ზაფხული ბავშვებისათვის საუკეთესო დროა გარე აქტივობის დასაგეგმად, მაგრამ ის ასევე ცხელი სეზონისთვის დამახასიათებელი დაავადებების გააქტიურების წინაპირობაც არის.
შესაძლებელია, მიიღოთ პრევენციული ზომები, რაც დაეხმარება თქვენს შვილს, გაუმკლავდნენ ცხელ ზაფხულს და თავიდან აიცილონ მოსალოდნელი ზაფხულის დაავადებები. ამ სტატიაში წაიკითხავთ, რომელი პრობლემები შეიძლება შეგხვდეთ შვილების ჯანმრთელობის მხრივ და რა რეკომენდაციები უნდა გაითვალისწინოთ.
თუ ბავშვი ძალიან დიდ დროს ატარებს მზის ქვეშ, არსებობს რისკი, რომ მიიღოს სითბური/მზის დარტყმა. ამან შეიძლება გამოიწვიოს სისუსტე, თავბრუსხვევა, პულსის მატება და გონების დაკარგვაც კი.
სითბური გამონაყარი/ ნასიცხი წარმოიქმნება ჭარბი ოფლიანობის გამო, რადგან ამ დროს ხდება ოფლის სადინრების დახშობა. ეს იწვევს ქავილსა და გამონაყარს.
ბავშვებს განსაკუთრებით ესაჭიროებათ დაცვა მზის მცხუნვარე სხივებისგან, რადგან ზრდასრულებთან შედარებით ნაკლებად გამომუშავდება მათ კანში მელანინი და უფრო მგრძნობიარენი არიან სხივების ზემოქმედების მიმართ.
მზის დამწვრობა, ისევე როგორც ჩვეულებრივი დამწვრობა, ტოვებს წითელ, ცხელ და მტკივნეულ კვალს კანზე. მძიმე შემთხვევებში შეიძლება ჩამოყალიბდეს ბუშტუკები, ცხელება, შემცივნება, თავის ტკივილი და ზოგადი ავადმყოფობის შეგრძნება.
ზაფხულის თბილი და ნოტიო ამინდი იწვევს ბაქტერიების ზრდას, რის გამოც ბავშვებში იმატებს საკვებით ინტოქსიკაციის ალბათობა.
საკვებისმიერი მოწამვლის თავიდან აცილება შესაძლებელია როგორც ხელების სათანადო დაბანით, ასევე საჭმლის მომზადებისა და შენახვის სათანადო ტექნიკის დაცვით.
მოწამვლისთვის დამახასიათებელი სიმპტომებია: კუჭის ტკივილი, გულისრევა, დიარეა ან ღებინება, ცხელება და ა.შ.
ამ ყველაფერმა შეიძლება გამოიწვიოს გაუწყლოება, სისუსტე.
ზაფხულში ძალიან გავრცელებულია ენტეროვირუსული და როტავირუსული ინფექციები. ენტეროვირუსები იწვევს ბავშვებში რესპირატორულ ინფექციებს. მას ზაფხულის გრიპსაც უწოდებენ.
საერთო სიმპტომებია: გაციება, სურდო, გულისრევა და ა.შ. ვირუსმა ასევე შეიძლება გამოიწვიოს ხელის, ფეხის და პირის დაავადება ბავშვებში. სთხოვეთ ბავშვს, რომ ხშირად დაიბანოს ხელები საპნით.
როტავირუსიც ნაწლავური ვირუსია, რომელიც გავრცელებულია ზაფხულის თვეებში, როდესაც ბავშვები ხშირად ეხებიან ერთმანეთს ეზოში, ჭამენ დაუბანელი ხელებით ან უბრალოდ ჭუჭყიან ხელებს პირში იდებენ. ის ძალზე გადამდებია და მთელ მსოფლიოში ბავშვებში დიარეის ყველაზე გავრცელებული მიზეზია.
ასეთი ვირუსების შემთხვევაში შეგიძლიათ მისცეთ ბავშვს ენტეროჯერმინას სუსპენზია ან ულტრაბიოტიკი Equilibre, რომლებიც დააბალანსებს ნაწლავურ ფლორას და დიარეას.
აგრეთვე ბენეს ელექტროლიტები ენერგიის აღსადგენად და სითხით შესავსებად.
მზის სხივების გადაჭარბებულმა ზემოქმედებამ შეიძლება გამოიწვიოს კანის ალერგიული რეაქცია/ ფოტოდერმატოზი, რომელიც ყველაზე ხშირად ჭინჭრის ციების სახითაა გამოხატული. მას თან ახლავს ძლიერი ქავილი და გამონაყარი.
პატარა მწერებმა შეიძლება დიდი უსიამოვნებები გამოიწვიონ - ქავილი, ანთება, შეშუპება.
ქავილის მოსახსნელად დაიდეთ რაიმე ცივი (ყინული).
ზაფხულის დადგომასთან ერთად მშობლებსაც სჭირდებათ მომზადება და ზაფხულის დაავადებების და სხვა შესაძლო პრობლემების შესახებ ცოდნა. სასურველია, მოამზადოთ “საბავშვო აფთიაქი”, განსაკუთრებით თუ ქალაქგარეთ აპირებთ გასვლას.
სითბური დარტყმა, ფოტოდერმატოზი, ნასიცხი, საკვებით მოწამვლა, ენტეროვირუსი და მწერის ნაკბენის გაღიზიანებები ის ძირითადი პრობლემებია, რომლის მოგვარებაც შეიძლება დაგჭირდეთ.
არ დაგავიწყდეთ, რომ ჯპს-ის საიტზე და MY GPC აპლიკაციაში მთელი თვის განმავლობაში შეგიძლიათ ფასდაკლებით ისარგებლოთ ზემოთ ჩამოთვლილ და საბავშვო აფთიაქისთვის საჭირო სხვა მედიკამენტებზე და დაისვენოთ მშვიდად!