შემადგენლობა: თითოეული ტაბლეტი შეიცავს 36,90 მგ დექსკეტოპროფენ ტრომეტამოლს, რაც ექვივალენტურია 25 მგ დექსკეტოპროფენის და 4 მგ თიოკოლხიკოზიდს. ჩვენებები: მუფლექსინი პლუსი გამოიყენება ოსტეოართრიტის, ხერხემლის სვეტის ტკივილის სინდრომის, არასახსროვანი რევმატიზმის, მტკივნეული კუნთების სპაზმის და პოსტტრავმული და პოსტოპერაციული ტკივილის სიმპტომური მკურნალობისთვის.
მიღების წესები და დოზირება: მუფლექსინი პლუსის 25 მგ/4 მგ აპკიანი გარსით დაფარული ტაბლეტის რეკომენდებული დოზაა ერთი ტაბლეტი 3-ჯერ დღეში. მუფლექსინი პლუსის ტაბლეტები არ არის განკუთვნილი ხანგრძლივი გამოყენებისთვის და მკურნალობა უნდა შემოიფარგლოს სიმპტომური პერიოდით. მკურნალობის ხანგრძლივობაა 5-7 დღე გამოიყენება მხოლოდ ორალური გზით. ტაბლეტი უნდა გადაიყლაპოს ერთი ჭიქა წყლის მიყოლებით, სავსე კუჭზე. პერორალური მიღების შემდეგ თუ დიარეა განვითარდა, დოზა შესაბამისად უნდა შემცირდეს.
უკუჩვენებები მუფლექსინი პლუსი უკუნაჩვენებია შემდეგ შემთხვევებში: პაციენტები ჰიპერმგრძნობელობით დექსკეტოპროფენის, თიოკოლხიკოზიდის, ანთების საწინააღმდეგო არასტეროიდული სხვა საშუალებების ან ამ პროდუქტის ნებისმიერი დამხმარე ნივთიერების მიმართ; პაციენტებში დუნე დამბლით, კუნთოვანი ჰიპოტონიით; პაციენტებში სისხლდენის პრობლემებით და ანტიკოაგულანტების გამოყენებისას; პაციენტებში აქტიური ან საეჭვო პეპტიური წყლულით/სისხლჩაქცევით ან მორეციდივე პეპტიური წყლულით/სისხლჩაქცევით ან ქრონიკული დისპეფსიით ისტორიაში; პაციენტებში კუჭ-ნაწლავის აქტიური სისხლდენით ან პერფორაციით ანამნეზში, დაკავშირებული ანთების საწინააღმდეგო არასტეროიდული პრეპარატების წინა თერაპიასთან; კრონის დაავადების ან წყლულოვანი კოლიტის მქონე პაციენტებში; პაციენტებში გულის მძიმე უკმარისობით; პაციენტებში ბრონქული ასთმით ანამნეზში; თირკმელების საშუალო და მძიმე დისფუნქციის მქონე პაციენტებში; პაციენტებში ღვიძლის მძიმე უკმარისობით; ჰემორაგიული დიათეზის და კოაგულაციის სხვა დარღვევების მქონე პაციენტებში; ოპერაციამდე ტკივილგამაყუჩებლად გამოყენება კორონარული არტერიის შემოვლითი გრაფტის შემთხვევაში; უკუნაჩვენებია ორსულობისა და ლაქტაციის პერიოდში; არ უნდა გამოიყენონ პაციენტებმა, რომლებსაც ანამნეზში აღნიშნული აქვთ ჰიპერმგრძნობელობის რეაქციები (მაგალითად: ასთმა, ჭინჭრის ციება ან ალერგიული რეაქციები) ასპირინის ან ანთების საწინააღმდეგო არასტეროიდული სხვა საშუალებების მიმართ. ანთების საწინააღმდეგო არასტეროიდული საშუალებებისადმი ჰიპერმგრძნობელობით გამოწვეული მძიმე მიმდინარეობისას, რომელიც იშვიათად იწვევს სიკვდილს, დაფიქსირდა ანაფილაქსიის მსგავსი რეაქციები.
ორსულობა და ლაქტაცია მუფლექსინი პლუსი უკუნაჩვენებია ორსულობის დროს. მუფლექსინი პლუსი არ გამოიყენება ლაქტაციის პერიოდში.
შენახვის პირობები ინახება 25რC-ზე დაბლა ოთახის ტემპერატურაზე.
