შემადგენლობა: სიტაგლიპტინი და მეტფორმინის ჰიდროქლორიდი
ჩვენებები: ეს პრეპარატი ხელს უწყობს კვების შემდეგ წარმოქმნილი ინსულინის დონის მომატებას და ამცირებს ორგანიზმის მიერ გამომუშავებული შაქრის დონეს. დიეტასთან და ვარჯიშთან ერთად, ეს პრეპარატი ხელს უწყობს სისხლში შაქრის დონის შემცირებას. ეს წამალი შეიძლება გამოყენებული იყოს ცალკე ან დიაბეტის სამკურნალო სხვა გარკვეულ წამლებთან ერთად (ინსულინი, სულფონილშარდოვანა ან გლიტაზონები).
მიღების წესები და დოზირება: მიიღეთ ერთი ტაბლეტი: დღეში ორჯერ პერორალურად; საკვებთან ერთად, რათა შეამციროთ კუჭის აშლილობის ალბათობა.
უკუჩვენება: - თუ გაქვთ ალერგია სიტაგლიპტინის ან მეტფორმინის ან ამ პრეპარატის ნებისმიერი სხვა ინგრედიენტების მიმართ (ჩამოთვლილია შემადგენლობაში); - თუ გაქვთ თირკმლის ძლიერ დაქვეითებული ფუნქცია; - თუ გაქვთ უკონტროლო დიაბეტი - თუ გაქვთ მძიმე ინფექცია ან დეჰიდრატაცია; - თუ აპირებთ რენტგენის გადაღებას, რომლის დროსაც შეყავთ საღებავი. - თუ ცოტა ხნის წინ გქონდათ გულის შეტევა ან გაქვთ ცირკულაციასთან დაკავშირებული მძიმე პრობლემები, როგორიცაა „შოკი“ ან გაძნელებული სუნთქვა; - თუ გაქვთ ღვიძლთან დაკავშირებული პრობლემები; - თუ ალკოჰოლს ჭარბად ღებულობთ (ყოველ დღე ან პერიოდულად); - თუ ხართ მეძუძური დედა.
თუ ხართ ორსულად ან ხართ მეძუძური დედა, ან ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე ჰკითხეთ რჩევა თქვენს ექიმს ან ფარმაცევტს. ეს პრეპარატი არ უნდა მიიღოთ ორსულობის დროს ან ძუძუთი კვებისას.
შენახვის პირობები: შეინახეთ ეს მედიკამენტი ბავშვებისთვის უხილავ და მიუწვდომელ ადგილას. ეს პროდუქტი არ საჭიროებს განსაკუთრებულ შენახვის პირობებს.
