საერთაშორისო დასახელება - drospirenone, etinilestradiol კლინიკურ-ფარმაკოლოგიური ჯგუფი: მეანობა, გინეკოლოგია → საშუალებები კონტრაცეპციისათვის → ჰორმონალური კონტრაცეპტივები → მუდმივი პერორალური გამოყენებისათვის შემადგენლობა: გარსით დაფარული ერთი ტაბლეტი შეიცავს: მოქმედი ნივთიერება: დროსპირენონი 3 მგ, ეთინილესტრადიოლი 0,03 მგ დამხმარე ნივთიერებები: ლაქტოზის მონოჰიდრატი, სიმინდის სახამებელი, ჟელატინიზებული სახამებელი, პოვიდონ-25, მაგნიუმის სტეარატი. აპკისებური გარსი (ოპადრაი II. თეთრი*): პოლივინილის სპირტი, ტიტანის დიოქსიდი (E171), მაკროგოლ 3350, ტალკი, ლეციტინი (სოიოსი). აღწერა: თეთრი ან თითქმის თეთრი ორმხრივად ამოზნექილი გარსით დაფარული ტაბლეტი; დიამეტრი: დაახლოებით 6 მმ. ტაბლეტის ერთ მხარეს ამოტვიფრულია სიტყვა “G63”, მეორე მხარე – ამოტვიფრის გარეშე. ფარმაკოთერაპიული ჯგუფი: კომბინირებული კონტრაცეპტული საშუალება (ესტროგენი + გესტაგენი).
ფარმაკოლოგიური თვისებები: ფარმაკოკინეტიკა პრეპარატ მიდიანას® კონტრაცეპტული მოქმედება ეფუძნება სხვადასხვა ფაქტორების ურთიერქმედებას, რომელთაგანაც ყველაზე მნიშვნელოვანია ოვულაციის დამუხრუჭება და ენდომეტრიუმის ცვლილებები. პრეპარატი მიდიანა® არის კომბინირებული პერორალური კონტრაცეპტივი, რომელიც შეიცავს დროსპირენონსა და ეთინილესტრადიოლს. თერაპიული დოზით დროსპირენონს აგრეთვე გააჩნია ანტიანდროგენული და სუსტი ანტიმინერალკორტი-კოიდული თვისებები. მას არ გააჩნია რაიმე ესტროგენული, გლუკოკორტიკოიდული და ანტიგლუკოკორტიკოიდული აქტივობა. ეს განაპირობებს იმას, რომ დროსპირენონის ფარმაკოლოგიური პროფილი ნატურალური პროგესტერონის მსგავსია.
გამოყენების ჩვენება: კონტრაცეპცია.
გამოყენების ხერხი და დოზა: ტაბლეტის მიღება საჭიროა ყოველდღიურად, დაახლოებით ერთსა და იმავე დროს, საჭიროებისამებრ მცირე რაოდენობის წყლის მიყოლებით, ბლისტერულ შეფუთვაზე მითითებული თანამიმდევრობით. აუცილებელია დღეში თითო ტაბლეტის მიღება 21 დღის განმავლობაში. ყოველი მომდევნო შეფუთვიდან ტაბლეტის მიღება იწყება 7-დღიანი ინტერვალის შემდეგ, რომლის განმავლობაში აღინიშნება მენსტრუაციისმაგვარ სისხლდენა. ის, ჩვეულებრივ, იწყება უკანასკნელი ტაბლეტის მიღებიდან 2-3 დღეში და შეიძლება არ შეწყდეს შემდეგი შეფუთვის მიღების დაწყების მომენტისათვის.
