საერთაშორისო დასახელება - Paracetamol+Phenylephr+Chlorphen+Caffein
ფარმაკოლოგიური ჯგუფი: გაციების დროს გამოსაყენებელი პრეპარატები

შემადგენლობა:
პარაცეტამოლი 500 მგ
ქლორფენირამინის მალეატი 2 მგ
კოფეინი 30 მგ
ფენილეფრინის ჰიდროქლორიდი 5 მგ
სხვა ინგრედიენტები: სახამებელი, ჟელატინი, ნატრიუმის ბენზოატი, ტალკი, მაგნიუმის სტეარატი, ნატრიუმის სახამებელ-გლიკოლატი, საღებავი მუქი-წითელი.

ჩვენებები: გაციების და გრიპის სხვადასხვა გამოვლინების, რინიტის, ცხვირის “დაცობის”, თავის ტკივილის, ცხელების სიმპტომების შესამსუბუქებლად.
გამოყენება: მოზრდილებში და ბავშვებში 12 წელს ზევით – 1 პაკეტი 3-4-ჯერ დღე-ღამეში, 6-დან 12 წლამდე ბავშვები – 1/2 პაკეტი 3-4-ჯერ დღე-ღამეში. ბავშვები 2-დან 6 წლამდე - 1/4 პაკეტი 3-4-ჯერ დღე-ღამეში.

უკუჩვენება: მომატებული მგრძნობელობა პრეპარატების კომპონენტების მიმართ, ორსულობის და ძუძუთი კვების პერიოდი, 2 წლამდე ასაკი.

გვერდითი მოვლენები: უმეტეს შემთხვევებში პრეპარატი კარგი ამტანობით ხასიათდება. შესაძლებელია ტაქიკარდია, არტერიული წნევის მატება, თავბრუსხვევა, ძილიანობა, ლორწოვანი გარსების სიმშრალე, მადის გაუარესება, კუჭ-ნაწლავის ტრაქტის გაღიზიანება, ცნს-ის სტიმულაცია, ღებინება, გულისრევა, კანის ალერგიული რეაქციები.

განსაკუთრებული მითითებები: სიფრთხილით ინიშნება პაციენტებში, რომლებსაც დარღვეული აქვთ ღვიძლის ფუნქციები, გლაუკომის დროს, შარდის შეკავებისას, პროსტატის კეთილთვისებიანი ჰიპერპლაზიისას, საჭმლის მომნელებელი ტრაქტის გაუვალობის, ეპილეფსიის დროს, გულ-სისხლძარღვთა სისტემის მძიმე დავადებებისას, და აგრეთვე ხანდაზმულ ასაკში. მკურანლობის პერიოდში უნდა ერიდოთ სატრანსპორტო საშუალებების მართვას, მუშაობას მექანიზმებთან და სხვა საფრთხილო საქმიანობას. პრეპარატით მკურნალობის პერიოდში არ უნდა მიიღოთ ალკოჰოლი.