ჩვენება: ზოლედრო-დენკ 4მგ-5მლ-ის აქტიურ ნივთიერება არის ზოლედრონის მჟავა, რომელიც მიეკუთვნება ბისფოსფონატებად წოდებულ ნივთიერებათა ჯგუფს. ზოლედრონის მჟავა მოქმედებს ძვლებზე და ანელებს ძვლის დაშლის პროცესს. ის გამოიყენება: ძვლოვანი გართულებების თავიდან ასაცილებლად, როგორიცაა: მოტეხილობები, ძვლოვანი მეტასტაზები მოზრდილი ასაკის პაციენტებში (სიმსივნური პროცესის გავრცელება პირველადი კერიდან ძვლებში); სიმსივნური პროცესის შედეგად სისხლში კალციუმის მომატებული დონის შესამცირებლად. ზოგიერთი სახის სიმსივნე იწვევს ძვლის ცვლის გაძლიერებას იმ მხრივ, რომ ზრდის ძვლებიდან კალციუმის გამოთავისუფლებას. ეს მდგომარეობა ცნობილია, როგორც სიმსივნით განპირობებული ჰიპერკალცემია (TIH). ოსტეოპოროზის სამკურნალოდ პოსტმენოპაუზური ასაკის ქალებში და მამაკაცებში, ასევე სტეროიდებით მკურნალობის შედეგად განვითარებულ ოსტეოპოროზის მკურნალობის მიზნით; პეჯეტის დაავადების სამკურნალოდ.
უკუჩვენება: პაციენტი ყურადღებით უნდა მიჰყვეს მკურნალი ექიმის მიერ მოწოდებულ ყველა ინსტრუქციას. მკურნალი ექიმი ჩაატარებს სისხლის ბიოქიმიურ ანალიზს, ვიდრე დაიწყებს ზოლედრო-დენკ 4მგ-5მლ-ით მკურნალობას, ასევე რეგულარული ინტერვალით განახორციელებს მკურნალობის შედეგების შეფასებას. ზოლედრო-დენკ 4მგ-5მლ არ მიიღება, თუ: პაციენტი ალერგიული ზოლედრონის მჟავის, ან სხვა ბისფოსფონატის (ნივთიერებათა ჯგუფი, რომელსაც მიეკუთვნება ზოლედრო-დენკ 4მგ-5მლ) ან მოცემული მედიკამენტის შემადგენლობაში შემავალი ნებისმიერი კომპონენტის მიმართ. თუ პაციენტს აქვს ჰიპოკალცემია (სისხლში კალციუმის ძალიან დაბალი კონცენტრაცია); აქვს თირკმელებთან დაკავშირებული მძიმე პრობლემები; პაციენტი არის ლაქტაციის პერიოდში; პაციენტი არის ორსული.
ბავშვები და მოზარდები: ზოლედრო-დენკ 4მგ-5მლ-ის გამოყენება არ არის რეკომენდებული 18 წლამდე ასაკის ბავშვებსა და მოზარდებში.
ორსულობა და ლაქტაცია: ორსულობის პერიოდში უკუნაჩვენებია ზოლედრო-დენკ 4მგ-5მლ-ით მკურნალობა. უნდა მიემართოს ექიმს, თუ პაციენტი ფიქრობს რომ არის ორსულად ან თუ გეგმავს ორსულობას. ლაქტაციის პერიოდში მყოფ დედებში უკუნაჩვენებია ზოლედრო-დენკ 4 მგ-5მლ-ით მკურნალობა. ორსულად ყოფნის ან ლაქტაციის პერიოდში ნებისმიერი მედიკამენტის მიღებამდე კონსულტაციისათვის უნდა მიემართოს მკურნალ ექიმს.
შენახვის წესი: ინახება ბავშვებისთვის ხელმიუწვდომელ ადგილზე; არ შეიძლება მედიკამენტის გამოყენება შეფუთვაზე „EXP“-ის შემდეგ მითითებული ვარგისიანობის ვადის ამოწურვის შემდეგ. ვადა ამოწურულად ითვლება მითითებული თვის ბოლო დღეს. ინახება არასუმეტეს 25C ტემპერატურაზე. არ შეიძლება მისი გაყინვა.
შენახვის ვადა: გაუხსნელი ფლაკონი: 3 წელი. გახსნის შემდეგ: გამოიყენება დაუყოვნებლივ. განზავების შემდეგ
