საერთაშორისო დასახელება - Fe(II) fumarate+folic acid+vit.C+B12+Mn

შემადგენლობა:
ყოველი რბილი ჟელატინის კაფსულა შეიცავს:
რკინა 100 მგ. (305 მგ რკინის ფუმარატიდან)
ვიტამინი C 100 მგ.
სპილენძი 1.12 მგ. (2.8 მგ სპილენძის სულფატიდან)
ფოლის მჟავა 2 მგ.
ვიტამინი B12 10 მკგ.
მანგანუმი 1.13 მგ. (3.1 მგ მანგანუმის სულფატიდან)

ჩვენებები:
ფერო-6 რბილი ჟელატინის კაფსულები ნაჩვენებია:
- რკინა-დეფიციტურ ანემიის პრევენციისთვის და მკურნალობისთვის: არასრულფასოვანი კვება, პარაზიტული დაავადებები, ქრონიკული დიარეა, მენორაგია, მშობიარობის შემდგომი ჰემორაგია, სისხლმდენი ბუასილი, ტრავმული ჭრილობები, ქირურგიული ოპერაციები და თირკმლის უკმარისობის დროს.
- რკინაზე გაზრდილი მოთხოვნილების შემთხვევაში:
როცა შემცირებულია საკვებით მიღებული რკინის შეწოვა, ორსულობა და ლაქტაცია, მოზარდები, ცხელებით მიმდინარე დაავადებები, თირეოტოქსიკოზი, აქლორჰიდრია, ხანგრძლივად ისეთი პრეპარატების მიღება, როგორიცაა ანტიკონვულსანტები და ქოლესტირამინი.

დოზირება:
ფერო-6 სასურველია მიიღოთ კვების შემდეგ.
- რკინა-დეფიციტური ანემიის პრევენცია: 1 კაფსულა დღეში.
- რკინა-დეფიციტური ანემიის მკურნალობა: 1 კაფსულა დღეში ერთხელ ან ორჯერ. მძიმე ფორმის ანემიის დროს დოზა შეიძლება გაიზარდოს 3 კაფსულამდე დღეში ან ექიმის დანიშნულებისამებრ. რკინა-დეფიციტური ანემიის მკურნალობა გრძელდება მანამ, სანამ არ მოხდება სისხლში ჰემოგლობინის დონის და წითელი უჯრედების რაოდენობის ნორმალიზება. ამის შემდეგ მკურნალობა გრძელდება დამატებით კიდევ 3 თვე ან მეტი ვადით, იმისთვის რომ მოხდეს სხეულში რკინის დეპოების შევსება.
- მდგომარეობები, როცა რკინაზე მომატებულია მოთხოვნილება: 1 კაფსულა დღეში.

უკუჩვენება:
რომელიმე ინგრედიენტის მიმართ მომატებული მგრძნობელობა, ჰემოქრომატოზი ან ჰემოსიდეროზი.

გვერდით ეფექტები:
ფერო-6 უსაფრთხოა და კარგი ამტანობით ხასიათდება. ისევე როგორც სხვა რკინით მდიდარი პრეპარატების მიღებისას, შეიძლება განვითარდეს გულისრევა, ყაბზობა ან დიარეა და ასევე შავი განავალი.

ორსულობა და ლაქტაცია:
პერორალური რკინის პრეპარატები უსაფრთხოა როგორც ორსულობის, ასევე ლაქტაციის დროს რეკომენდებული დოზებით მიღებისას.

წამალთაშორისი ურთიერთქმედება:
ანტაციდები, ციმეტიდინი, ტეტრაციკლინი, ქინოლონი, ლევოდოპა და ქოლესტირამინი ამცირებენ რკინის შეწოვას კუჭ-ნაწლავის ტრაქტიდან.

ქლორამფენიკოლი ამცირებს რკინით თერაპიისას შედეგებს.