კლინდამეტი სანთელი ვაგინალური 100მგ+200მგ+200მგ #7

შემადგენლობა: 1 საშოს სანთელი შეიცავს: 100 მგ კლინდამიცინი, 200 მგ კლოტრიმაზოლი, 200 მგ მეტრონიდაზოლი. დამხმარე ნივთიერებები: პოლიეთილენ გლიკოლი 400, პოლიეთილენ გლიკოლი 1500.

ფარმაკოთერაპიული ჯგუფი: სოკოს საწინააღმდეგო საშუალება.

ჩვენებები: ტრიქომონიაზი, კანდიდოზური ვულვიტი, საშოს სოკოვანი ინფექციები, საშოს კანდიდოზები, ბაქტერიული ვაგინიტები, ინფექციური ლეიკორეა, შერეული ვაგინალური ინფექციები, არასპეციფიკური ვაგინიტი.

დოზირება და მიღების წესი: კლინდამეტის სანთელი უნდა მოთავსდეს საშოში, 6-7 ღამის განმავლობაში, ძილის წინ. მკურნალობის პერიოდი არ უნდა დაემთხვეს მენსტრუალურ ციკლს. სანთლების გამოყენებამდე უნდა მოხდეს ხელების კარგად დაბანა, სანთელი უნდა მოთავსდეს საშოში რაც შეიძლება ღრმად. ამისათვის უმჯობესია ზურგზე წოლა და ფეხების განლაგება სხეულის გასწვრივ. სანთლის გაკეთების შემდეგ დაუშვებელია ფიზიკური აქტივობა, ადგომა, სიარული, სირბილი. მკურნალობის შეწყვეტა არ უნდა მოხდეს ექიმის რეკომენდაციის გარეშე. ეს დასაშვებია მხოლოდ სერიოზული გაღიზიანების განვითარებისას. დოზის გამოტოვების შემთხვევაში, მისი მიღება უნდა მოხდეს ამის შესახებ გახსენებისთანავე.

გვერდითი მოვლენები: ადგილობრივად გაღიზიანება, ქავილი, წვა, ტკივილი სექსუალური კონტაქტის დროს, იშვიათად შარდვის გახშირება და ზომიერი წვა. პარტნიორებს შესაძლოა აღენიშნოთ წვა, მომატებული მგრძნობელობის რეაქციები.

უკუჩვენებები: მომატებული მგრძნობელობა კლოტრიმაზოლის, კლინდამიცინის, მეტრონიდაზოლის, აზოლების, ნიტროიმიდაზოლების, ლინკომიცინის ჯგუფის წარმომადგენელი საშუალებების მიმართ. კრონის დაავადება, წყლულოვანი კოლიტი, ანტიბიოტიკების მიღებასთან დაკავშირებული კოლიტი.

ურთიერთქმედება სხვა პრეპარატებთან: მკურნალობისას არ გამოიყენება საშოსშიდა საშუალებები, ტამპონები ან ვაგინალური გამორეცხვები.

განსაკუთრებული მითითებები: კლინდამეტი ინიშნება მხოლოდ საშოში გამოყენებისთვის. მკურნალობის პერიოდში პაციენტმა თავი უნდა შეიკავოს სქესობრივი კავშირისგან. მკურნალობის არაეფექტურობის შემთხვევაში, საჭიროა მიკრობიოლოგიური კვლევების ჩატარება დიაგნოზის დაზუსტების მიზნით.

ორსულობა და ლაქტაცია: პრეპარატი ორსულობისა და ლაქტაციის პერიოდში მიიღება მხოლოდ ექიმის რეკომენდაციით.

გარეგნული სახე და შეფუთვა: თეთრი ან მოყვითალო-თეთრი ფერის საშოს სანთლები. #7 სანთელი ბლისტერზე. 1 ბლისტერი გამოყენების ინსტრუქციასთან ერთად მოთავსებულია მუყაოს შეფუთვაში.

შენახვის პირობები: პრეპარატი ინახება არა უმეტეს 25C ტემპერატურაზე მშრალ, სინათლისაგან დაცულ და ბავშვებისთვის მიუწვდომელ ადგილას

ვარგისიანობის ვადა: 2 წელი.

აფთიაქიდან გაცემის პირობები: რეცეპტით.