კონტაქტური ლინზები

მოხმარების ვადის მიხედვით, თანამედროვე რბილი კონტაქტური ლინზები არსებობს შემდეგნაირი:

• 1-თვიანი,
• 2-კვირიანი,
• 1-დღიანი.

მოხმარების რეჟიმის მიხედვით არსებობს ისეთი ლინზები,  რომელთა გამოყენებაც შეიძლება მხოლოდ დღის განმავლობაში და გვხვდება ლინზები, რომლებიც დღე-ღამის განმავლობაში გამოიყენება.

რაც უფრო მოკლეა ლინზის გამოყენების ვადა, მით ნაკლებია გართულებების რისკი.

პირველ რიგში უნდა შემოწმდეს კონტაქტური ლინზის წაღმა - უკუღმა ფორმა ანუ U და V ფორმა.

ლინზა უნდა დაისვათ საჩვენებელი თითის ბალიშზე და მიიტანოთ ახლოს, თვალის წინ.

გვერდით ჭრილში დაინახავთ მის ფორმას: ლინზის კიდეები არასწორის შემთხვევაში გადმოზნექილია გარეთ და ღებულობს V ანუ თეფშის ფორმას, სწორ შემთხვევაში კი კიდეები მიმართულია სწორად და ემსგავსება ფიალას ანუ U ფორმას.

1. ლინზების ერთმანეთში არევის თავიდან ასაცილებლად დაიწყე ყოველთვის მაარჯვენა თვალით და გახსენი კონტეინერის მხოლოდ ერთი, ანუ მარჯვენა ლინზისთვის განკუთვნილი მხარე.
   
   
   
2. მოათავსე ლინზა საჩვენებელი თითის „ბალიშზე’’.
   
   
   
3. ამავე ხელის შუა თითით ჩამოწიე ქვედა ქუთუთო.
   
   
   
4. აიხედე ზემოთ და თვალის თეთრ ნაწილზე დაისვი ლინზა.
   
   
   
5. დაიხედე დაბლა ლინზის მოთავსების ადგილისკენ.
   
   
   
6. ნელა გაათავისუფლე ქვედა ქუთუთო, დახუჭე თვალი და ამ მდგომარეობაში გაიხედე ყვალა მიმართულებით.  იგივე გაიმეორე მეორე თვალზე.

1. ზემოთ აიხედე და შუა თთით ჩამოწიე ქვედა ქუთუთო.
   
   
2. საჩვენებელი თითით ნაზად ჩააცურე ლინზა თეთრ გარსზე (სკლერაზე).
   
   
3. ნაზად მოკიდე ცერა და საჩვენებელი თითი ლინზას, მოკეცე და ამოიღე.

ლინზასთან ადაპტაცია შეიძლება გამოიხატოს შემდეგი შეგრძნებებით:

• თვალების ხშირი ხამხამით.
  
  
• თვალებში უცხო სხეულის შეგრძნებით (თითქოს, წამწამი გაქვს ჩავარდნილი)
  
  
• გარდამავალი ბუნდოვანი მხედველობით.
  
  
• ზომიერად გამოხატული თვალის სიწითლით.
  
  
• სინათლის მიმართ მგრძნობელობით (რეკომენდებულია მაღალი ხარისხის მზის სათვალის გამოყენება)

ადაპტაციის სინდრომი შეიძლება გაგრძელდეს 1 კვირიდან 1 თვემდე.

თუ დისკომფორტი გაგიგრძელდა, ბუნდოვანება და სიწითლე დაგრჩა, ამოიღე ლინზები და მიმართეთ ოფთალომოგს.

​

• ჩაისვი კონტაქტური ლინზა მაკიაჟის გაკეთებამდე.
  
  
• სასურველია, გამოიყენო ჰიპოალერგიული კოსმეტიკა.
  
  
• არასასურველია კრემის კონსისტენციის თვალის ჩრდილის გამოყენება.
  
  
• არ გამოიყენო ლაინერი უშუალოდ წამწამების ძირებზე, შიდა ქუთუთოზე.
  

• ლინზის მოხმარებამდე აუცილებლად კარგად დაიბანეთ და გაიმშრალეთ ხელი.
  
  
  
• არასოდეს გამოიყენოთ სხვისი კონტაქტური ლინზა, განსაკუთრებით ფერადი ლინზები, რადგან ამით იზრდება ინფექციის განვითარების რისკი.
  
  
  
• რეკომენდებულია,  კონტაქტური ლინზის კონტეინერის მინიმუმ 3 თვეში ერთხელ გამოცვლა.
  
  
  
• კონტაქტური ლინზის გამოყენების მიუხედავად გამოცვალეთ შესანახი ხსნარი კონტეინერში 24 სთ-ში ერთხელ.
  
  
  
• არასოდეს გარეცხოთ კონტაქტური ლინზა ონკანის წყლით.
  
  
  ​
  

კონტაქტური ლინზების გამოყენება კომფორტულად ანაცვლებს სათვალის გამოყენებას, უბრალოდ აუცილებელია დაიცვა მოხმარების წესები. 

კონტაქტური ლინზებისა და ლინზის შესანახი ხსნარების შეძენა შეგიძლია ჯპს-ის  ვებ-გვერდიდან და MY GPC  აპლიკაციიდან.  

შეკვეთას მაქსიმუმ 60 წუთში მიიღებ სასურველ მისამართზე ან მიაკითხავ გამზადებულ შენაძენს ფილიალში უფასოდ 7 დღის განმავლობაში