მოგზაურობა სასიამოვნო და დასამახსოვრებელი მოგონებებით არის სავსე. ყველამ, ვისაც მოგზაურობა უყვარს, იცის, რომ აუცილებელია ბარგის ისე ჩალაგება, რომ სხვადასხვა მოულოდნელობისა და უსიამოვნებისთვის იყოს მზად.
აუცილებლად შექმენი „მინი აფთიაქი“ მოგზაურობისათვის და მოიმარაგე საჭირო მედიკამენტები. გასათვალისწინებელია ისიც, რომ ბევრ ქვეყანაში, განსაკუთრებით ტურისტულ ზონებში ძალიან ძვირია მედიკამენტები და სხვა სამედიცინო მოხმარების ნივთები, ამიტომ ჯობია, თან წაიღო.
გადავწყვიტეთ, საქმე გაგიმარტივოთ და გირჩიოთ ის კონკრეტული მედიკამენტები, რომლებიც შეგიძლია სამოგზაუროდ წასვლამდე წაიღო აფთიაქიდან.
მგზავრობის დროს თუ გაწუხებს თავბრუსხვევა, გულისრევა ან გიჭირს ჩაძინება, დაგჭირდება დრამინა ან ნორმოსტოპი, რომელიც მგზავრობამდე 30 წუთით ადრე უნდა მიიღო, ის დაგეხმარება დაძინებაში და დაგიცავს მოძრაობისგან გამოწვეული უსიამოვნო შეგრძნებებისაგან.
ტრანსპორტით მოძრაობა, დიდხანს სიარული თუ კლიმატის ცვალებადობა ზოგჯერ იწვევს თავის ან მუცლის ტკივილს, ამიტომ აუცილებლად იქონიე თან ტკივილგამაყუჩებელი იბუპროფენი ბიოგარანი ან იბუპროფენი ნორმონის ტაბლეტები.
მიუხედავად იმისა, ხარ თუ არა ალერგიისაკენ მიდრეკილი, მაინც შეიძლება გამოსცადო ალერგიული რეაქციის დისკომფორტი, რასაც ხშირად იწვევს ბუნებისა და კლიმატის ცვალებადობა, განსხვავებული საკვების მიღება თუ მწერის ნაკბენი.
აუცილებლად გაიყოლე ალერგიის დროს გადაუდებელი დახმარებისათვის დექსამეტაზონის ამპულა, ხოლო დანარჩენ შემთხვევაში, ალერგიის გამოვლინების ასალაგებლად გამოიყენე ერიუსი,ბილასტინი,ნიქსარი,დესლორატადინი,სუპრასტინი ან ცეტირიზინის აბები.
ზაფხულში, საზღვაო და მთის კურორტებზე მაღალია ალბათობა, რომ მწერის ნაკბენმა შეგაწუხოს, რაც გამოვლინდება ქავილითა და სიწითლით. ამ დროს ადგილობრივად წასასმელად გამოიყენე დიმესტილის, ფენისტილის, ფოქსილის გელი ან ალერგოსანის მალამო.
სურდო, გაციება და ტემპერატურის მომატებაც ხშირად ხდება უსიამოვნო სიურპრიზი, რადგან ადამიანის ორგანიზმი ცვალებად ამინდსა და მიუჩვეველ ჰავაზე ახდენს ასეთ რეაგირებას. არავის უნდა, რომ თუნდაც ერთი დღე დაკარგოს შეუძლოდ ყოფნის გამო.
მოემზადე და წაიღე ჰერბექსის ან ტაილოლფენ ჰოთის პაკეტები გაციების დაწყებისთანავე დასალევად.
ხოლო რინომარისის, ან ლაირესპის ცხვირის სპრეები გაციების დროს უკეთესად სუნთქვისათვის.
სიცხის დამწევად კი პარაცეტამოლი ან იბუპროფენი გამოგადგება.
მოგზაურობის დროს, ხშირია ენტერო ვირუსისთვის დამახასიათებელი პრობლემები, მაგალითად დიარეა, შეკრულობა (ყაბზობა), მუცლის შებერილობა და გულისრევა.
ამ ყველაფერს იწვევს შეუჩვეველი წყალი, განსხვავებული საკვები, ზღვისა და მდინარის წყალთან ურთიერთობა და ა.შ.
მუცლის შებერილობის დროს შეგიძლია მიიღო ფლატოლის ან არგილე-კარბონის კაფსულები.
ფაღარათის(დიარეა) დროს მისაღებად გაიყოლე სმექტას პაკეტები, ენტეროფურილის ან ლოპერამიდის კაფსულები.
ყაბზობის შემთხვევაში მიიღე ბენე ლაქსატივი კაფსულა ან ლუბრილაქსი წვეთები.
გულისრევის შეგრძნების მოსახსნელად შეგიძლია გამოიყენო დომპერიდონ ბიოგარანი ტაბლეტი.
როდესაც ზემოთ აღნიშნული პრობლემები იჩენს თავს, ფლორა არის მოსაწესრიგებელი, არსებობს გაუწყლოვების რისკიც და იკარგება ელექტროლიტები.
სწრაფად და კომპლექსურად რომ მოგვარდეს ეს ყველაფერი, სასურველია მიიღოთ ბენე ელექტროლიტი, ენტეროსგელი შინაგანი მისაღები გელი, ულტრაბიოტიკი Equilibre ან ბენე ბიფლორაკი კაფსულა.
უსიამოვნო და მოულოდნელი შემთხვევებისათვის რომ იყო მზად, მოიმარაგე ისეთი ანტისეპტიკური საშუალებები, როგორიცაა წყალბადის ზეჟანგი, კურადონას ხსნარი (ბეტადინი), ეთანოლი (სპირტი).
მცირე ჭრილობისა და დამწვრობის შემთხვევისთვის იქონიე პანთენოლი, მწვანე მალამო ან ოქტენისეპტის გელი.
სადაც არ უნდა წახვიდე დასასვენებლად, წინასწარ მომზადება და დაგეგმვა აუცილებელია შენი კმაყოფილებისა და სიმშვიდისათვის.
წასვლისას მნიშვნელოვანია, რომ დროც დაზოგო და კომფორტულად იგრძნო თავი, ამისათვის კი ონლაინ შეძენა ყველაზე მარტივი გამოსავალია.
ჯპს-ის ვებ-გვერდიდან და აპლიკაციიდან შეგიძლია შეიძინო ყველა ზემოთ ჩამოთვლილი მედიკამენტი, ხოლო შეკვეთას მაქსიმუმ 60 წუთში მიიღებ სასურველ მისამართზე.
დააგროვე ტკბილი მოგონებები და იყავი მშვიდად!
