პრეპარატ კლარისკანის შემადგენლობა - აქტიური ნივთიერებაა გადოტერის მჟავა. 1 მლ ხსნარი ინტრავენური შეყვანისთვის შეიცავს 279,3 მგ გადოტერის მჟავას (მეგლუმინ გადოტერატის სახით), რაც 0,5 მმოლ გადოტერის მჟავას ექვივალენტურია. - დამხმარე ნივთიერებები - მეგლუმინი, ტეტრაქსეტანი (DOTA) და საინექციო წყალი.
რისთვის გამოიყენება პრეპარატი კლარისკანი პრეპარატი კლარისკანი გამოიყენება იმ გამოსახულებების კონტრასტულობის გასაუმჯობესებლად, რომლებიც მიიღება მაგნიტურ-რეზონანსული ტომოგრაფიის (მრტ) ჩატარების დროს. ზრდასრულები და ბავშვები/მოზარდები 0-18 წლამდე: თავის ტვინის, ხერხემლის და მიმდებარე ქსოვილების ტრავმები (დაზიანებები). ზრდასრულები და 6 თვიდან 18 წლამდე ასაკის ბავშვები/მოზარდები: მთელი სხეულის მრტ, ტრავმების (დაზიანებების) მრტ-ს ჩათვლით. ზრდასრულები: მრ-ანგიოგრაფია, არტერიების დაზიანებებისა ან შევიწროებების (სტენოზები) ჩათვლით, კორონარული არტერიების გარდა. მოცემული სამკურნალო პრეპარატი განკუთვნილია მხოლოდ დიაგნოსტიკური მიზნებისათვის გამოსაყენებლად.
პრეპარატი კლარისკანი შეჰყავთ ინტრავენურად. პროცედურა ტარდება საავადმყოფოში, კლინიკაში ან კერძო სამედიცინო ცენტრში. პერსონალი ინფორმირებულია აუცილებელი სიფრთხილის ზომების შესახებ, რომლებიც საჭიროა გამოკვლევისთვის, და გართულებების შესახებ, რომლებიც შეიძლება წარმოიშვას. გამოკვლევის განმავლობაში თქვენ იქნებით ექიმის მეთვალყურეობის ქვეშ. პროცედურის დროს შენარჩუნდება ვენური წვდომა პლასტიკური კათეტერის მეშვეობით, რათა ექიმმა შეძლოს სწრაფად აღმოგიჩინოთ გადაუდებელი სამედიცინო დახმარება რაიმე არასასურველი რეაქციების წარმოქმნის დროს. ალერგიული რეაქციის შემთხვევაში პრეპარატ კლარისკანის შეყვანა უნდა შეწყდეს.
დოზირება მკურნალი ექიმი გამოთვლის დოზას და გააკონტროლებს პრეპარატის შეყვანას.
შეინახეთ მოცემული პრეპარატი ბავშვებისთვის მიუწვდომელ ადგილას. არაუმეტეს 30 С ტემპერატურაზე, მეორადი რენტგენის სხივებისგან დაცულ ადგილზე.
