შემადგენლობა: ამრა ფორტეს ერთი ტაბლეტი შეიცავს აქტიური ნივთიერებების-პერინდოპრილის ერბუმინის 4მგ-სა და ინდაპამიდის 1.25მგ-ს. დამხმარე ნივთიერებები: ლაქტოზა, მიკროკრისტალური ცელულოზა, სილიციუმის დიოქსიდი, მაგნიუმის სტეარატი.

ჩვენება: ესენციალური არტერიული ჰიპერტენზია, რომელიც არასაკმარისად ექვემდებარება საწყის თერაპიას.

უკუჩვენება: ანამნეზში ანგიონევროზული შეშუპება (მათ შორის ამფ-ის ინჰიბიტორების მიღების ფონზე); ჰიპოკალიემია; თირკმელების გამოხატული უკმარისობა (კკ ნაკლები 30მლ-წთ-ზე); ღვიძლის გამოხატული უკმარისობა (მათ შორის ენცეფალოპათიით); QT ინტერვალის გამახანგრძლივებელი პრეპარატების ერთდროული მიღება; ორსულობა, ლაქტაცია; პერინდოპრილისა და სხვა ამფ-ის ინჰიბიტორებისადმი მაღალი მგრძნობელობა; ინდაპამიდისა და სულფონამიდებისადმი მომატებული მგრძნობელობა.პაციენტებში სისხლის პლაზმაში შარდმჟავას მაღალი შემცველობით ინდაპამიდი ზრდის ნიკრისის ქარის (პოდაგრას) განვითარებას.
პრეპარატის ეფექტურობა და უსაფრთხოება ბავშვებში დადგენილი არ არის. არ არის რეკომენდებული პრეპარატის გამოყენება ბავშვებსა და 18 წლამდე მოზარდებში.

ზემოქმედება ავტომობილისა და მექანიზმების მართვის უნარზე: პრეპარატის მიღებისას (განსაკუთრებით თერაპიის დასაწყისში) მოსალოდნელია ინდივიდუალური რეაქციების გამოვლინება, ამიტომ სიფრთხილეა საჭირო ავტომობილისა და სხვა მექანიკური საშუალებების მართვის დროს.

ორსულობა და ლაქტაციის პერიოდი: ორსულობისა და ლაქტაციის პერიოდში პრეპარატი უკუნაჩვენებია.

დოზის გადაჭარბება: სიმპტომები: ა-წ გამოხატული დაქვეითება, გულისრევა, ღებინება, თავბრუსხვევა, პოლიურია ან ოლიგურია (ჰიპოვოლემიის შედეგად ანურიაში გარდამავალი), ბრადიკარდია, ელექტროლიტური დისბალანსი.
მკურნალობა: კუჭის ამორეცხვა, ადსორბენტების დანიშვნა, წყალ-მარილოვანი ბალანსის კორექცია.დოზირება და მიღების წესი: მოზრდილებში ინიშნება 1 ტაბლეტი ამრა ფორტე დღეში ერთხელ, უპირატესად დილას უზმოზე.
პაციენტები თირკმელების უკმარისობით, როცა კკ მეტია 60მლ-წთ-ზე, დოზის კორექციას არ საჭიროებენ (1 ტაბლეტი ამრა ფორტე) დღეში ერთხელ, კრეატინინისა და კალიუმის მუდმივი კონტროლის ქვეშ).
ასაკოვან პაციენტებში და პაციენტებში თირკმელების უკმარისობით (კკ 60-30მლ-წთ) თერაპიული კურსი იწყება მცირე დოზით (რეკომენდებულია პრეპარატი ამრა-1 ტაბლეტი დღეში ერთხელ).

შესაძლო გვერდითი მოვლენები: შესაძლებელია ჰიპოკალიემია, ნატრიუმის დონის შემცირება; არტერიული წნევის გამოხატული დაქვეითება, ორთოსტატური ჰიპოტენზია; შესაძლებელია სისხლის პლაზმაში შარდოვანასა და გლუკოზის შემცველობის მატება; თავის ტკივილი, დაღლილობის შეგრძნება, ასთენია, თავბრუსხვევა, მხედველობის დარღვევა, შუილი ყურებში, ძილის დარღვევა, კრუნჩხვა, პარესთეზიები, ანორექსია, გემოს შეგრძნების დარღვევები; მშრალი ხველა; მუცლის ტკივილი, გულისრევა, ღებინება, ყაბზობა, დიარეა. ნებისმიერი გვერდითი მოვლენის განვითარების შემთხვევაში, მათ შორის ისეთის, რომელი არ არის მოცემული ამ ინსტრუქციაში, უნდა მიემართო მკურნალ ექიმს ანფარმაცევტს.

ვარგისიანობის ვადა: პრეპარატის ვარგისიანობის ვადა-2 წელი.