მსუბუქი და ზომიერი ტკივილის ხანმოკლე და სიმპტომური მკურნალობისთვის
ამ პრეპარატის მიღების წინ საჭიროა გამოყენების ინსტრუქციის ყურადღებით წაკითხვა, რადგან ის შეიცავს მნიშვნელოვან ინფორმაციას პაციენტებისათვის. საჭიროა ინსტრუქციის შენახვა, მკურნალობის პროცესში შეიძლება საჭირო გახდეს მისი ხელახალი გაცნობის აუცილებლობა. დამატებითი კითხვების გაჩენის ან ნებისმიერი გვერდიტი მოვლენის განვითარების შემთხვევაში უნდა მიემართოს მკურნალ ექიმს ან ფარმაცევტს. თუ პაციენტი ვერ ამჩნევს გაუმჯობესებას, ან მდგომარეობა უარესდება უნდა მიემართოს მკურნალ ექიმს: 3 დღის შემდეგ თუ პაციენტი არის მოზარდი; 3 დღის შემდეგ მკურნალობის დროს სხეულის მაღალი ტემპერატურის შემთხვევაში და 5 დღის შემდეგ ტკივილის მკურნალობის დროს, თუ პაციენტი არის ზრდასრული.

ჩვენება: მოცემული პრეპარატი გამოიყენება ხანმოკლე და სიმპტომატური მკურნალობისათვის მსუბუქი და ზომიერი ტკივილის დროს, ზრდასრულებში და 16 წელზე უფროსი ასაკის მოზარდებში, ისეთი როგორიცაა: თავის კტივილი; კბილის ტკივილი; მენსტრუალური ტკივილი; მცირე დაჭიმულობის, კუნთების, იოგების და მყესების გაწყვეტის შემდგომი ტკივილი.

უკუჩვენება: აღნიშნული პრეპარატი არ მიიღება თუ: პაციენტს აღენიშნება ალერგია კეტოპროფენზე ან პრეპარატის შემადგენელ რაიმე სახის დამხმარე ნივთიერებაზე; თუ პაციენტს, წარსულში აცეტილსალიცილის მჟავის ან ანალგეტიკების, ისეთი როგორიცაა კეტოპროფენი, იბუპროფენი ან დიკლოფენაკი, მიღების შემდეგ წარმოგეშვა ალერგიული რეაქციები, ისეთი როგორიცაა: ბრონქული ასთმა, სუნთქვის გართულება; სახის, ტუჩების, ენის ან ხორხის შეშუპება; ჭინჭრის ციება, სურდო ქავილით; სხვა ალერგიული რეაქციები; თუ პაციენტს როდისმე ჰქონდა ბრონქიალური ასთმა; აქვს კუჭის-თორმეტგოჯა ნაწლავის წყლული ან როდისმე ჰქონია კუჭ-ნაწლავის სისხლდენა, დაწყლულება ან პერფორაცია წარსულში; აქვს კუჭ-ნაწლავის ტრაქტის დაავადება, ისეთი როგორიცაა წყლულოვანი კოლიტი ან კრონის დაავადება; აქვს გულის მძიმე უკმარისობა; აქვს თირკმელების ან ღვიძლის მძიმე დისფუნქცია; მიდრეკილი არის სისხლდენისაკენ; არის ორსულობის მესამე ტრიმესტრში; არის 16 წლამდე ასაკის.
რეკომენდებული დოზა: ზრდასრულები და 16 წელზე უფროსი ასაკის მოზარდები: კეტონალი ექსტრა პლუსი: 25მგ კეტოპროფენი 1-3 ჯერ დღეში ან 50მგ კეტოპროფენი 1-2 ჯერ დღეში. ორმაგი პაკეტის ნახევარი იძლევა 25მგ კეტოპროფენის დოზას, ხოლო მთლიანი ორმაგი პაკეტი-50მგ კეტოპროფენს. ინტერვალი მიღებებს შორის უნდა შეადგენდეს არა ნაკლებ 8 საათს.
გვერდითი მოვლენების განვითარების შესაძლებლობა უნდა შემცირდეს ყველაზე დაბალი ეფექტური დოზის მიღების გზით, მაქსიმალურად მოკლე დროის მანძილზე, რომელიც აუცილებელია სიმპტომების საკონტროლოდ. არ უნდა მოხდეს პრეპარატის რეკომენდებული დოზის ან მკურნალობის ხანგრძლივობის გადაჭარბება.