შემადგენლობა: პრეპარატის 1 მლ აქტიური ნივთიერების სახით შეიცავს: 100 მგ ქონდროიტინ ნატრიუმის სულფატი. დამხმარე ნივთიერებები: ბენზილის სპირტი, ნატრიუმის ჰიდროქსიდი ან ქლორწყალბადის მჟავა, საინექციო წყალი.

ფარმაკოთერაპიული ჯგუფი: ქსოვილების ტროფიკისა და რეგენერაციის სტიმულატორი.

ჩვენებები: სახსრებისა და ხერხემლის დეგენერაციული დაავადებები, როგორიცაა: პერიფერიული სახსრების ოსტეოართროზები; მალთაშორისი ოსტეართროზი და ოსტეოქონდროზი.

დოზირება და მიღების წესი: პრეპარატი ინიშნება კუნთშიდა ინექციის სახით 1 მლ დღეში. კარგი ამტანობის შემთხვევაში დოზა იზრდება 2 მლ-მდე, დაწყებული მეოთხე ინექციიდან. მკურნალობის კურსი - 25-30 ინექცია. საჭიროების შემთხვევაში, შესაძლებელია განმეორებითი კურსების ჩატარება 6 თვის შემდეგ.

გვერდითი მოვლენები: სიწითლე, ჭინჭრის ციება, დერმატიტი, მაკულოპაპულარული გამონაყარი, შეშუპებები, სისხლჩაქცევები ინექციის ადგილას, გულისრევა, ღებინება.

უკუჩვენებები: მომატებული მგრძნობელობა პრეპარატის კომპონენტების მიმართ; მიდრეკილება სისხლდენისადმი; თრომბოფლებიტები.

ურთიერთქმედება სხვა პრეპარატებთან: შესაძლებელია არაპირდაპირი ანტიკოაგულანტების, ანტიაგრეგანტების, ფიბრინოლიზურების მოქმედების გაძლიერება, რაც მოითხოვს სისხლის შედედების მაჩვენებლის ხშირ კონტროლს ერთდროული გამოყენებისას.

განსაკუთრებული მითითებები: აღინიშნება მკურნალობის პერიოდში სისხლში ქოლესტერინისა და ტრიგლიცერიდების კონცენტრაციის დაქვეითება.

ორსულობა და ლაქტაცია: არ არის რეკომენდირებული ორსულობისა და ძუძუთი კვების პერიოდში.

მანქანისა და სხვა მექანიზმების მართვა: არ ახდენს გავლენას.

ჭარბი დოზირება: არ აღწერილა ჭარბი დოზირების შემთხვევები.

გარეგნული სახე და შეფუთვა: ხსნარი კუნთშიდა შეყვანისთვის. უფერული, გამჭვირვალე სითხე. 2 მლ #5 უფერული მინის ამპულა გადასატეხი რგოლით კონტურულ უჯრედოვან შეფუთვაში. 2 კონტურული უჯრედოვანი შეფუთვა გამოყენების ინსტრუქციასთან ერთად მუყაოს კოლოფში.

შენახვის პირობები: ინახება ბავშვებისთვის მიუწვდომელ ადგილას, არაუმეტეს 25C ტემპერატურაზე, ორიგინალ შეფუთვაში.

ვარგისიანობის ვადა: 3 წელი.

აფთიაქიდან გაცემის პირობები: რეცეპტის გარეშე.

მწარმოებელი: “კ.ო. რომფარმკომპანის.რ.ლ.”, რუმინეთი.