საერთაშორისო დასახელება - timolol maleat
კლინიკურ-ფარმაკოლოგიური ჯგუფი: ოფთალმოლოგია → გლაუკომის საწინააღმდეგო საშუალებები → ადგილობრივი გამოყენებისათვის ოფთალმოლოგიაში → ბეტა-ადრენობლოკატორები
შემცველობა: პრეპარატის 1 მლ შეიცავს:
აქტიური ნივთიერება: თიმოლოლის მალეატი 6,84 მგ (თიმოლოლის ექვ. 5,0 მგ) დამხმარე ნივთიერებები: ბენზალკონიუმის ქლორიდი, ნატრიუმის დიჰიდროფოსფატი დიჰიდრატი, ნატრიუმის ჰიდროფოსფატი დოდეკაჰიდრატი, ნატრიუმის ჰიდროქსიდი, საინექციო წყალი.
აღწერილობა: გამჭვირვალე უფერო ხსნარი.

გამოშვების ფორმა:
თვალის წვეთები 5 მგ/მლ
5 მლ. პოლიეთილენის საწვეთურიან ფლაკონში პლასტიკური საცობით-საწვეთურით დახრახნილი ხუფით. ფლაკონს პრეპარატის გამოყენების ინსტრუქციასთან ერთად ათავსებენ მუყაოს ყუთში.

მიღების ჩვენება:
- მომატებული თვალშიდა წნევა (ოფთალმოჰიპერტენზია);
- ღიაკუთხიანი გლაუკომა;
- გლაუკომა აფაკიურ თვალზე და მეორადი გლაუკომის სხვა სახეები;
- დამატებითი საშუალების სახით თვალშიდა წნევის დასაწევად
- დახურულკუთხიანი გლაუკომა (მიოზურებთან კომბინაციაში);
- თანდაყოლილი გლაუკომა (სხვა საშუალებების არაეფექტურობის დროს)

უკუჩვენება
- ბრონქული ასთმა ან სასუნთქი გზების სხვა მძიმე ქრონიკული ობსტრუქციული დაავადებები;
- სინუსური ბრადიკარდია;
- II ან III ხარისხის ატრიოვენტრიკულური ბლოკადა;
- გულის დეკომპენსირებული უკმარისობა;
- დისტროფიული პროცესები რქოვანაში;
- 18 წლამდე ასაკის ბავშვები (ბავშვებში და მოზარდებში პრეპარატის ეფექტურობის და უსაფრთხოების შესახებ მონაცემების არარსებობის გამო);
- ალერგიული რეაქციები პრეპარატის კომპონენტების მიმართ.

მიღების წესი და დოზირება
მკურნალობის დასაწყისში პრეპარატ ოფთან®® თიმოლოლის 1-2 წვეთი 5,0 მგ/მლ დაზიანებულ თვალში 2-ჯერ დღეში.
თუ თვალშიდა წნევა რეგულარული გამოყენებისას ნორმალიზდება, საჭიროა დოზის შემცირება 1 წვეთამდე დღეში ერთხელ დილით.
როგორც წესი, ოფთან®® თიმოლოლით მკურნალობა ხორციელდება ხანგრძლივი დროის განმავლობაში. მკურნალობის დროებით შეწყვეტა ან პრეპარატის დოზირების შეცვლა ხორციელდება მხოლოდ მკურნალი ექიმის მითითებით.

გვერდითი მოქმედება:
ადგილობრივი რეაქციები:
მხედველობის დაბინდვა, კონიუნქტივის გაღიზიანება და ჰიპერემია, წვა და ქავილი თვალებში, ცრემლდენა, რქოვანას ეპითელიუმის შეშუპება, წერტილოვანი ზედაპირული კერატოპათია, რქოვანას ჰიპოსთეზია, „მშრალი თვალის“ სინდრომი, ბლეფარიტი, კონიუნქტივიტი და კერატიტი. ხანგრძლივი გამოყენებისას შესაძლებელია პტოზის და იშვიათად – დიპლოპიის განვითარება. მაფისტულიზირებელი (გამჭოლი) ანტიგლაუკომატოზური ოპერაციების ჩატარებისას შესაძლებელია სისხლძარღოვანი გარსის ჩამოცლა პოსტოპერაციულ პერიოდში.

სისტემური რეაქციები:
გულ-სისხლძარღვთა სისტემა: ბრადიკარდია, ბრადიარითმია, არტერიული წნევის დაწევა, კოლაფსი, გულის ბლოკადა, ტვინის სისხლის მიმოქცევის ტრანზიტორული დარღვევები, გულის ქრონიკული უკმარისობის გამწვავება.
სასუნთქი სისტემა: ქოშინი, ბრონქოსპაზმი, ფილტვების უკმარისობა.
ცენტრალური ნერვული სისტემა: თავის ტკივილი, თავბრუსხვევა, სისუსტე, ცნობიერების მოშლა, ჰალუცინაციები, ინსომნია, ონიროდინია, შფოთვა, გუნება-განწყობის შეცვლა.
ალერგიული რეაქციები: გენერალიზებული ან ლოკალური გამონაყარი. ქავილი.
კანი: ალოპეცია, ფსორიაზისმსგავსი გამონაყარი და ფსორიაზის გამწვავება.
შარდსასქესო სისტემა: პეირონის დაავადება.
სხვა სისტემური რეაქციები: პარესთეზიები, ცხვირის დაცობა, მიასთენია, პოტენციის დაქვეითება, გულისრევა, დიარეა, ტკივილი გულმკერდის არეში, შუილი ყურებში.
გვერდითი ეფექტების გამოვლინების შემთხვევაში, დაუყოვნებლივ მიმართეთ თქვენს მკურნალ ექიმს.