დუპატინი წვეთები თვალის 0.1% 5მლ #1

დუპატინი წვეთები თვალის 0.1% 5მლ

შემადგენლობა:

​აქტიური ნივთიერება: ყოველი 1 მლ შეიცავს ოლოპატადინის ჰიდროქლორიდს, რომელიც 1 მგ ოლოპატადინს ექვივალენტურია.
დამხმარე ნივთიერებები: ბენზალკონიუმის ქლორიდი, ნატრიუმის ქლორიდი, ორფუძიანი ნატრიუმის ფოსფატის დოდეკაჰიდრატი, მარილმჟავა, ნატრიუმის ჰიდროქსიდი, საინექციო წყალი.

ჩვენება:

​დუპატინი გამოიყენება სეზონური ალერგიული კონიუნქტივიტის თვალის ნიშნებისა და სიმპტომების სამკურნალოდ.

ალერგიული კონიუნქტივიტი: ზოგიერთმა პროდუქტმა (ალერგენებმა), როგორიცაა მტვერი, სახლის მტვერი ან ცხოველის თმა, შეიძლება გამოიწვიოს ალერგიული რეაქციები, რაც იწვევს ქავილს, სიწითლეს და თვალის ზედაპირის შეშუპებას.
დუპატინი არის წამალი, რომელიც გამოიყენება თვალის ალერგიული დაავადებების სამკურნალოდ. ის მოქმედებს ალერგიული რეაქციის ინტენსივობის შემცირებით.

გამოყენების წესი:

ზუსტად დაიცავით ექიმის მითითებები დუპატინის გამოყენებისას. თუ არ ხართ დარწმუნებული პრეპარატის გამოყენებაში, მიმართეთ თქვენს ექიმს ან ფარმაცევტს.
ინსტრუქციები სათანადო გამოყენებისა და დოზის/შეყვანის სიხშირის შესახებ

• ჩაიწვეთეთ 1 წვეთი დაზიანებულ თვალ(ებ)ში, დღეში ორჯერ, დილით და საღამოს.
  
• ჩაიწვეთეთ რეკომენდებული დოზა, თუ ექიმის მიერ სხვაგვარად არ არის დანიშნული.
  
• ჩაიწვეთეთ დუპატინი ორივე თვალში მხოლოდ იმ შემთხვევაში, თუ ექიმმა გითხარით.
  
• ჩაიწვეთეთ დუპატინი იმ ხანგრძლივობით, როგორც დაგინიშნათ ექიმმა.
  
  

გამოყენების გზა და მეთოდი:
დუპატინი უნდა იქნას გამოყენებული მხოლოდ თვალის წვეთების სახით.
დაიბანეთ ხელები ჩაწვეთებამდე.

• მოხსენით ბოთლს თავსახური.
  
• ამოიღეთ რგოლი, რომელიც მდებარეობს თავსახურის ქვეშ
  

ჩაიწვეთეთ წამალი თვალებში, როგორც აღწერილია ქვემოთ:

• თავი გადახარეთ უკან; ნაზად ჩამოწიეთ ქვედა ქუთუთო ქვევით ხელით ისე, რომ გაკეთდეს ჯიბე თვალსა და ქუთუთოს შორის.
  
• მეორე ხელით დაიჭირეთ ბოთლი თავდაყირა, ვერტიკალურად თვალის ზემოთ. ჩაასხით ერთი წვეთი ოდნავ შეკუმშვით. ფრთხილად იყავით, რომ არ შეახოთ საწვეთურის წვერი ხელებს ან თვალებს.
  
• ჩაწვეთების შემდეგ თითის წვერით დააწექით თვალის შიდა კუთხეს დაახლოებით 1-2 წუთის განმავლობაში. ეს ხელს უშლის წამლის ცხვირში გადასვლას ცრემლსადენი სადინარების მეშვეობით.

ორსულობა:

თუ ხართ ორსულად ან შესაძლოა დაორსულდეთ, ამ პრეპარატის გამოყენებამდე მიმართეთ ექიმს. თუ მკურნალობის დროს შეამჩნევთ, რომ ორსულად ხართ, დაუყოვნებლივ მიმართეთ ექიმს ან ფარმაცევტს.

ძუძუთი კვება:

ამ პრეპარატის გამოყენებამდე მიმართეთ თქვენს ექიმს ან ფარმაცევტს.
თუ ძუძუთი კვებავთ ჩვილს, არ გამოიყენოთ დუპატინი, რადგან ის შეიძლება გადავიდეს რძეში.

ავტომობილის და მექანიზმების მართვა:

დუპატინის გამოყენების შემდეგ შესაძლოა აღინიშნოს მხედველობის დაბინდვა. არ მართოთ ავტომობილი და არ გამოიყენოთ მექანიზმები, სანამ არ გაქრება ეს სიმპტომი.

შენახვის პირობები:

შეინახეთ დუპატინი ბავშვებისათვის მიუწვდომელ ადგილას და საწყის შეფუთვაში.
ინახება არაუმეტეს 25°C ოთახის ტემპერატურაზე.
გამოიყენეთ ვარგისიანობის ვადის შესაბამისად.
არ გამოიყენოთ დუპატინი შეფუთვაზე მითითებული ვარგისიანობის ვადის გასვლის შემდეგ.
გამოყენების შემდეგ შეინახეთ ბოთლი მჭიდროდ დახურულ მდგომარეობაში.
ბოთლის გახსნის შემდეგ პროდუქტი უნდა იქნას გამოყენებული 28 დღის განმავლობაში.