ფარმაკოთერაპიული ჯგუფი: ტკივილგამაყუჩებელი, სიცხის დამწევი, ანთების საწინააღმდეგო საშუალება.
ჩვენებები: სხვადასხვა წარმოშობის ტკივილები (თავის ტკივილი, ნევრალგია, რადიკულიტები, მიოზიტები), ციებცხელება, გრიპი, რევმატიზმი, ქორეა.
მიღების წესი და დოზირება: მოზრდილებში შეჰყავთ კუნთში (ან ინტრავენურად ძლიერი ტკივილის დროს), 1-2 მლ პრეპარატი 2-3-ჯერ დღეღამეში. მაქსიმალური სადღეღამისო დოზა 6 მლ (3 გრ ანალგინი). ბავშვებში შეჰყავთ კუნთში ერთჯერადი დოზით 0,1-0,2 მლ პრეპარატი (50-100 მგ ანალგინი) სხეულის 10 კგ მასაზე, 1-2 ჯერ დღეღამეში.
ორსულობა და ლაქტაცია: ორსულობის და ლაქტაციის პერიოდში პრეპარატს ღებულობენ განსაკუთრებული სიფრთხილით.
სიფრთხილე და განსაკუთრებული მითითებები: პრეპარატს ნიშნავენ სიფრთხილით, განსაკუთრებით 9 წლის ასაკამდე ბავშვებში. პრეპარატით ხანგრძლივი მკურნალობის აუცილებლობის შემთხვევაში საჭიროა პერიფერიული სისხლის სურათის პერიოდული კონტროლი. ორსულებში (განსაკუთრებით პირველ ტრიმესტრში და ორსულობის უკანასკნელი 6 კვირის განმავლობაში) პრეპარატის მიღება უნდა იყოს შეზღუდული. პრეპარატის მიღება არ მოქმედებს ავტომანქანის მართვაზე და პოტენციურად სახიფათო მექანიზმებთან მუშაობაზე.
