მუხის ქერქი

შემადგენლობა: მუხის ქერქი შეიცავს 8%-მდე მთრიმლავ ნივთიერებებს, მათ შორის ფლობაფენებს, გალისა და ელაგის მჟავებს, კატეხინებს, შეიცავს პენტოზანებს, პექტინებს, ფლავონოიდებს.

ფარმაკოთერაპიული ჯგუფი: მცენარეული წარმოშობის ანთების საწინააღმდეგო, შემკვრელი მოქმედების საშუალება.

ჩვენებები: პირის ღრუს, ხახის, საყლაპავის ანთებითი დაავადებები - სტომატიტი, გინგივიტი, ლარინგიტი, ფარინგიტი. გამოიყენება ღრძილებიდან სისხლდენის დროს, კოლიტის სამკურნალოდ.

დოზირება და მიღების წესი: ნედლეულის 1 სუფრის კოვზს უნდა დაესხას 2 ჭიქა წყალი, ადუღდეს 5 წუთის განმავლობაში, გამოვლებულ იქნას 2-ჯერ დღეში თითო ჭიქა. დასალევად მიიღება 100-100 გრამი სამჯერ დღეში. ნაყენი მოწოდებულია ინჰალაციისა და გარეგანი გამოყენებისთვის.

გვერდითი მოვლენები: ცალკეულ შემთხვვებში შეიძლება გამოვლინდეს ალერგიული რეაქციები. იშვიათად, ხანგრძლივი გამოყენებისას აღინიშნება გემოვნების შეგრძნების დაქვეითება.

უკუჩვენებები: ინდივიდუალური მომატებული მგრძნობელობა მცენარის მიმართ.

ურთიერთქმედება სხვა პრეპარატებთან: არ არის შესწავლილი.

ორსულობა და ლაქტაცია: არ არის შესწავლილი.

მანქანისა და სხვა მექანიზმების მართვა: არ ახდენს გავლენას.

ჭარბი დოზირება: არ არის შესწავლილი.

გარეგნული სახე და შეფუთვა: 50 გ მცენარეული ნედლეული მოთავსებულია პოლიეთილენის პარკში და მუყაოს კოლოფში.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისიანობის ვადა: 4 წელი.

აფთიაქიდან გაცემის პირობები: რეცეპტის გარეშე.

მწარმოებელი: შპს ,,ფარკონი”. საქართველო.