საერთაშორისო დასახელება - ibuprofen
კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით

შემადგენლობა
გელი ადგილობრივი გამოყენებისთვის.
ფენოგელის თითოეული გრამი შეიცავს აქტიური ნივთიერების – იბუპროფენის 50 მგ-ს.
დამხმარე ნივთიერებები: იზოპროპილის სპირტი, დიიზოპროპანოლამინი, პოლიეთილენგლიკოლი, კარბომერი, მენთოლი და გაწმენდილი წყალი.

ჩვენებები
ადგილობრივი სიმპტომური საშუალება კუნთებისა და სახსრების პერიოდული ტკივილის დროს, რომელსაც თან ახლავს: მცირე სილურჯე, შესიება, მყესების დაჭიმვა, კუნთების რიგიდულობა (კისრის გაშეშება) ან სხვა კონტრაქტურები, მცირე დაჭიმულობები, რომლებიც ჩნდება ღრძობის ან ლუმბაგოს შემდეგ.

მიღების წესები და დოზები
მხოლოდ კანის ზედაპირზე გარეგანი გამოყენებისთვის.
მოზრდილები და ბავშვები 12 წელს ზემოთ: პრეპარატის თხელი ფენა დაიტანება მტკივნეულ ზედაპირზე 3-4 ჯერ დღეში და უკეთესი შეწოვისთვის სასურველია მსუბუქად შეზელვა.
მითითებები პრეპარატის სწორი გამოყენებისთვის:
- პირველი გამოყენებისთვის, ტუბის გასახსნელად გამოიყენეთ სახურავი (სახურავის მეორე ბოლოთი გახვრიტეთ ტუბი)
- დაიტანეთ გელი მსუბუქი მასაჟის დახმარებით, რათა გამარტივდეს პრეპარატის შეწოვა მტკივნეულ ადგილას
- დაიბანეთ ხელები გელის ყოველი გამოყენების შემდეგ.

გვერდითი მოვლენები
ნებისმიერი სხვა პრეპარატის მსგავსად, ფენოგელის 50 მგ/გ გელმა შესაძლოა გამოიწვიოს გვერდითი მოვლენები, თუმცა ისინი არ ვლინდება ყველა პაციენტის შემთხვევაში.
შესაძლოა გამოვლინდეს პერიოდული ზომიერი ადგილობრივი ერითემა, დერმატიტი, ადგილობრივი გაღიზიანება, ქავილი დამუშავებულ ადგილზე, რომელიც ქრება პრეპარატის გამოყენების შეწყვეტის შემდეგ. გვერდითი მოვლენის სახით შესაძლოა გამოვლინდეს ფოტოსენსიტიური რეაქციები.
სხვა გვერდითი მოვლენების შემთხვევაში საჭიროა პაციენტის კლინიკური მდგომარეობის შეფასება.

უკუჩვენება
მომატებული მგრძნობელობა იბუფროფენის ან პრეპერატის ნებისმიერი დამხმარე ნივთიერების მიმართ.
არ გამოიყენოთ ღია ჭრილობებზე, ლორწოვან გარსზე ან ეგზემატოზურ კანზე, ასევე კანის მზის დამწვრობით დაზიანებულ ზედაპირეზე.
ასპირინისა და სხვა არასტეროიდული ანთების საწინააღმდეგო პრეპარატების მიმართ პოტენციური ჯვარედინი ჰიპერმგრძნობელობის გამო, პრეპარატი არ გამოიყენება პაციენტებში, რომლებსაც ადრე აღენიშნებათ ჰიპერმგრძნობელობა ამ პრეპარატების მიმართ ან მისი გამოყენების შემდეგ განუვითარდათ რინიტი, ასთმა, ანგიოედემა ან ჭინჭრის ციება.

ორსულობა და ლაქტაცია
მიუხედავად იმისა, რომ კანიდან სისტემური შეწოვა ძალზე მცირეა, პრეპარატის გამოყენება არ არის რეკომენდებული ორსულობის ან ლაქტაციის პერიოდში, თუ ამისთვის არ არსებობს სამედიცინო ჩვენება.