ამარილი M ტაბლეტი 2მგ+500მგ #30

ამარილი M ტაბლეტი 2მგ+500მგ

შემადგენლობა:

აქტიურ ნივთიერებებს წარმოადგენს გლიმეპირიდი და მეტფორმინის ჰიდროქლორიდი. ერთი ტაბლეტი შეიცავს 2 მგ გლიმეპირიდს და 500 მგ მეტფორმინის ჰიდროქლორიდს.

სხვა შემადგენელი კომპონენტებია: ლაქტოზა, სახამებლის გლიკოლატის ნატრიუმის მარილი, პოვიდონი K30, მიკროკრისტალური ცელულოზა, კროსპოვიდონი, მაგნიუმის სტეარატი, ჰიდროქსიპროპილმეთილცელულოზა, პოლიეთილენგლიკოლი 6000, ტიტანის დიოქსიდი, კარნაუბის ცვილი, გაწმენდილი წყალი.

​

ჩვენება:

​ამარილ M წარმოადგენს პერორალურ პრეპარატს, რომელიც ხელს უწყობს სისხლში შაქრის შემცველობის დაწევას. ამარილ M გამოიყენება დიეტასა და ფიზიკურ ვარჯიშთან ერთად დიაბეტის გარკვეული ფორმების (ტიპი 2 შაქრიანი დიაბეტი) სამკურნალოდ:

• იმ შემთხვევაში, თუ გლიმეპირიდის ან მეტფორმინის საშუალებით ჩატარებული მონოთერაპია არ იწვევს სისხლში გლუკოზის დონის კონტროლს;
  
• გლიმეპირიდისა და მეტფორმინის ტაბლეტებით კომბინირებული მკურნალობის შენაცვლებისას.

​

მიღების წესი:

ამარილ M-ის მიღებისას ყოველთვის ზედმიწევნით დაიცავით თქვენი ექიმის ან ფარმაცევტის მითითებები. ეჭვის შემთხვევაში, გადაამოწმეთ თქვენს ექიმთან ან ფარმაცევტთან.
ამარილ M-ის დოზა დამოკიდებულია თქვენს აუცილებლობაზე, მდგომარეობასა და სისხლსა და შარდში შაქრის შემცველობაზე ჩატარებული ანალიზების შედეგებზე და განისაზღვრება თქვენი ექიმის მიერ. არ მიიღოთ ექიმის მიერ დანიშნულზე მაღალი დოზა.

რეკომენდებული დოზა:
რეკომენდებულია მკურნალობის კურსის დაწყება ყველაზე დაბალი ეფექტური დოზით და შემდეგ ექიმს შეუძლია მისი გაზრდა სისხლში შაქრის შემცველობის დონის მიხედვით.
როდესაც ხდება ცალკეული ტაბლეტების სახით არსებული გლიმეპირიდისა და მეტფორმინის კომბინირებული მკურნალობიდან გადაყვანა, ამარილ M-ის მიღება ხორციელდება ახლახანს მიღებული დოზის საფუძველზე.

• წონის ცვლილების, ცხოვრების სტილის შეცვლის ან სტრესულ სიტუაციებში ყოფნის შემთხვევაში შეიძლება აუცილებელი გახდეს ამარილ M-ის დოზების შეცვლა. აღნიშნულიდან გამომდინარე, გთხოვთ შეატყობინოთ თქვენს ექიმს.
  
• თუ ფიქრობთ, რომ პრეპარატის მოქმედება ძალიან სუსტია ან ძალიან ძლიერია, ნუ შეცვლით დოზას თავად, არამედ მიმართეთ ექიმს.
  
  

პრეპარატის მიღების წესი:
ამარილ M მიიღება პერორალურად უშუალოდ ჭამის წინ ან ჭამის დროს. გადაყლაპეთ ტაბლეტი მთლიანად სულ მცირე ნახევარ ჭიქა წყალთან ერთად.

შენახვის პირობები:

პრეპარატი შეინახეთ ბავშვებისთვის მიუწვდომელ ადგილზე.
პრეპარატი შეინახეთ არა უმეტეს 30˚ C ტემპერატურის პირობებში.

​