დრამინა ტაბლეტი 50მგ #10

შემადგენლობა:
1 ტაბლეტი შეიცავს: აქტიური ნივთიერება: დიმენჰიდრინატი – 50 მგ; დამხმარე ნივთიერებები: ლუდიპრესი (ლაქტოზას მონოჰიდრატი, პოვიდონი, კროსპოვიდონი), მიკროკრისტალური ცელულოზა, მაგნიუმის სტეარატი.

გამოყენების ჩვენებები:
მოძრაობის დაავადება (ზღვის, ავტომობილის, ჰაერის დაავადება); ვესტიბულური და ლაბირინთული დარღვევების სიმპტომების პროფილაქტიკა და მკურნალობა (თავბრუსხვევა, გულისრევა, ღებინება), გარდა იმ სიმპტომებისა, რომლებიც გამოწვეულია სიმსივნის საწინააღმდეგო თერაპიით; მენიერის დაავადება.

უკუჩვენებები:
პრეპარატის კომპონენტების მიმართ ჰიპერმგრძნობელობა, ეპილეფსია, მწვავე ექსუდატიური და ვეზიკულარული დერმატოზები, ბავშვთა ასაკი 3 წლამდე, ორსულობა, ლაქტაციის პერიოდი.

განსაკუთრებული მითითებები:
პრეპარატი სიფრთხილით მიიღება კრუნჩხვითი სინდრომის, დახურულკუთხოვანი გლაუკომის, წინამდებარე ჯირკვლის ჰიპერპლაზიის, ბრონქული ასთმის, გულ-სისხლძარღვთა დაავადებების, ჰიპერთირეოზის, სტენოზური პეპტიკური წყლულის, პილოროდუოდენალური ობსტრუქციის და შარდის ბუშტის ყელის ობსტრუქციის შემთხვევაში.

ორსულობა და ლაქტაცია:
უკუნაჩვენებია (ორსულობის I ტრიმესტრი). პრეპარატის მიღება შესაძლებელია განსაკუთრებული სიფრთხილით (II-III ტრიმესტრი), თუ მოსალოდნელი ეფექტი აჭარბებს პოტენციურ რისკს ნაყოფისათვის. მკურნალობის პერიოდში უნდა შეწყდეს ლაქტაცია.

მიღების წესი და დოზები:
მიიღება შიგნით, სასურველია კვების შემდეგ, საჭირო რაოდენობის წყალთან ერთად.

მოძრაობის დაავადება (ზღვის, ავტომობილის, ჰაერის დაავადება):

• 3-6 წლის ბავშვები: ერთი მეოთხედი-ნახევარი ტაბლეტი დღეში 2-3-ჯერ;

• 7-12 წლის ბავშვები: ნახევარი-1 ტაბლეტი დღეში 2-3-ჯერ;

• 12 წელზე მეტი ასაკის ბავშვები და მოზრდილები: 1-2 ტაბლეტი დღეში 2-3-ჯერ.

ვესტიბულური და ლაბირინთული დარღვევების სიმპტომების პროფილაქტიკა და მკურნალობა:

• 3-6 წლის ბავშვები: ერთი მეოთხედი-ნახევარი ტაბლეტი დღეში 2-3-ჯერ;

• 7-12 წლის ბავშვები: ნახევარი-1 ტაბლეტი დღეში 2-3-ჯერ;

• 12 წელზე მეტი ასაკის ბავშვები და მოზრდილები: 1-2 ტაბლეტი დღეში 2-3-ჯერ.

მენიერის დაავადება:

• 3-12 წლის ბავშვები: ნახევარი-1 ტაბლეტი დღეში 2-3-ჯერ;

• 12 წელზე მეტი ასაკის ბავშვები და მოზრდილები: 1-2 ტაბლეტი დღეში 2-3-ჯერ.

მაქსიმალურმა დღიურმა დოზამ მოზრდილებისათვის არ უნდა გადააჭარბოს 7 ტაბლეტს.

კინეტოზების პროფილაქტიკისთვის რეკომენდირებული დოზის მიღება სასურველია გამგზავრებამდე 30 წუთით ადრე.

პრეპარატის მიღების ხანგრძლივობას და განმეორებითი კურსის საჭიროებას განსაზღვრავს ექიმი.

ზეგავლენა ტრანსპორტის მართვის ან სხვა მექანიზმებთან მუშაობის უნარზე:
გვერდითი ეფექტების გათვალისწინებით სიფრთხილეა საჭირო სახიფათო საქმიანობების შესრულებისას, როდესაც მოითხოვება ყურადღების კონცენტრაცია და სწრაფი ფსიქომოტორული რეაქციები (მათ შორის ტრანსპორტის მართვა).

შენახვის პირობები:
ინახება არაუმეტეს 25°C ტემპერატურაზე, ბავშვებისათვის მიუწვდომელ ადგილას.

გაცემის წესი:
ფარმაცევტული პროდუქტის III ჯგუფი, გაიცემა რეცეპტის გარეშე.