პესტო სანთელი 10მგ #6

საერთაშორისო დასახელება:
Hyoscini butylbromidum

ფარმაკოლოგიური ჯგუფი:
M-ქოლინორეცეპტორების ბლოკატორები

მოქმედება:
პესტო შეიცავს ჰიოსცინის ბუთილბრომიდს და ავლენს სპაზმოლიზურ მოქმედებას საჭმლის მომნელებელი ტრაქტის, სანაღვლე გზებისა და შარდგამომყოფი სისტემის გლუვ კუნთებზე.

ჩვენებები:
საჭმლის მომნელებელი ტრაქტის სპაზმი და ტკივილი (ნაწლავის კოლიკა, გაღიზიანებული ნაწლავის სინდრომი), სანაღვლე გზების კოლიკა, შარდ-სასქესო სისტემის სპაზმი და ტკივილი (თირკმლის კოლიკა, მენსტრუალური ტკივილი, ჰიპერაქტიური შარდის ბუშტი და დეტრუზორული ჰიპერრეფლექსია).

მიღების წესი და დოზირება:
გამოყენების წინ გახსენით ბლისტერის სამკუთხა ნაწილი, ამოიღეთ სუპოზიტორია და შეიყვანეთ რექტალურად.

• მოზრდილები და 12 წელზე უფროსი ბავშვები: 1–2 სუპოზიტორია 2–3-ჯერ დღეში.
• 6–12 წლის ბავშვები: 1 სუპოზიტორია 2–3-ჯერ დღეში.
• 3–6 წლის ბავშვები: ¾ სუპოზიტორია ერთხელ დღეში.

ჭარბი დოზირება:
მოწამვლის მძიმე ნიშნები ჩვეულებრივ არ აღინიშნება. შარდის შეკავების, პირის სიმშრალის, ტაქიკარდიის, თავბრუსხვევის ან მხედველობის დროებითი დარღვევის შემთხვევაში დაუყოვნებლივ მიმართეთ ექიმს.

გამოტოვებული დოზა:
არ მიიღოთ ორმაგი დოზა გამოტოვებულის ასანაზღაურებლად.

შესაძლო გვერდითი ეფექტები:

• კანის ალერგიული რეაქციები (ჭინჭრის ციება) – არახშირი.
• პირის სიმშრალე, ატონიური ყაბზობა – არახშირი.
• შარდის გამოყოფის შეფერხება – იშვიათი.
• ტაქიკარდია – არახშირი.
• ჰიპოტენზია – არახშირი.
• ჰიპერმგრძნობელობის რეაქციები, მათ შორის ანაფილაქსიური შოკი – სიხშირე უცნობია.
• მხედველობის დაბინდვა – იშვიათი.

გვერდითი მოვლენების გამოვლენის შემთხვევაში შეწყვიტეთ პრეპარატის გამოყენება და მიმართეთ ექიმს.