კლიმაქსანი ტაბლეტი #40

შემადგენლობა (1 ტაბლეტზე): აქტიური ნივთიერებები: Cimicifuga racemosa (Cimicifuga) C200- 0,8მგ*; Lachesis mutus (Lachesis) C50-0,8მგ*; Apis mellifica (Apis) C200–0,8მგ*. დამხმარე ნივთიერებები: ლაქტოზის მონოჰიდრატი-0,2112 გ, მიკროკრისტალური ცელულოზა-0,0240გ, მაგნიუმის სტეარატი-0,0024გ. *ლაქტოზას მონოჰიდრატთან ჰომეოპათიური ტრიტურაციის სახით.

ჩვენებები: სიმპტომატური საშუალების სახით კლიმაქტერული სინდრომის გამოვლინებების (გაღიზიანება, ემოციური ლაბილურობა, ძილის დარღვევა, თავის ტკივილი, თავბრუსხვევა, გულისცემა, ოფლიანობა, „ალები“) თერაპიაში.

უკუჩვენებები: მომატებული მგრძნობელობა პრეპარატის კომპონენტების მიმართ.

გამოყენების წესი და დოზები: ერთ მიღებაზე-1 ტაბლეტი (უნდა გააჩერონ პირში სრულ გახსნამდე, არა საკვების მიღების დროს), მიიღება დღეში 2-ჯერ, დილით და საღამოს. სიმპტომების სიმძიმის მიხედვით შეიძლება პრეპარატის მიღების გაზრდა დღეში 3-4-ჯერ. პრეპარატის გამოყენების რეკომენდებული ხანგრძლივობა შეადგენს 6 თვეს. ექიმის რეკომენდაციით შეიძლება მკურნალობის განმეორებითი კურსების ჩატარება.

შეაძლო გვერდითი მოვლენები: ალერგიული რეაქციები. ნებისმიერი გვერდითი მოვლენის განვითარების შემთხვევაში, მათ შორის ისეთის, რომელიც არ არის მოცემული ამ ინსტრუქციაში, უნდა მიემართოს მკურნალ ექიმს ან ფარმაცევტს.

დოზის გადაჭარბება: შემთხვევით დოზის გადაჭარბებისას შესაძლოა დისპეფსიური მოვლენები, განპირობებული პრეპარატის შემადგენლობაში შემავალი შემავსებლებით.

განსაკუთრებული მითითებები: პრეპარატის შემადგენლობაში შედის ლაქტოზის მონოჰიდრატი, რის გამოც მისი დანიშვნა რეკომენდებული არ არის იმ პაციენტებში, რომლებსაც აქვთ თანდაყოლილი გალაქტოზემია, გლუკოზის ან გალაქტოზას მალაბსორბციის სინდრომი, ლაქტაზას თანდაყოლილი უკმარისობა.
პრეპარატით მკურნალობის კურსის ჩატარების პერიოდში რეკომენდებულია 2 თვეში ერთხელ მკურნალ ექიმთან კონსულტაცია თერაპიის შესაძლო კორექციის მიზნით.

გამოშვების ფორმა: ჰომეოპათიური ტაბლეტები. 20 ტაბლეტი კონტურულ უჯრედოვან პოლივინილქლორიდის ფირის და ალუმინის ფოლგის შეფუთვაში. 2 კონტურულ უჯრედოვანი შეფუთვა სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

შენახვის წესი: მშრალ, სინათლისაგან დაცულ ადგილას, არაუმეტეს 25C-ზე, ბავშვებისათვის მიუწვდომელ ადგილას.

ვარგისიანობის ვადა: 3 წელი. არ გამოიყენება ვარგისიანობის ვადის გასვლის შემდეგ.

აფთიაქიდან გაცემის წესი: რეცეპტის გარეშე.