაციენტები ღვიძლის ფუნქციის დარღვევით არსებობს გარკვეული მტკიცებულება, რომ აცეკლოფენაკის 100 მგ ტაბლეტების დოზა უნდა შემცირდეს ღვიძლის ფუნქციის დარღვევის მქონე პაციენტებში და რეკომენდებულია 100 მგ საწყისი დღიური დოზის გამოყენება. შეყვანის მეთოდი: აცეკლოფენაკის 100 მგ შემოგარსული ტაბლეტები განკუთვნილია პერორალური მიღებისთვის და უნდა გადაიყლაპოს მთლიანად დიდი რაოდენობით სითხესთან ერთად. აცეკლოფენაკის მიღება სასურველია ჭამის დროს ან მის შემდეგ. აცეკლოფენაკის 100 მგ ტაბლეტების მიღებამ ცარიელ კუჭზე და ჭამის შემდეგ ჯანმრთელ მოხალისეებში იმოქმედა მხოლოდ აცეკლოფენაკის შეწოვის სიჩქარეზე და არა ხარისხზე.
განსაკუთრებული სიფრთხილის ზომები შენახვისას ინახება 30C-ზე დაბალ ტემპერატურაზე. დაიცავით სინათლისა და ტენიანობისგან. შეინახეთ მედიკამენტები ბავშვებისთვის მიუწვდომელ ადგილას.
